Viljum við Íslendingar fá fjármálalegan einræðisherra ESB yfir okkur?

Ekki er að efa að uppgjafarliðið, sem vill fórna fullveldi Íslands á altari ESB, tekur fagnandi þeim áformum sem nú eru uppi, að sérstakur kommissar ESB sem sumir nefna fjármálalegan zar eftir rússnesku keisurunum fái einræðisvald yfir fjárlögum aðildarríkjanna.

 

Wolfgang Schäuble, fjármálaráðherra Þýskalands, hefur formlega lagt fram þá tillögu að komið verði á fót framkvæmdastjóra ríkisfjármála innan framkvæmdastjórnar ESB sem fái heimild til að beita neitunarvaldi gegn ákvörðunum þjóðþinga um fjárlög.

Samkvæmt frásögn Der Spiegel sunnudaginn 28. október er Mario Draghi, forseti stjórnar Seðlabanka Evrópu,  eindreginn stuðningsmaður þessarar tillögu. Tillaga þessi kemur í beinu framhaldi af því að öll ESB-ríkin nema Tékkar og Bretar hafa gerst aðilar að nýjum ríkisfjármálasamningi.

„Ef við viljum endurvekja traust á evru-svæðinu, verða ríki að framselja fullveldi sitt til samevrópskra stofnana,“ sagði Draghi.

 

Eins og sjá má af þessum orðum eru forystumenn ESB ekki lengur að fara í launkofa með þá grundvallarstaðreynd að ESB-aðildin feli í sér framsal fullveldis aðildarríkjanna. En hér á Íslandi er þessu ávallt þverneitað af ESB-sinnum og talað um ESB-aðild sem „samstarf og samvinnu fullvalda ríkja“.

 

Furðulegast við þá miklu breytingu sem nú er að eiga sér stað í ESB er þó ekki aðeins  hröð samrunaþróun og  sífellt meira framsal fullveldisréttinda á æ fleiri sviðum, heldur hitt að nú er opinskátt stefnt að því að þröngva að lýðræði og sameiginlegum ákvörðunarrétti fulltrúa aðildarríkjanna með því að gefa sérstökum kommissar valdheimildir sem hvorki ESB-þingið né aðrir kommissarar geta hnekkt en þetta er einmitt kjarnapunkturinn í tillögum fjármálaráðherra Þýskalands.

 

Mikið hefur verið rætt um lýðræðishallann í ESB. Þessar hugmyndir ganga þó langtum lengra í misþyrmingu lýðræðislegra vinnubragða en allt annað sem gerst hefur innan ESB. Er þetta það sem Íslendingar vilja? Ekki þarf að efast um að ákafasta ESB-liðið í Samfylkingunni tekur þessari þróun fagnandi. En ótrúlegt er að fólk í öðrum stjórnmálaflokkum sé hrifið af því að dragast inn í hið nýja stórríki Evrópu sem nú er að þróast með þessum hætti. - RA

Athugasemdir

[Pétur (IP-tala skráð) 2.11.2012 kl. 12:59]

Nei, við viljum Davíð Oddsson aftur í Seðlabankann -- og hann getur sjálfsagt setið í stjórnarráðinu einnig. Það reyndist okkur svo vel síðast! Lengi lifi fullveldið ...

[Ásthildur Cesil Þórðardóttir, 2.11.2012 kl. 13:23]

Þar með má segja að síðasta hálmstrá sambandssinna sé farið, þeir hafa svona í lokin þegar allt annað hefur brugðist, reynt að telja okkur trú um að fullveldinu verði ekki fórnað.

Og já sýnist mér að verið sé að endurvekja Dabbagrýluna enn og aftur, hún er samt hætt að bíta held ég. Aðeins kjánaleg.

[Helga Kristjánsdóttir, 2.11.2012 kl. 13:26]

Þú meinar! Pétur. Eina stjórnmálamanninn sem ekki þáði mútur,það reynist okkur vel,eða hitt þá heldur að þvílikt lið er komið il valda,enda eru gammarnir sem flugu upp og fældust,farnir að voma yfir í leit að bráð.

