Skiljanleg örvænting á fundi áköfustu ESB-sinna

Meðal athyglisverðra tíðinda vikunnar var fundurinn á Hotel Nordica s.l. þriðjudag þar sem hópur áköfustu ESB-sinna landsins kom saman. Ályktun fundarins ber skýr merki um áhyggjur og örvæntingu þeirra sem sjá fram á að aðildarumsóknin er um það bil að sigla í strand.

 

Á fundi þessum voru saman komnir ýmsir þeir sem hvað ákafast hafa unnið að innlimun Íslands í ESB og má þar nefna Baldur Þórhallsson, prófessor, Benedikt Jóhannesson, framkvæmdastjóra, ASÍ-félagana Guðmund Gunnarsson og Gylfa Arnbjörnsson, Valgerði Sverrisdóttur og Jón Sigurðsson, sem bæði eru fyrrverandi ráðherrar framsóknarmanna, Vilhjálm Egilsson frá Samtökum atvinnulífsins svo og tvo fyrrverandi ráðherra sjálfstæðismanna, Þorgerði Katrínu Gunnarsdóttur og Þorstein Pálsson. Eins og sjá má getur hinn pólitíski ESB-kokteill tæpast orðið öllu sterkari.

 

Og hver var svo boðskapurinn? Fréttablaðið, helsta málgagn ESB á Íslandi, birtir ítarlega frásögn af fundinum og nefnir þá fjóra meginpunkta sem fundurinn lagði áherslu á. Allir punktarnir snúa að upptöku nýs gjaldmiðils og ESB-aðild. Ljóst er að fundarmenn eru hundóánægðir með framgang aðildarviðræðnanna og óttast mjög að þær líði undir lok í kjölfar komandi þingkosninga.

Þessi „meginmarkmið“ fundarins eru í fyrsta lagi að koma íslensku krónunni fyrir kattarnef:

*Agaða hagstjórn sem samræmi stefnuna í ríkisfjármálum og málefnum atvinnuveganna markmiðinu um fjármálastöðugleika og upptöku nothæfs gjaldmiðils.

Næst eru svo áhyggjurnar af því að ekki sé neinn stuðningur við ESB-aðild:

*Traustan pólitískan stuðning við efnahagsmarkmiðin og aðildarviðræðurnar við Evrópusambandið.

 

Því næst koma áhyggjurnar af því hve undarlega hægur gangur er í aðildarviðræðunum miðað við það sem rætt var um og vonir stóðu til því að enn hafa örlagaríkustu kaflarnir fyrir Íslendinga ekki einu sinni verið opnaðir , hvað þá meir:

 

*Nýja raunhæfa áætlun um aðildarviðræðurnar með hliðsjón af aðstæðum hér heima og í Evrópu.

 

Og í fjórða lagi kom skýrt fram að fundurinn bindur miklar vonir við tillögur stjórnlagaráðs og telur að þær geti orðið til að auðvelda inngöngu í ESB. Sá punktur hljóðar svo:

 

*Sú breyting á stjórnarskránni taki gildi sem tryggir að þjóðin geti tekið þessar brýnu ákvarðanir um stöðu Íslands í Evrópu á næsta kjörtímabili.

 

Orðalagið í ályktun fundarins var að vísu ekki sérlega tilfinningaþrungið. Engu að síður er ljóst af ummælum skipuleggjenda fundarins að fundarmenn höfðu þungar áhyggjur af þróun mála. Þær áhyggjur eru auðskildar. Einungis einn stjórnmálaflokkur styður aðildarviðræðurnar heilshugar en stærsti flokkurinn, Sjálfstæðisflokkurinn, hefur tekið skýra afstöðu gegn aðildarumsókninni og vill leggja hana til hliðar og ekki hefja viðræður á ný nema fyrir liggi skýr vilji þjóðarinnar.

 

Sama má segja um Framsóknarflokkinn. Þar hafa orðið mikil umskipti á skömmum tíma. Ákafir ESB-sinnar eins og Halldór Ásgrímsson, Valgerður Sverrisdóttir og Jón Sigurðsson eru öll horfin af þingi og úr forystu flokksins en þar að auki eru þeir þrír þingmenn sem studdu aðildarumsóknina þegar hún var samþykkt, verða ekki í framboði fyrir flokkinn í næstu kosningum, þ.e. Jón Birkir Jónsson, Siv Friðleifsdóttir og Guðmundur Steingrímsson.

 

Flokksþing og flokksráðsfundir VG hafa ávallt lýst því yfir að ESB-aðild samrýmist ekki hagsmunum Íslendinga. Vinstri grænir eru að vísu ennþá innikróaðir í eyðimerkurgöngu sinni á ESB-vegum. En ólíklegt verður að teljast að þeir láti nota sig öðru sinni til að þjóna ESB-draumum Samfylkingarinnar.

