Fulltrúi Íslands í AGS segir Grikki þurfa að losa sig við evruna

Það hefur ekki farið hátt að einn af virtari stjórnmálamönnum í  yngri kantinum í Evrópu í dag, Anders Borg, fjármálaráðherra Svíþjóðar, sem jafnframt gegnir forystuhlutverki fyrir okkur Íslendinga á vettvangi Alþjóðagjaldeyrissjóðsins sem fulltrúi okkar í svokallaðri fjárhagsnefnd AGS, segir að Grikkir geti þurft að yfirgefa evruna. Þannig gætu þeir bætt samkeppnisstöðu sína aftur.

Fyrir þá sem lítið þekkja til mannsins má nefna að hann vekur gjarnan athygli í sjón fyrir að vera óaðfinnanlega jakkafataklæddur býrókrati sem setur hár sitt í tagl. Þessi blanda af hefð og framúrstefnu virðist einnig einkenna hann sem stjórnmálamann og það er gjarnan tekið eftir því sem hann segir. Hann var með fyrstu ríkisstjórnarmeðlimum í ESB-löndunum til að orða það að skoða þyrfti í alvöru þann möguleika að Grikkir færu úr evrusamstarfinu. Á ársfundi Alþjóðagjaldeyrissjóðsins um síðustu helgi endurtók hann þessa skoðun sína með ákveðnari hætti í viðtali við sænska ríkisútvarpið.  Hann sagði á föstudag að það yrði Grikkjum til hagsbóta að yfirgefa evrusamstarfið og hann bætti því jafnframt við að það yrði líkleg niðurstaða sem lausn á þeim þrengingum sem Grikkir búa nú við, þrengingum sem meðal annars má þakka evrunni og þeim brengluðu markaðsniðurstöðum sem henni fylgdu með óeðlilega lágum vöxtum og skuldasöfnun.

Anders veit vel hvað hann talar um. Hann hefur ítrekað sagt að það hafi verið lukka Svía að vera með eigin krónu en ekki evru. Hann er sammála því að með evru hefði ástandið í Svíþjóð verið verra. Og hann er líka þeirrar skoðunar að það sé engin hætta á neinni efnahagslegri einangrun Svía að vera með krónuna sína. Þvert á móti sé það þeirra styrkur.

Í Svíþjóð eru flestir sömu skoðunar um þetta, allt frá Vinstri flokknum til Íhaldsmanna. Þar eru að vísu einhverjir kratar og fáeinir frjálslyndir sem enn horfa til evrunnar. Hér á landi er það aðallega Samfylkingin, þótt rómur evrusinna þar á bæ sé holari með hverjum mánuðinum sem líður.

Evruvandinn var eitt aðalumræðuefnið á ársfundi Alþjóðagjaldeyrissjóðsins og Alþjóðabankans sem hófst  í Tókýó fyrir um viku. Christine Lagarde, yfirmaður AGS, segir að Grikkir verði að fá nokkur ár til viðbótar til að geta uppfyllt skilyrði AGS og ESB fyrir áframhaldandi lánsfjárstuðningi.  Þetta varð eitt aðaldeiluefnið á ársfundinum. Wolfgang Schäuble, fjármálaráðherra Þýskalands, barði í borðið og sagði að Grikkir yrðu að standa við þegar samþykkt skilyrði. Samkvæmt sænska ríkisútvarpinu voru flestir á ársfundinum sér þó meðvitaðir um það að aðalspurningin sem glímt væri við væri hvort Grikkland gæti lifað af innan evrunnar.

Sjá m.a. hér:  http://sverigesradio.se/sida/artikel.aspx?programid=83&artikel=5307947

Athugasemdir

[Ásmundur (IP-tala skráð) 17.10.2012 kl. 14:40]

Því miður eru Grikkir ekkert að hreinsa til i eigin garði. Það leiðir óhjákvæmilega til að þeir verði að segja skilið við evru.

Spillingin í Grikklandi nær upp til stjórnmálamanna og embættismanna í æðstu stöðum. Hún gegnumsýrir allt þjóðfélagið. Hinir lægra settu múta þeim sem geta beitt áhrifum sínum.

Ef Grikkir taka ekki á þessum vanda er tilgangslaust að gefa þeim frekari fresti. Skuldirnar munu bara vaxa með hverju árinu. Þá er betra að segja hingað og ekki lengra strax. 

Þegar Christine Lagarde var fjármálaráðherra Frakklands afhenti hún fjármálaráðherra Grikklands lista yfir vel stæða Grikki sem töldu nánast engar tekjur fram til skatts en lögðu morð fjár inn á reikninga í frönskum bönkum.

Sá gríski stakk listanum ofan í skúffu þar sem ekki var snert við honum árum saman. Það er varla að það hafi verið gert enn þannig að orð sé á gerandi.

Það má líkja evrusamstarfinu við góðan skóla. Það eru gerðar strangar kröfur. Þeir sem uppfylla þær ekki, er ekki vært þar. En þeir sem reynast þess verðir að stunda námið, er ríkulega umbunað. Eins er með evrusamstarfið. Það er ekki pláss fyrir sukk og spillingu þar.

