Hin forsmáða króna

Gömul skrýtisaga segir að þegar fjöll taki jóðsótt fæðist lítil mús.

Líkt er nú komið sérfræðingaveldi ríkisstjórnarinnar sem rembst hefur við skýrslugerð til að styðja við bakið á næsta vonlausri umsókn Íslands að ESB. Þrátt fyrir að settir hafi verið yfir verkið trúnaðarmenn stjórnarinnar og þeim um hinum sömu gert  að fylgja eftir ESB umsókn Íslands innan svokallaðrar samninganefndar er niðurstaðan haldlítil fyrir aðildarsinna.

Ef frá er talinn utanríkisráðherra einn manna eru allir sammála um að 600 síðna skýrsla Seðlabankans leiði hvorki eitt né í annað í ljós. Það þarf vitaskuld ekki sérfræðing til að segja að það sé vont að taka upp evru eins og staðan í Evrópu sé núna og Már Guðmundsson bætir um betur með því að taka fram Ísland sé ekki í stakk búið til að taka evru í náinni framtíð. "Í besta falli eftir mörg ár," segir Már og þar með er gulrótin bakvið ESB umsóknina horfin. 

Á árunum fyrir bankakreppuna var sú skoðun ríkjandi víða meðal hagfræðinga að gjaldmiðlum ætti eftir að fækka verulega og heimurinn myndi í reynd skiptast upp í fá stór myntsvæði. Ástand mála í Evrópu hefur algerlega slegið á þessa villtu drauma frjálshyggjunnar um heiminn sem einn leikvöll. Með sama hætti er hin kapítalíska hugsjón að aukin milliríkjaviðskipti séu alltaf til góðs verulega löskuð. 

Þau lönd sem hraðast hafa risið síðustu áratugi, s.s. Indland og Kína hafa fylgt allt annarri efnahagsstefnu og lagt meiri áherslu á verðmætasköpun heldur en algert viðskiptafrelsi auðjöfra. (Þar með er ekki lokið neinu lofsorði á stjórnarfar þessara landa að öðru leyti.) Þegar litið er til umhverfisverndar og framtíðarmöguleika jarðarbúa til lífs á jörðinni skiptir mestu að þjóðir verði sjálfum sér nógar og dregið sé úr sóun. 

Í Seðlabanka Íslands hefur lítil hugmyndafræðileg endurnýjun átt sér stað. Þar ráða nú ríkjum sömu menn og leiddu krónuna upp í hinar hæstu hæðir með vaxtaskrúfu og horfðu svo undrandi og skilningsvana á þegar hún féll. 

Það er full ástæða til að þeir vinstri menn sem ekki hafa vitandi vits gengist Blair-isma og ESB hugsjónum á hönd gjaldi varhug við þeim fullyrðingum að króna sem lýtur innlendri stjórn sé lamandi fyrir hagkerfið.

Reyndin er sú að fá hagkerfi hafa risið hraðar eftir hrun en einmitt hið íslenska. Þó að einstakir ráðherrar vilji eigna sér heiður af því er hætt við að sagan seinna meir eigni hinni forsmáðu hafta-krónu heiðurinn. /-b.

Athugasemdir

[Hilmar (IP-tala skráð) 18.9.2012 kl. 16:32]

Það hefur gjarnan fylgt "nýja" hagkerfinu, að galdurinn á bakvið áframhaldandi lífsgæði á vesturlöndum, sé að við seljum hvort öðru fullt af dóti og þjónustu, og toppurinn ku vera, að höndla með og selja pappíra.

Eins og staðan er í dag, þá er íslenskt hagkerfi verslun með tómar hillur.

Evruhagfræði Seðlabanka Íslands og Samfylkingar gengur út á það, að redda rekstrinum með því að kaupa nýja gerð af búðarkössum.

Það er nánast tilgangslaust að reyna að koma vitinu fyrir þennan agnarsmáa hluta landsmanna, sem illu heilli, heldur um stjórnartaumana.

Ef hagfræðingar Samfylkingar væru beðnir um að koma rekstri Sharp á réttan kjöl, myndu þeir láta verksmiðjurnar framleiða sjónvörp fyrir blinda, og útvörp fyrir heyrnarlausa.

[Ásmundur (IP-tala skráð) 18.9.2012 kl. 17:25]

Krónan er ónýt. Þetta sjá þeir sem láta sig málið varða og loka ekki augunum fyrir staðreyndum.