 

Þegar svo þar við bætist að samkvæmt öllum könnunum undanfarin þrjú ár hefur komið skýrt í ljós, að mikill meirihluti landsmanna vill ekki ganga í ESB, er ósköp eðlilegt og skiljanlegt að mikil örvænting hafi gripið um sig meðal áköfustu ESB-manna landsins og þeir hói sig saman til skrafs og ráðagerða til að bera fram örvæntingarfulla ósk um „nýja og raunhæfa áætlun um aðildarviðræðurnar“.

 

Á næsta fundi gætu þeir jafnvel orðað óskir sínar enn skýrar:

 

Hættið ekki aðildarviðræðunum því að annars missa Íslendingar af tækifærinu til að taka upp evru áður en hún hrynur. Hættið ekki að kíkja í pakkann þótt við blasi að ESB er að búa sig í stríð við Íslendinga út af makrílveiðum íslenskra sjómanna í íslenskri landhelgi. Hættið ekki aðlögunarviðræðum þótt mikill meirihluti landsmanna vilji ekki ganga í ESB!

 

Athugasemdir

[Ásthildur Cesil Þórðardóttir, 6.10.2012 kl. 12:11]

Frábær færsla.

[Ásthildur Cesil Þórðardóttir, 6.10.2012 kl. 12:12]

Ef til vill ættum við að safna í ferð fyrir þetta fólk til Brussel ... aðra leið.

[Ómar Bjarki Kristjánsson, 6.10.2012 kl. 13:10]

það er skrítið er horft er til íslandssögunnar, að stórar breitingar hafa alltaf endanlega eða formlega gengið hratt fyrir sig og snögglega og oft að gegn því sem mætti ætla af undanfaranum.

Sjáum td. Kritnitökuna um 1000 að hérna drápu innbyggjarar að sögn sendiboða krists hægri vinstri en svo einn daginn: Einn maður undir feld í nokkra daga sjáið til - bíðum við! Hvað skeður? Jú jú innbyggjarar verða barasta allir kristnir rétt si sona!!

Álíka í raun gerist við svokölluð Siðaskipti sirka 1550. það var fátt í aðdragandanum að umskiptin yrðu svo algjör á stuttum tíma. Siðaskiptamenn voru ofsóttir og urðu að fara leynt með sína skoðun og héldu fundi útí fjósum og störfuðu þar aðallega að menningarmálum landsins.

Í tilfelli Siðaskipta, rétt eins og Kristnitöku sjálfrar sirka 500 árum áður- þá verða umskiptin snögg og snörp. Og algjör. Og í kjölfarið fylgja umbætur og blómlegt menningarlíf.

Pínulítið athyglisvert. Nú eru liðin sirka 500 ár frá Siðaskiptum.

[Ómar Bjarki Kristjánsson, 6.10.2012 kl. 13:16]

Edit: ,,það var fátt í aðdragandanum sem benti til, að umskiptin yrðu svo algjör á stuttum tíma."

Við ofansagt er gott að hafa í huga jafnhliða, að þarna voru innbyggjar bara að bregðast við þróun sem gerist á menningar og efnahagssvæði er það til heyrði. Nefnilega Evrópa.

Eitthvað sem hlaut að ske vegna þróunnareffektsins.

Ef maður horfir svo á Andsinna núna - að þá er þetta alveg vita vonlaus barátta hjá þeim. Vegna þess einfaldlega að þeir eru að berjast gegn þróunareffektinum.

[Kolbrún Hilmars, 6.10.2012 kl. 13:21]

Ómar alltaf góður með sína söguskoðun.  Það er rétt að sendiboðar Noregskonungs fyrir Kristnitökuna (AD:1000) voru drepnir og hausar biskupsmanna fuku við Siðaskiptin (AD:1550).

Ertu að ýja að því, Ómar, að sömu aðferðum eigi að beita núna á hörðustu ESB áróðursmennina?  Með því fororði að allt falli svo í ljúfa löð á eftir?

Jahá - hver þeirra vill fórna sér núna fyrir málstaðinn?

[Ómar Bjarki Kristjánsson, 6.10.2012 kl. 13:37]

það eru liðin 500 sirka síðan Siðaskiptaumskiptin áttu sér stað og á þeim tíma hafa orðið umtalsverðar viðhorfsbreytingar á Íslandi varðandi líf og limi.

Alveg þvílíkar breytingar. Menn hafa sennilega metið það þannig á sínum tíma að réttlætanlegt væri að lífláta þá Jón Arason og syni hans alla. Jón var náttúrulega bölvaður ribbaldi og yfirgangsmaður. það er oft litið fram hjá því í dag. Við erum að tala um allt aðra tíma þar sem voru allt önnur viðhorf til nánast allra hluta en nú þekkist.

