Viljum við ESB-reglur sem heimila farþegum að flytja inn 30 lítra af sterku áfengi?

Samkvæmt ESB-reglum má hver farþegi flytja heim með sér 90 lítra af tollfrjálsu léttvíni, 30 lítra af sterku áfengi og styrktu víni, svo og 110 lítra af bjór. Hvaða áhrif hefðu þessar reglur hér á landi á aukna áfengisneyslu og tekjur ríkissjóðs?

Í grein í Mbl. s.l. fimmtudag vekur Helgi Seljan, fyrrv. alþingismaður og formaður fjölmiðlanefndar IOGT athygli á frétt sem birtist nýlega í Fréttablaðinu þar sem fram kom að samkvæmt reglum ESB öðlist farþegar rétt til að flytja inn óhemjumikið magn af áfengi við komu sína til landsins. Þar eð tollar og gjöld af áfengissölu eru afar mikilvægur tekjustofn ríkissjóðs
myndu þessar ESB-reglur kalla á hækkun annarra skatta til að bæta upp tekjutap ríkissjóðs. Síðan er það spurningin sem skiptir enn meira máli hvaða áhrif þessi breyting hefði á neysluna og stefnu Íslendinga í áfengismálum. Grein Helga var svohljóðandi:

„Það hefur ekki farið hátt í öllu umræðuflóðinu um ESB-aðild eða ekki hvaða áhrif inngangan þar myndi hafa á stefnu okkar Íslendinga í áfengismálum. Þar finnst mér þó mikil ástæða til að staldra við og reyna að átta sig á afleiðingunum. Allir vita um ofuráhrif vínframleiðsluþjóðanna í sambandinu og þess vegna ætti enginn að velkjast í vafa um hvers vegna einmitt áfengis»frelsið« er ríkjandi innan sambandsins og þýðir lítt að tala um sérstöðu okkar eylands í þeim efnum frekar en öðrum. Það er annars makalaust að því skuli haldið fram æ ofan í æ af málsmetandi mönnum,
að í okkar stærstu og viðkvæmustu málum eins og sjávarútvegi, landbúnaði og í raun auðlindamálum okkar almennt munum við fá undanþágur frá hinum stífu og sannarlega ófrávíkjanlegu reglum sem gilda hjá bákninu í Brussel.

Hvernig dettur nokkrum í hug að þessi gömlu nýlenduveldi sem deildu og drottnuðu hér áður fyrr séu allt í einu orðin full af kærleika og sanngirni í garð smáríkis eins og okkar? Og sporin hræða varðandi þetta alþjóðlega drottnunarvald. Makríldeilan er lýsandi dæmi um drottnunargirnina og
óbilgirnina, að ógleymdum hrokanum. Meira að segja Danir sem ég hélt að hlytu að standa með Færeyingunum sínum í þessari deilu bugta sig og beygja fyrir ESB-valdinu. Og svo koma flærðarfullir útsendarar þessa valds hingað til lands og belgja sig út af tillitssemi sem þeir þykjast fullvissir um að við munum njóta til hins ýtrasta, ef við bara berum »gæfu« til að afsala okkur fullu sjálfstæði í hendur almættisins í ESB. Mikil er mín andstyggð á þeim, en hálfu meiri á þeim sem leggja þar á trúnað, útsendararnir eru þó bara auðsveipir þjónar almættisins.

En ég ætlaði sannarlega að tala um sláandi dæmi um hina villtu stefnu ESB í áfengismálum og þar er af nógu að taka af hinum skelfilegustu hættumerkjum. Hvað halda menn að verði um áfengisauglýsingaflóðið sem mun skella hér yfir, einmitt þegar hér á landi er verið að reyna
lagaleiðina til enn frekari varnar þessum ófögnuði? Hvað halda menn um áfengi í matvörubúðir sem menn hafa spornað hér á móti og tekist sem betur fer að verjast, halda menn að við ráðum þá ferðinni þegar komið er undir alræðisvald vínframleiðendanna? Ætla menn enn að tala í óvitaskap sínum eða þá í versta falli af taumlausri löngun til inngöngu um aðlögun eða undanþágur. Hafa menn ekkert lært af aðvörunum hinnar virtu stofnunar WHO í þessum efnum?

En fregn í Fréttablaðinu á dögunum varð til þess að ég gat ekki orða bundist og bið alla hugsandi menn að taka eftir. Þar var birt staðreyndin um leyfilegt innflutningsmagn áfengis ef við tækjum upp ESB-reglur. Ég trúði ekki mínum eigin augum, enda þau svo sem gömul orðin. En hér eru
tölurnar: Léttvín 90 lítrar, sterkt áfengi og styrkt vín 30 lítrar, bjór 110 lítrar. Og svo hnykkir fregnin á þessu: 230 lítra af áfengi gætu ferðamenn samtals flutt til landsins, ef regluverk ESB yrði innleitt.