Ég velti því stundum fyrir mér hvort Ísland sé kannski í flokki með Grikklandi og öðrum Suður-Evrópulöndum og sé einfaldlega of spillt til að njóta kosta þess að taka upp evru. 

Svarið er að við eigum nóg af fólki sem vill ekkert frekar en að framfylgja þeirri stefnu. Spurningin er frekar hvort við berum gæfu til að velja það til starfa. Ef ekki, þá er illt í efni. Ísland eitt á báti með ónýtan gjaldmiðil á sér ekki bjarta framtíð.

Að losna við krónuna verður gífurlegur léttir. Með brotthvarfi hennar munu margir spillingarvaldar hverfa. Hver veit nema að það verði þá leikur einn að  lifa við evru.

En auðvitað verður alltaf leikur einn að klúðra góðri stöðu ef menn endilega vilja.    

[Stefan (IP-tala skráð) 17.10.2012 kl. 15:43]

Er það ekki nýtt að Ásmundur evrusinni haldi því fram að Grikkir þurfi að yfirgefa evrusamstarfið? Hann talar um evrusamstarfið sem góðan skóla: Sá skóli er nú er nú að liðast í sundur svo notuð séu hans eigin orð; Grikkir að falla og flestar þjóðir eiga í mesta basli með að ná prófinu. Varla þykir skóli af því tagi vera til fyrirmyndar. Það eru hins vegar til aðrir skóla bæði austan hafs og vestan - og einnig hér á landi. Það eru mörg ríki sem hafa verið þeirrar gæfu aðnjótandi að hafna utan evrusvæðisins. Þeim gengur flest í haginn.

[Bragi, 17.10.2012 kl. 15:44]

"Það má líkja evrusamstarfinu við góðan skóla. Það eru gerðar strangar kröfur. Þeir sem uppfylla þær ekki, er ekki vært þar. En þeir sem reynast þess verðir að stunda námið, er ríkulega umbunað. Eins er með evrusamstarfið. Það er ekki pláss fyrir sukk og spillingu þar."

Þú lifir í ævintýraheimi, Ásmundur hinn blindi.

[Ásmundur (IP-tala skráð) 17.10.2012 kl. 16:21]

Evruandstæðingar ímynda sér að vandi Grikkja ofl sé vegna evrunnar þó að ljóst sé að þar fari saman heimskreppa og spilling heima fyrir.

Merkilegt hvernig þeim tekst að loka augunum fyrir því að Norður- og Vestur- Evrópulöndin eru flest í góðum málum með meiri landsframleiðslu á mann, betri laun og minni skuldir en Íslendingar. Hjá sumum þeirra er atvinnuleysið minna.

En hvers vegna eru Stefán og Bragi á móti evrunni? Er það vegna þess að Davíð Oddsson vill að þeir séu það? Eða er þetta þjóðrembumasókismi?

[Hilmar (IP-tala skráð) 17.10.2012 kl. 16:24]

Ef þú læsir bara eigin þvælu, Mundatetur.

"Grikkir eru í tómu tjóni af því að þeir eru spilltir, þeir verða að yfirgefa evruna"

"Ísland losnar við spillingarvalda með því að taka upp evruna"

Þetta er nálægt því að toppa fullyrðinguna um að það sé enginn skuldavandi í evruríkjum, af því að þau geti prentað eins mikið af evrum og þarf.

Hitt er svo skemmtilegt Mundi minn, að þú skulir nú loks viðurkenna, að við hin höfðum rétt fyrir okkur, Grikkir koma til með að yfirgefa evruna. Hingað til hefur þú alltaf haft rangt fyrir þér. Er ekki kominn tími til að viðurkenna, að þú eigir við ákveðinn vanda að stríða, sem er að hafa aldrei rétt fyrir þér?

[Þorsteinn J Þorsteinsson, 17.10.2012 kl. 18:09]

No 1 ta attu Grikkir asamt fleiri tjodum aldrei adhafa haft møguleika a ad kost inn i Evrusambandid tvi teir hafa aldrei uppfilt skilirdin,en tad var ju gert vegna politisks trystings fra medal annars Tyskalandi Spani og Fraklandi,

2i Griklandi voru(eru)tugir tusunda obinbera starfsmanna a launum tratt fyrir ad hafa ekki mætt i vinnu eda verid daudir arum saman

Fjøldi ferrari  porche bilaa er hvergi meiri i Evropu midad vid høfdatølu,Tugir tusunda feingu lifeyrisgreidslur tratt fyrir ad vera farnir til fedra sinna  fyrir tugum ara,svona møtti leingi halda afram,tad er ekki EU ad kenna astandid i Griklandi heldur spiltum einstaklingum og stjornmalamønnum( tekkjum vid vel her heima)asmt gradugum fjarmalamarkadi,eda a ad kenn EU um ad taug skøtuhju J og S hafa svikid stort sed alt sem taug lofudu,mikid ma sjalfsagt finna ad gøllum vid EU(en mun meira jakvætt) en astandid i Gtriklandi er ekki eitt teirra