Samt er merkilegt viðvíkjandi ofansögðu, að þeir sem sögðu frá atburðum varðandi aftöku Jóna Arasonar. vilja eins og setja þessa ákvörðun á einn mann. Jón Bjarnason sem sagðist vel kunna að leysa vandamálið. Og hvað er það sögðu menn undrandi. þá sagði Jón Bjarnason: Öxin og jörðin geyma hann best.

[Ásmundur (IP-tala skráð) 6.10.2012 kl. 13:39]

Meirihluti þjóðarinnar veit eðlilega ekki hvort hann kýs aðild fyrr en ljóst er hvað er í boði þegar samningur liggur fyrir.

Vinstrivaktin og fleiri andstæðingar aðildar óttast mjög að að þá muni þjóðin kjósa aðild. Þess vegna vilja þeir að ferlið verði stöðvað áður en að því kemur.

Þetta er eina hugsanlega skýringin á þessum gífurlega þrýstingi á að slita viðræðunum. Þannig skirrast menn ekki við að ljóstra upp um fyrirlitningu sína á lýðræðinu.

Það er vonandi að kjósendur átti síg á hvaða flokkar og hvaða einstaklingar reyna að koma í veg fyrir að þeir fái að kjósa um aðild eins og ríkisstjórnarflokkarnir hafa lofað í málefnasamningi.

Að afloknum kosningum eru aðildarviðræður svo langt komnar að fráleitt er að slíta þeim.

Almenningur sem hefur alltaf eða nánast alltaf viljað ljúka viðræðunum mun þá gera kröfu um að þær verði leiddar til lykta svo að hann geti kosið um þann samning sem þá liggur fyrir.

það er því líklegt að þeir flokkar sem hafa þá stefnu fyrir þjóðaratkvæðagreiðsluna að slíta viðræðunum verði refsað í kosningunum.

[palli (IP-tala skráð) 6.10.2012 kl. 14:03]

Heldurðu að áróðurinn um þennan samning hafi virkað í þetta skiptið, Ásmundur?

Núna hlýtur það að hafa tekist!!! Ég er alveg viss!!

Óþarfi að hafa mörg orð um lygina um hvað þessi samningur muni opinbera það sem er í boði. Það vita flestir það nú þegar að þessi aðlögunarsamningur er óþarfur til þess. ESB sagði það m.a.s. sjálft. Var það ekki stækkunarstjórinn.... man ekki hvað hann heitir eða hét.

Hahaha... þú ert bara svo sorglegur. Eina spurningin er hvort þú ert vísvitandi að ljúga, eða hvort þú sért bara svo óendanlega heimskur að trúa lygunum.

Ég hallast að því síðara.

Ó, það verður svo gaman þegar dellunni verður troðið ofan í kokið á þér og þínum. Ég hlakka til.

Og Ramó, maður á að segja "gerðist" en ekki "skeði". "Skeði" er danska.

[Kolbrún Hilmars, 6.10.2012 kl. 14:10]

Ásmundur, meirihluti þjóðarinnar virðist hafa það alveg á hreinu hvað hann vill gera við aðildarviðræðurnar að ESB.    Þjóðin fær bara ekkert tækifæri til þess að gera það skriflegt.  

Alla vega ekki fyrr en þið ESB sinnar eruð búnir að kíkja í alla gjafapakkana og  blóðmjólka alla styrktarsjóði ESB.    

[Ásmundur (IP-tala skráð) 6.10.2012 kl. 17:14]

Kolbrún skv langflestum skoðanakönnunum, ef ekki öllum, hefur meirihluti þátttakenda viljað ljúka aðildarbiðræðunum þó að hann hafi ekki viljað aðild.

Það er hins vegar ekkert mark takandi á skoðanakönnunum um aðild meðan samningur liggur ekki fyrir.

Þetta sést best á því að Morgunblaðið lét á sínum tíma gera skoðanakönnun þar sem um 70% voru á móti aðild. 

Í könnuninni var aukaspurning um afstöðu fólks ef viðunandi samningur fengist í sjávarútvegsmálum. Þá brá svo við að 70% voru fylgjandi aðild.

Morgunblaðið birti náttúrlega ekki þennan hluta könnunarinnar. En hann spurðist út og var birtur í allavega einum fjölmiðli.

Ég tel yfirgnæfandi líkur á að við fáum góðan samning í sjávarútvegsmálum og öðrum málum.   

[Elle_, 6.10.2012 kl. 21:10]

Kemur nú orðið ´samningur´ inn í blekkingarorðræðu ofanverðs einu sinni enn.  Það er ekki verið að semja um neitt sem skiptir neinu máli fyrir fullvalda ríki.