Og svo kemur rúsínan í pylsuendanum: Samninganefnd Íslands vill fá fimm ár til að laga sig að regluverkinu. Mikil er sú undirdánuga auðmýkt, ekki einu sinni undanþága frá ósköpunum, enda örugglega víðsfjarri að vera í boði, en ekki hefði þó sakað að æskja upprétt eftir slíku.

Við bindindismenn ættum sérstaklega að vera á varðbergi þegar um þessi mál er rætt. Við höfum staðið vaktina, stundum nær einir, nú um stundir með sívaxandi hljómgrunn, við verðum að standa vaktina áfram. Hin rauðu aðvörunarljós blikka rækilega."

 

Athugasemdir

[DoctorE (IP-tala skráð) 8.10.2012 kl. 12:04]

Ég reyki hvorki né drekk en mér finnst gott að fólk fái að taka með sér svona til að sleppa við okrið hér á þessu vesæla skeri

[Ásmundur (IP-tala skráð) 8.10.2012 kl. 15:28]

Menn óttast að ríkið verði af miklum tekjum ef flugfarþegar taka með sér þetta mikið magn af áfengi og að það verði þá að afla þeirra með öðrum hætti.

Þetta er að vísu röng ályktun vegna þess að ESB-aðild mun leiða til svo mikils sparnaðar og tekjuauka að það þarf engar sérstakar ráðstafanir í þessum efnum til að vinna upp tekjutapið.

Auk þess er áfengi lítið eða ekkert ódýrara víða, sums staðar jafnvel dýrara. Þessi þrjátíu kíló væru einnig í flestum tilvikum yfirvikt sem þarf að greiða aukalega fyrir. Sparnaðurinn verður því enginn.

Það þarf því að kaupa áfengið í fríhöfnum og taka það sem handfarangur eftir að farangurinn hefur verið vigtaður. Ljóst er að aldrei verður leyft að taka nema brot af þess magni með sér í vélina.

Líklega verður þetta eitt af þessum atriðum sem verður gefin aðlögunartími á. Þetta er hins vegar fráleitt eitthvað sem ætti að hafa áhrif á ákvörðun um aðild.

Að kaupa tollfrjálst við komuna til landsins er séríslenskt fyrirbæri sem samrýmist ekki reglum ESB.

Með því að sækja ekki um undanþágu á þessu atriði er komið í veg fyrir mikinn áfengisinnflutning einstaklinga ef það er markmiðið.

Auk þess eru ekki líkur á að slík undanþága fengist. Þetta eru því fyrst og fremst hlunnindi þeirra þjóða sem geta komið akandi frá útlöndum

[Ómar Bjarki Kristjánsson, 8.10.2012 kl. 16:36]

Já takk. Við viljum það.

[Kolbrún Hilmars, 8.10.2012 kl. 19:12]

Já takk.  Segi eins og Ómar.  Við viljum koma akandi frá útlöndum.

Ætti að vera efst á samningslistanum við ESB að komast í vegasamband við ESB-Evrópu.   Allt annað er mismunun. 

Sem mætti hugsanlega  bæta flugfarþegum upp með sérstöku ókeypis ESB brennivínsflugi sem flytti tollfrjálsa ESB vínskammtinn þeirra?

[Elle_, 8.10.2012 kl. 19:49]

Neðanvert finnst mér vera sterkast af öllu að ofan og segja allt sem segja þarf um þetta drottnunarveldi og yfirtöku yfir sambandsríkjunum:

Hvernig dettur nokkrum í hug að þessi gömlu nýlenduveldi sem deildu og drottnuðu hér áður fyrr séu allt í einu orðin full af kærleika og sanngirni í garð smáríkis eins og okkar? Og sporin hræða varðandi þetta alþjóðlega drottnunarvald. Makríldeilan er lýsandi dæmi um drottnunargirnina og
óbilgirnina, að ógleymdum hrokanum.

[Ásmundur (IP-tala skráð) 8.10.2012 kl. 20:38]

Elle, nú er nóg komið. 

Ef þú ert ekki ákveðin í því að vera í afneitun um staðreyndir varðandi ESB þarftu að fara að kynna þér þær. Með þessu ótrúlega bulli þínu gerirðu ekki annað en að vera þér til skammar.