Reyndar staðfestir skýrsla seðlabankans þetta þó að hún geti ekki sagt það berum orðum því að þá hefðu höfundar hennar verið ásakaðir um að taka pólitíska afstöðu.

Til að taka ekki afstöðu gegn krónu varpar seðlabankinn boltanum yfir til Alþingis til að finna lausn á vandanum vitandi að hún er ekki til.   

Þeir sem hafa látið sig málið varða, eru í aðstöðu til þess sjá hvert króna í höftum er að leiða okkur. Þeir vita einnig sem er að króna á floti er auðveld bráð vogunarsjóða og annarra stórfjárfesta.

Margir þeirra hafa þó gælt við aðra gjaldmiðla en evru vegna andstöðu við ESB. Þar á meðal eru þeir formenn stjórnmálaflokkanna sem eru andstæðingar sambandsins.

Nú liggur það hins vegar fyrir að aðrir kostir koma alls ekki til greina. Evran er því eini kosturinn þegar hún stendur okkur til boða eftir fáein ár þegar hægst hefur um á evrusvæðinu.

Fljótlega eftir inngöngu Íslands í ESB kemst krónan í skjól hjá ECB þangað til evra verður tekin upp tveim árum seinna eða svo.

[Hilmar (IP-tala skráð) 18.9.2012 kl. 17:41]

Það er dálítið skemmtilegt, að forsprakkar ESB fari skríðandi í röðum til Kína, til að biðja þá um að redda ónýtu evrusvæði.

Blessaðir Kínverjarnir eru nefnilega so heppnir, að framleiða nóg, og vera með yuan í ströngum höftum.

Merkilegt, að efnahagskerfi evrusvæðisins sé svo aðframkomið, að evrufólk skuli fara betlandi til Kína.

Væri ekki ráð, fyrst evrufólkið er á betlifæti í Kína, að það biðji Kínverja um að innlima sig, og leyfa því að taka upp yuan?

[Ásthildur Cesil Þórðardóttir, 18.9.2012 kl. 18:40]

Sammála og þegar þessu líkur verður vonandi rannsóknarnefnd sem fer yfir fyrirlestra núverandi ráðamanna sem hafa æ ofan í æ veist að okkar gjaldmiðli og talað hann niður, og með þá til dómara því þetta eru bara landráð og ekkert annað. Kjánarnir sem hafa siglt með fá skömm í hattin og þurfa að skammast sín.

[Ásmundur (IP-tala skráð) 18.9.2012 kl. 20:29]

Ásthildur, afneitun gagnvart því að krónan er ónýt minna á þegar skellt var skollaeyrum við aðvörunum erlendra sérfæðinga fyrir hrun.

Afleiðingarnar af næsta hruni krónunnar geta orðið jafnvel enn skelfilegri en 2008 vegna þess að nú skuldar ríkið mjög mikið.

Sérstakur saksóknari gæti þá haft nóg að gera við að rannsaka mál þeirra sem bera ábyrgð á nýju hruni vegna þess að þeir lokuðu augunum fyrir veikleikum krónunnar. 

[Ásthildur Cesil Þórðardóttir, 18.9.2012 kl. 21:03]

Það vill svo til að samkvæmt áliti Seðlabankans koma tvær leiðir til greina annað er Evra hitt er Króna, þar sem ljóst er að við uppfyllum ekki Mastrichtsáttmálann og það eru a.m.k. fimm til tíu ár þangað til við höfum möguleika á að taka upp evru, er eins gott að sitja á sér og fara í þá vinnu að styrkja okkar eigin gjaldmiðil, með styrkari efnahagsstjórn.  Það verðið þið að horfast í augu við ESBsinnar.  En því miður hlustið þið ekki á rök.

[Ásmundur (IP-tala skráð) 18.9.2012 kl. 22:10]

Mikið rétt, við sitjum uppi með ónýta krónu næstu árin en getum þó komið henni í skjól hjá ECB fljótlega eftir aðild. Það verður mjög til bóta.

Mastricht-sáttmálinn mun varla tefja málið. Þó að skuldir ríkisins séu of miklar leysist sá vandi með upptöku evru þegar gjaldeyrisvarasjóðurinn fer í að greiða niður skuldir ríkisins. Fleiri vandamál leysast með upptöku evru eins og stöðugt gengi.

Þegar ljóst er að vandinn er ónýt króna og að með upptöku evru leysist hann mun ESB eflaust horfa í gegnum fingur sér með slíka hluti úr því að skilyrðin verða uppfyllt eftir upptöku evru.