[Ásmundur (IP-tala skráð) 2.11.2012 kl. 15:02]

Nei, að sjálfsögðu viljum við ekki fjármálalegan einræðisherra yfir okkur enda er engin hætta á að við fáum hann þótt við göngum í ESB.

Við viljum hins vegar skerpa á reglum til að koma í veg fyrir að aðrar þjóðir geti farið jafnilla að ráði sínu eins og Grikkir. Þær reglur verða sameiginleg ákvörðun evruríkja og þeim öllum til hagsbóta.

Meirihluti ríkjanna mun ekki finna fyrir neinum breytingum enda engin hætta á misferli þar. Ríkin sem eiga i erfiðleikum vegna spillingar og óráðsíu heima fyrir fá nauðsynlegt aðhald sem kemur í veg fyrir hrun hjá þeim.

Það er engu líkara en að margir andstæðingar ESB-aðildar séu hellisbúar sem geta ekki átt samneyti við annað fólk. Allt samneyti við fólk krefst reglna sem allir verða að fara eftir. ESB er ekkert öðru vísi hvað þetta varðar.

Líklega er þó frekar um að ræða djúpstæða minnimáttarkennd gagnvart útlendingum og ólæknandi þjóðrembu.

Þjóðremban er hættulegt fyrirbæri þar sem skynsemi kemst ekki að. Þess vegna getur hún leitt hörmungar yfir okkur ef hún fær meirihlutafylgi. 

Þjóðremban lýsir sér þannig að frekar vilja menn gangast undir innlend lög og reglur sem eru hrein hrákasmíð en vönduð lög sem horfa til framfara samin í samvinnu við útlendinga.

[Hilmar (IP-tala skráð) 2.11.2012 kl. 16:00]

Kratar hafa alltaf verið svag fyrir kóngum og drottningum. Því verri sem kóngurinn eða drottningin reynast þeim, því betra yfirvald. Af hverju þeir vilja láta berja sig á bert veit ég ekki, og get ekki annað en kastað fram spekúlasjónum. Ég hallast einna helst að því, að kratar þurfi dónínur til að fúnkera, einhverja sem stýra þeim og refsa, þegar það á við.

Frau Merkel, leðurklædda dómínan í Berlín via Brussel virðist henta þeim ákaflega vel, enda vilja þeir ólmir komast í höggfæri við svipu laundóttur Hitlers (eins og illgjarnir menn vilja meina að hún sé) og taka út sínar refsingar.

Af hverju þessir úrkynjuðu einstaklingar vilja draga restina af þjóðina í þetta óeðlilega ofbeldissamband veit ég ekki, enda vill heilbrigt fólk ekki koma nálægt svona óeðli.

Þetta er sama ástæðan og veldur því, að Ómar Ásmundur kemur hingað aftur og aftur, til að láta flengja sig og niðurlægja.

Það fer dálítill hrollur um mig, að maður skuli láta hafa sig út í það að veita aumingjanum þessa fróun.

Finnst ég vera pínulítið skítugur.....

[Kolbrún Hilmars, 2.11.2012 kl. 19:40]

Hvað þýðir það að vera sviptur sjálfsforræði? 

Líklega hafa fæstir moggabloggarar fengið að reyna það á eigin skinni, en ef til vill heyrt utan að sér hvað það þýðir fyrir einstaklinginn.

En fyrirbærið er nákvæmlega sambærilegt við að fá fjármálalegan einræðisherra ESB yfir þjóðina.  Bara stærra í sniðum; 1x300 þúsund. 

[Elle_, 2.11.2012 kl. 19:44]

En er ekki stórmerkilegt að blessaður lygaálfurinn tali samt alltaf eins og hann sé ofan á í öllum rökræðum, öllu heldur þrætum, og viti allt, þrátt fyrir stórkostlega niðurlægingu í gjörtöpuðu máli?