Svona fráleitar hugmyndir, sem auðvelt er að sannreyna að ekki minnsti fótur er fyrir, hljóta að eiga sér sérstakar skýringar. Mig grunar að þú eða fjölkskylda þín eigi sér einhverja óhuggulega fortíð frá fyrri tíð á meginlandi Evrópu.

Svona fráleitur málflutningur, sem er úr algjörum tengslum við raunveruleikann, er vísbending um að þú hafir alls ekki náð þér eftir mjög slæma reynslu. Þú ættir að leggja kapp á að komast yfir þetta og ekki hika við að leita þér aðstoðar.

Ekki meir, ekki meir.

[Elle_, 8.10.2012 kl. 20:44]

Hvernig dettur nokkrum í hug að þessi gömlu nýlenduveldi sem deildu og drottnuðu hér áður fyrr séu allt í einu orðin full af kærleika og sanngirni í garð smáríkis eins og okkar? Og sporin hræða varðandi þetta alþjóðlega drottnunarvald. Makríldeilan er lýsandi dæmi um drottnunargirnina og
óbilgirnina, að ógleymdum hrokanum.

Frábær lýsing.  Og svo mætti bæta ICESAVE við ofanverða drottnun og hroka nýlenduvelda-sambandsins.

[Ásmundur (IP-tala skráð) 8.10.2012 kl. 20:59]

Mér þykir leitt að hafa kennt Elle um ummæli Vinstrivaktarinnar.

Þau eru samt jafnfráleit  fyrir það. Að taka undir slíkt bull, meira að segja í tvígang, segir allt sem segja þarf um þann sem það gerir. Að sjálfsögðu fylgja engin rök frekar en endranær.

Annars eru ummæli mín um Elle í #6 byggð á langri reynslu af henni. 

[Elle_, 8.10.2012 kl. 21:08]

Lýsingarnar á drottnunarveldinu eru bara eins og þær eru og alveg burtséð frá hvað litlum ósvífnum Brusseldýrkendum finnst persónulega um okkur sem þær skrifa.  

[palli (IP-tala skráð) 9.10.2012 kl. 07:28]

Jájá, Ásmundur. Allir sem eru ekki rígfastir í þinni veruleikafirringu eru bara rugludallar. Jájá.

"evruríkin lenda aldrei í skorti á peningum, þau prenta bara meira af þeim".

Skilgreiningin á þinni dellu, opinberun á þínum hræðilega skorti á vitsmunum, greinargóð lýsing á veruleikafirringu og sturlun.

Og sorry, það hefur lítið upp á sig að sitja vælandi eins og unglingsstelpa, organdi "Nei, þú! Nei, þú!"

Farðu á fokking geðlyf, hrokabyttu illa sturlaði geðsjúklingur.

[Ásmundur (IP-tala skráð) 9.10.2012 kl. 11:04]

Hér er tafla með samanburði á verði áfengis í Evrópulöndum. Ísland sker sig engan veginn úr. Í mörgum löndum er verðmunurinn ekki meiri en svo að það borgar sig greinilega ekki að flytja neitt áfengi til Íslands.

http://www.pricewiki.com/blog/2010/04/05/price-of-alcohol-in-europe/

Verðlækkun á áfengi innanlands þarf ekki að vera mikil til að koma svo til alveg í veg fyrir þennan innflutning. Verðlækkun örvar sölu svo að ríkið gæti hagnast á henni.

Langflestir sem koma frá útlöndum koma flugleiðis. Þeir geta aðeins tekið með sér lítið brot af leyfilegu magni. Að greiða yfirvigt fyrir áfengi borgar sig greinilega ekki.

Það þarf ekki að hafa áhyggjur af að ríkið missi einokun á smásölu á áfengi. Í Svíþjóð er enn ríkiseinokun. Svíar fengu undanþágu. Við munum því einnig fá hana ef við sækjumst eftir því.

Flestir munu fagna lækkuðu áfengisverði með inngöngu í ESB. Kannski að aðildarsinnar ættu að leggja áherslu á það. Takk fyrir ábendinguna. 

[palli (IP-tala skráð) 9.10.2012 kl. 11:43]

Já okei, fleygjum sjálfstæðinu og öllu með út um gluggann, því við fáum ódýran sjúss!! 

Þarft þú ekki annars að fara að kíkja út úr húsi, Ásmundur? Reyna að blanda geði við annað fólk, fá frískt loft, finna tilgang með þessu lífi þínu?

Það er líka fullt af fólk sem getur aðstoðað þig með þín djúpu vandræði, t.d. geðlæknar. Prófaðu að leita einn slíkan uppi og ræða opinskátt um þína tilvist.