[Ásmundur (IP-tala skráð) 6.10.2012 kl. 23:53]

Ótrúlegt ástand á andstæðingum aðildar.

Staðreyndum, sem alls staðar blasa við, er einfaldlega sópað undir teppið svo að hægt sé að lifa í blekkingarheimi að eigin geðþótta.

Þangað til samningurinn liggur fyrir munu þessar barnalegu blekkingar halda áfram.

[Elle_, 7.10.2012 kl. 00:07]

Hættu að blekkja og ljúga.  Það er ekki verið að semja um nokkurn skapaðan hlut sem skiptir fullvalda ríki nokkru einasta máli.  Það er hinsvegar erfitt fyrir mútuþega að játa.

[palli (IP-tala skráð) 7.10.2012 kl. 10:08]

Hahaha... þegar hirðfíflið Ásmundur hefur fattað að þjóðin hefur engan áhuga á þessari dellu og heilabilun í honum, þá er bara ekkert að marka skoðanakannanir.

Er þetta ekki dæmigert fyrir frekjudolluna og hrokabyttuna sem hann er?

Mikið ferlega áttu bágt, maður.

Ég get varla beðið eftir að þessu verður öllu troðið ofan í kokið á þér. Það gerist innan skamms.

Eina spurningin er hvort þú haldið geðheilsunni þegar þín sjúka heimsmynd hrynur, og þú þarft að horfast í augu við heilaþvottinn og þráhyggjuna þína.

[Kolbrún Hilmars, 7.10.2012 kl. 13:28]

Ásmundur, hvað telur þú góðan samning við ESB í sjávarútvegsmálum?

Að landhelgi Íslands verði færð út í 300 mílur með sama veiði- og yfirráðarétti  og við höfum í dag með 200 mílurnar?

Það myndi ég telja góðan samning -  þótt ég sé alveg sátt við núverandi lögsögu og miðlínureglu þar sem þarf.  Engin ástæða til þess að semja eitt né neitt um óbreytt ástand.

En samningarnir við ESB snúast um skerðingu, er það ekki?  Varla getur það talist góður samningur.

[Ásmundur (IP-tala skráð) 8.10.2012 kl. 08:43]

Kolbrún, með ESB-aðild og upptöku evru fáum við nauðsynlegan stöðugleika með aukinni samkeppnishæfni, miklu minni verðbólgu, engri verðtryggingu, mun lægri vöxtum og lægra verðlagi.

Við munum ein þjóða fá veiðirétt innan okkar landhelgi. Orkuauðlindir og aðrar náttúrauðlindir verða áfram okkar.

Eins og Finnland og Svíþjóð fáum við varanlega undantekningu varðandi styrki til landbúnaðarmála. Bændur fá því áfram styrki frá ríkinu auk fjárstuðnings frá ESB.

Munurinn verður hins vegar sá að styrkveitingar ESB verða á miklu heilbrigðari grundvelli en núverandi styrkir ríkisins. Þeir munu hvetja til heilbrigðrar samkeppni.

Í ljósi alls þessa þarf ekki mikið af sérákvæðum fyrir Ísland svo að við getum vel við unað.

Það er auðvitað ekki rétt að segja nákvæmlega hvað það á að vera því að það er röng afstaða til samninga. Oft getur eitt komið  í annars stað.

Mikilvægt er að tryggja að staða okkar innan ESB fari ekki versnandi þegar frá líður. Það þarf að gera með lipurð og sanngirni. Vænisýki er ekki vænleg til árangurs.  

Ég tel því vist að samningurinn verði góður svo framarlega sem ekkert í honum verði beinlínis svínslegt. Ég tel engar líkur á að svo verði.

En auðvitað er ekkert vit í að taka afstöðu til hans fyrr en hann liggur fyrir. Skoðanakannanir um aðild eru því ekki marktækar fyrr en að því kemur.

Skoðanakannanir um aðild snúast í raun um afstöðu fólks til samnings eins og það ímyndar sér að hann verði. Þegar það kemur í ljós að sú mynd er alröng verður niðurstaðan allt önnur.

Auk þess á margt, sem hefur áhrif á afstöðu fólks, eftir að breytast áður en atkvæðagreiðslan fer fram.  

[palli (IP-tala skráð) 8.10.2012 kl. 11:03]

Og hverjum er ekki skítsama um hvað þú heldur, Ásmundur.

Heldurðu að vitiborið fólk taki mark á einhverjum möntrum sem koma úr óskhyggjuheimi fáráðlings sem situr pikkfastur í þráhyggju sturlun.

Náðu bara smá taki á sjálfum þér, maður!