[Elle_, 2.11.2012 kl. 19:48]

Já, Kolbrún, satt hjá þér.  Þetta yrði svipting á sjálfssforræði eins og Haraldur Hansson lýsti svo vel: Ísland svipt sjálfsforræði.

[Gunnar Heiðarsson, 3.11.2012 kl. 00:05]

Gangi þessi tillaga eftir mun einum manni verða fært meira vald yfir íbúum ríkja ESB en áður hefur þekkst, í allri mannkynssögunni.

Þessi maður mun ekki þurfa að lúta neinu yfirvaldi, er einræðisherra að fullu og öllu. Og það sem er þó skelfilegast við þessa hugmynd er að þessi einvaldur mun ekki verða kosinn, heldur skipaður!

Það er dásamlegt lýðræðið í ESB!!

[Ásmundur (IP-tala skráð) 3.11.2012 kl. 08:37]

Þvílíkt endemis bull!

Umræddur embættismaður verður að sjálfsögðu að fylgja lögum og reglum ESB. Hann kemst ekki upp með annað því að annars yrði honum annaðhvort vikið úr starfi eða lögsóttur fyrir Evrópudómstólnum

Völd hans eru því ekki mikil. Að sjálfsögðu eru óteljandi einstaklingar með miklu meiri völd í heiminum. Störf hans ganga aðeins út á að gæta hagsmuna ESB og ríkja þess á grundvelli laga og reglna.

Að tala um einræðisherra í þessu sambandi er því með algjörum ólíkindum. Það eru miklu meiri líkur á að við fáum yfir okkur eins konar "einræðisherra" á eigin vegum en með aðild að ESB.

Eftir reynsluna af því hvernig Grikkir komust upp með að brjóta ákvæði Maastricht-samkomulagsins með hörmulegum afleiðingum er mikill fengur í slíkum embættismanni.

Aðeins þau ríki sem sýna einbeittan brotavilja eins og Grikkir munu verða vör við afskipti af hans hálfu. Vinstrivaktin virðist sannfærð um að við verðum í þeim hópi.

Það verðum við eflaust ef þeir sem henni tengjast komast til valda.  

[Ómar Bjarki Kristjánsson, 3.11.2012 kl. 13:04]

Við viljum við davíð og ragnar arnalds aftur í seðlabankann sem fjármálalega einræðisherra. Ragnar getur jafnframt verið Fjármálaráðherra og reynt að bæta fyrra verðbólgumet sitt sem var 100% verðbólga.

[Bragi, 3.11.2012 kl. 18:27]

Ásmundur alltaf jafn fyndinn. Hann gleymir að taka fram að Þjóðverjar riðu á vaðið með að brjóta Maastricht sáttmálann því það hentaði þeim einfaldlega vel á þeim tíma. Það kallast þýskur einbeittur brotavilji. Það setti fordæmi fyrir aðrar þjóðir. Góð tilraun samt með að koma þessu yfir á Grikki.

Völd þessa manns yrðu gífurlega mikil, ekki einu sinni reyna að telja þér trú um annað. Í þessum nýja sáttmála má varla vera með hallarekstur á ríkissjóði, sem eitt og sér er galið því stundum er það nauðsyn, ef við horfum nú framhjá þessari kreppu. Þessi einstaklingur mætti grípa inn í fjárlög ríkja og þú kallar slík völd ekki mikil?

[Ásmundur (IP-tala skráð) 4.11.2012 kl. 00:02]

Það er óneitanlega hægt að skemmta sér vel við hvernig Braga tekst alltaf að hagræða hlutunum eins og óshyggjan býður honum.

Skv óskhyggju Braga er lítil sem engin spilling í Grikklandi því að annars er ekki hægt að kenna evru um ófarir íbúanna.

Spillingin í Grikklandi gerði Grikkjum ókleift að standa við ákvæði Maastricht-sáttmálans og fært að stunda blekkingar til að fela það með aðstoð Goldman Sachs.

Bragi bætir svo um betur með því að líkja Grikkjum við Þjóðverja sem standa best að vígi allra ESB-þjóða vegna agaðrar hagstjórnar.     