[Kolbrún Hilmars, 9.10.2012 kl. 16:13]

Ekki gleyma glerperlunum, Ásmundur.   Þær dugðu nýlenduveldunum vel hér forðum daga. 

En tímarnir hafa reyndar breyst og verðmætamatið með - e.t.v. sjáum við  nútímans glerperlur í formi IPA styrkja?

[Ásmundur (IP-tala skráð) 9.10.2012 kl. 18:17]

Kolbrún, andstæðingar aðildar eru margir miklir furðufuglar sem keppast við að vera ekki sjálfum sér samkvæmir.

Þeir veina yfir því að Íslendingar þurfi kannski að greiða meira til ESB en við fáum en kvarta svo sáran yfir því að við tökum við því sem okkur réttilega ber. Þetta er hræsni.

En jafnvel þó að við horfum eingöngu á þetta í beinhörðum peningum þá er ágóðinn af aðild með upptöku evru svo miklu meiri en þessi munur á því sem við fáum og því sem við þurfum að láta af hendi rakna.

Þar kemur til aukinn stöðugleiki, enginn gjaldeyrisvarasjóður, lækkun á skuldum ríkisins, bætt samkeppnishæfni með aukinni atvinnu og hækkun á útflutningstekjum, svo að eitthvað sé nefnt.

Að ógleymdu tjóni vegna gengishruns ónýtrar krónu sem gerir lántöku á Íslandi að miklu fjárhættuspili.

Hvað kemur til að þeir sem vilja frekari lækkun skulda eru ekki að berjast fyrir upptöku annars gjaldmiðils? Þeir virðast vilja krónu áfram en vilja bara hætta að taka mark á henni.

Er þetta ekki skýr vitnisburður um að krónan er ónýt? 

[Kolbrún Hilmars, 9.10.2012 kl. 18:32]

Ásmundur minn, málið er auðleyst.  Ekkert ESB og þá þarf enginn að kvarta yfir því að greiða þangað meira en við fáum á móti.  Svo ekki sé nú minnst á allt hitt tuðið.

Mér finnst bara spennandi í þessum nýja og breytta heimi að tilheyra þjóðfélagi sem er tilbúið til þess að taka þátt á eigin forsendum.  

Það þykir fínt að byggja upp fyrirtæki við þau skilyrði - sumir kalla það nýsköpun og veita slíku sérstök verðlaun.  Þar er ekki talað um lækkun skulda og upptöku annars gjaldmiðils; lesist:  sameinast einhverju gömlu og grónu fyrirtæki.  Ó nei, nýtt skal það vera.

Því ekki?

[Ásmundur (IP-tala skráð) 9.10.2012 kl. 21:42]

Kolbrún, nýsköpun þrífst miklu betur á Íslandi innan ESB en þar fyrir utan. Þetta er augljóst vegna þess að nýsköpun krefst þess stöðugleika sem ESB og evra veita.

Þegar efnahagsleg uppsveifla er á Íslandi og krónan gjaldmiðillinn er bóla í gangi. Allt gengur eins og í sögu og allir lofa krónuna og bölva evrunni.

Þá viljum við ekki bera okkur saman við norðurlandaþjóðirnar vegna þess að við erum svo miklu betri en þær. Þeir sem halda öðru fram þurfa á endurmenntun að halda.

En allar bólur springa að lokum og þá kemur annað hljóð í strokkinn enda kemur þá í ljós að flest allt hefur verið unnið fyrir gýg.

[palli (IP-tala skráð) 10.10.2012 kl. 07:44]

Stöðugleika?

Prófaðu að horfa út um gluggann, ofurheimskingi. Hvað er að gerast í evrulandi núna?

Þvílíkur bjöllusauður! Þvílíkur þráhyggju geðsjúklingur!

Þú ert hálfviti að garga um hluti sem þú hefur nákvæmlega ekkert vit á. Ástæðan: Þú ert í krossferð fyrir sjálfan þig, að sýna og sanna fyrir sjálfum þér og heiminum, að þú sért sko ekkert það félagslega heilabilaða viðrini sem þú ert.

Náðu bara taki á sjálfum þér og leitaðu aðstoðar geðlæknis.

Það er enginn sem tekur mark á þessari dellu sem lekur út úr þér. Þú ert ekki í neinum tenglsum við raunveruleikann, enda með hausinn svo langt upp í görninni á sjálfum þér að þú hvort heyrir né sérð nokkurn skapaðan hlut.

Þú ert illa þroskaheftur fábjáni.

[Kolbrún Hilmars, 10.10.2012 kl. 13:30]

Ásmundur, ekki er nú stöðugleikinn í ESB glæsilegur samkvæmt skýrslu AGS sem birt var í gær.  Ærið vafasamt að flagga þeim stöðugleika of mikið á næstunni.