Og nú dugar ekkert minna en að ímynda sér að samvinna mestu lýðræðisríkja heims sé óbærilegt einræði. 

Óskhyggja Braga fer létt með að kyngja því að það að framfylgja vönduðum lögum og reglum, sem þessi ríki bindast samtökum um, sé einræði?

Bragi ætti að athuga hvort hann geti ekki gert sér þessa eiginleika sína að féþúfu. Gæti hann ekki orðið bráðfyndinn uppistandari? 

Treysta andstæðingar aðildar á að málflutningur þeirra skipti engu máli. Það sé alveg sama hvaða bull þeir bera á borð fyrir þjóðina, hún muni hvort sem er hafna aðild? 

[Bragi, 4.11.2012 kl. 00:18]

Æ Ásmundur, það sjá allir í gegnum þig, reyndu frekar að rökræða eins og venjulegt fólk gerir í stað þess að beina athygli að öðrum hlutum en staðreyndum sem sagðar eru við þig. Það heldur umræðunni niðri, er það það sem þú vilt fyrst þú trúir því að ESB/evran sé hið besta í stöðunni fyrir okkur?

Augljóslega er spilling í Grikklandi meiri en í Þýskalandi (hættu nú að reyna að snúa hlutum á haus eins og ég sé að bera þessar tvær þjóðir saman, fólk sér strax í gegnum svona) en ég benti hins vegar á að Þjóðverjar voru þeir fyrstu sem brutu Maastricht sáttmálann. Staðreynd sem verður ekki hrakin en þú hafðir haldið fram öðru og kallað það einbeittan brotavilja. Ef þetta væri svona vandað hefðu þjóðir einfaldlega ekki komist upp með að gera þetta frá byrjun.

Reyndu nú að taka þátt í umræðum eins og fullþroskaður einstaklingur, við biðjum ekki um meira.

[Ásmundur (IP-tala skráð) 4.11.2012 kl. 10:24]

Bragi heldur áfram á sömu braut en kannast nú ekkert við að hafa bent á Þýskaland til að gera lítið úr brotum Grikkja gagnvart ákvæðum Maastricht-samkomulagsins.

Þó voru það hans einu rök í fyrri athugasemd fyrir því að spillingin í Grikklandi væri ekki sökudólgurinn heldur evra.

Nú er málið að ég hafi haldið því fram að Þjóverjar hafi aldrei brotið Maastricht-samkomulagið og kallað það einbeittan brotavilja. Það var nú meiri brotaviljinn.

Þó minntist ég ekkert á Þjóðverja né aðra þegar ég benti á brot Grikkja gegn Maastricht-sáttmálanum og spillinguna í Grikklandi sem ég flokkaði undir einbeittan brotavilja.

Hvað er það annað en einbeittur brotavilji að ráða til sín einn öflugasta banka heims til að hjálpa sér við að fela ástand sem kæmi í veg fyrir að þeir gætu tekið upp evru?

Hvað er það annað en einbeittur brotavilji þegar fólk úr efstu lögum samfélagsins, þar á meðal háttsettir embættismenn og stjórnmálamenn, flytja milljarða evra úr landi til að komast hjá því að greiða af þeim skatt?

Er Bragi svo einfaldur að sjá ekki að slík brot leiða til hruns?  

Það má líkja málflutningi Braga við að afsaka alvarlegt umferðalagabrot, sem leiddi til dauðsfalls, með því að benda á að sökudólgurinn sé ekki sá eini sem hafi gerst brotlegur gegn umferðarlögum því að einhver annar hafi ekið á 35 km hraða þar sem hámarkshraði er 30 km á klukkustund.

Eins og alltaf þegar Bragi þykist vera að rökræða er hann kominn í miklar ógöngur með sinn málflutning. Það gerist óhjákvæmilega alltaf þegar óskhyggjan ein ræður för.

Það er ekki hægt að rökræða við óskhyggju Braga og læt ég því þetta gott heita.   

[Bragi, 4.11.2012 kl. 12:31]

Snú á haus. Fyndinn karakter.