Hver hefur annars sagt að við séum "betri" en norðurlandaþjóðirnar? 

Erum samt líklega skárri um sumt en verri um annað - eins og gengur.

[Ásmundur (IP-tala skráð) 10.10.2012 kl. 15:35]

Kolbrún, í samanburði við íslenskan veruleika er stöðugleikinn í ESB nánast aðdáunarverður. Meira að segja evran stendur sig með prýði. Hún hefur hækkað töluvert gagnvart dollar og pundi síðan um mitt sl sumar.

http://www.ecb.int/stats/exchange/eurofxref/html/eurofxref-graph-usd.en.html

Viðskiptaráð sagði rétt fyrir hrun að við ættum að hætta að bera okkur saman við hin norðurlöndin vegna þess að við stæðum þeim langtum framar. Þegar erlendur sérfræðingur varaði við hruni sagði Þorgerður Katrín að hann þyrfti á endurmenntun að halda.

Hinar Norðurlandaþjóðirnar standa okkur efnahagslega miklu framar. Landsframleiðslan er mun meiri þar þrátt fyrir fleiri vinnustundir á mann hér. Laun eru þar miklu hærri og skuldir miklu minni, bæði erlendar skuldir ríkisins og skuldir fyrirtækja og heimila.

Verst er þó sú hætta sem steðjar að Íslandi við hrun á gengi krónunnar. Slíkt hrun getur hæglega leitt til þjóðargjaldþrots.  

[Kolbrún Hilmars, 10.10.2012 kl. 17:10]

Hverjum þykir sinn fugl fagur, Ásmundur, og við eigum okkur greinilega sitthvorn uppáhaldsfuglinn.  :)

Það er ekki fallegt af þér að sparka í Þorgerði, sem er ESB skoðanasystir þín.  Ég var ekki sammála Þorgerði  þá og er ekki enn, sem gerir ekkert til því hún er fráfarandi þingmaður.

Efnahagslega standa alltof margar þjóðir betur fjárhagslega en Ísland, ástæðuna þekkja allir, en einn plús áttum við þó, sem sennilega bjargaði því sem bjargað var; að við hrun var ríkissjóður skuldlaus.

En verði annað hrun, þá verður ekki hægt að skella skuldinni aftur á almúgamanninn - að hann hafi keypt sér annan flatskjá.

[Ásmundur (IP-tala skráð) 10.10.2012 kl. 20:59]

"Efnahagslega standa alltof margar þjóðir betur fjárhagslega en Ísland, ástæðuna þekkja allir, en einn plús áttum við þó, sem sennilega bjargaði því sem bjargað var; að við hrun var ríkissjóður skuldlaus."

Það er rétt að sú staðreynd að ríkið skuldaði lítið 2008 kom í veg fyrir gjaldþrot ríkisins, auk neyðarlaganna og aðstoðar AGS og nágrannaríkja.

Núna skuldar ríkið hins vegar mikið. Þess vegna ert verulegar líkur á að næsta hrun leiði til þjóðargjaldþrots. Það gæti gerst á næstu misserum sérstaklega ef ESB-viðræðunum verður slitið.

Það væri óðs manns æði að slíta aðildarviðræðunum. Aðildarumsóknin hjálpar okkur mikið við að halda okkur á floti. Horfur á ESB-aðild eykur traust á efnahag Íslands. 

Slit á viðræðunum mundi því leiða til gengislækkunar krónunnar og verri lánskjara ríkisins erlendis. Það gæti orðið þungur baggi að bera. 

Auk þess er nokkuð ljóst að undanþága frá fjórfrelsinu með gjaldeyrishöft vegna hrunsins mun endast okkur meðan viðræður eru í gangi.

Slit á viðræðum myndi væntanlega leiða til úrsagnar úr EES mun fyrr en ella með alvarlegum afleiðingum.

Menn verða að gera sér grein fyrir hve svigrúm okkar er takmarkað með allar þessar erlendu skuldir ríkisins.  

[palli (IP-tala skráð) 11.10.2012 kl. 11:17]

Já, Ásmundur!!

Við þurfum að fá okkur evru. Þá verðum við í svo góðum málum.

Eins og þú sagðir sjálfur:

"evruríkin lenda aldrei í skorti á peningum, þau prenta bara meira"

Það væri nú munur!

Þú ættir að kíkja í greindarvísitölupróf og fá það staðfest hversu óhugnarlega heimskur einstaklingur þú ert.

Ertu meira vitlaus en geðsjúkur? Hmm... erfið spurning.