Það ætti að vera auðsótt mál ekki síst í ljósi þess að mörg ESB-ríkin eru í dag langt frá því að uppfylla skilyrði Maastricht-sáttmálans.   

[palli (IP-tala skráð) 19.9.2012 kl. 05:40]

Og þessi della í Ásmundi mun bara versna og versna.

Ástandið í ESB er á niðurleið og því munu geðsjúklingar eins og Ásmundur alveg sleppa beislinu í sinni þráhyggju og veruleikafirringu, til að halda sinni sjúku heimsmynd. Botnlaus óskhyggja og örvænting er næsti liður á dagskrá.

Þetta er eins og bein útsending frá Kleppi.

[Ásmundur (IP-tala skráð) 19.9.2012 kl. 09:54]

Að ESB-aðild og evra sé eini raunhæfi valkosturinn í gjaldmiðilsmálum er staðreynd sem ýmsir eiga erfitt með að kyngja jafnvel þó að þeir geri sér grein fyrir að krónan er ónýt.

Björn Bjarnason vill að Ísland semji við ESB um upptöku evru á grundvelli EES og Schengen. Gallinn er bara sá að slíkt er aðeins í boði fyrir ESB-þjóðir eftir nokkurra missera aðlögunargferli eftir inngöngu.

Það eru því engar líkur á að við komumst þannig bakdyramegin að evrunni. Og fráleitt að láta sér detta í hug að ESB geri undantekningu fyrir Ísland sem getur auðveldlega uppfyllt sömu skilyrði fyrir upptöku evru og aðrar þjóðir.

[palli (IP-tala skráð) 19.9.2012 kl. 10:25]

"...Ísland sem getur auðveldlega uppfyllt sömu skilyrði fyrir upptöku evru og aðrar þjóðir"

Ásmundur, ef þú værir í bara smá tengingu við rauveruleikann, þá væri kanski khægt að reyna að ræða við þig, og jafnvel koma vitinu fyrir þig, en það er greinilega ekki fræðilegur möguleiki.

Á hvaða plánetu ertu eiginlega??!!??

Náðu smá stjórn á sjálfum þér, maður!! Þvílík örvæntingar veruleikafirrta þráhyggjan í þér!! 

Og finnst þér að þessi áróður þinn hafi verið að ná einhverjum árangri hingað til? Í alvöru, Ásmundur, finnst þér það? Er ekki kominn tími til að spá aðeins í spilin?

Hefurðu sett einhver takmörk? Ef evran heldur áfram að hrynja og ástandi að versna, ertu með einhverja línu sem myndi fá þig til að hinkra örlítið og byrja aðeins að endurskoða sjálfan þig. Ef hlutir versna og fara yfir þessa línu, þá er kanski eitthvað bogið við allan þinn hugmyndaheim.

En þú ert auðvitað ekki með neina línu, nein takmörk. Það er út af því að þú ert heilaþveginn. Þetta eru trúarbrögð og eiga ekkert skylt við rökræna hugsun.

Farðu nú aðeins að spuglera í sjálfum þér. Þetta stefnir í algjört óefni hjá þér. Það er augljóst öllum hérna hvað þú átt virkilega bágt, kallinn. Eina spurningin er hvenær þú áttar þig á hlutunum með versandi þróun, og þá loksins lærir að efast um eigið ágæti. Þá lærirðu um leið að halda kjafti og hætta að gera þig opinberlega að þessum fábjána sem þú ert.

Mundu að það eru til fullt af geðlæknum sem geta hjálpað þér, líka þegar ástandið er orðið alveg svart. Þeir eru líka í Danmörku.

[palli (IP-tala skráð) 19.9.2012 kl. 10:37]

Það er auvitað erfitt, Ásmundur, að þurfa að horfast í augu við það að kanski er þetta ekki rétt, þetta sem þú hefur eytt ómældum tíma og orku í að predika eins og skrattinn.

Allt til einskis, allur áróðurinn, allar þessar ummælafærslur þínar.

Það er þægilegra að stinga höfðinu í sandinn og lifa í afneituninni.

Hins vegar er þetta að verða virkilega pínlegt að horfa upp á þig.

Fylgistu kanski ekkert með fréttum? Gæti það verið málið? Lokar sjálfan þig af, því það er svo erfitt að horfa upp á alla þína ESBheimsmynd hrynja niður.

Segðu okkur, öllum lesendunum þínum, hver takmörkin eru. Ef þetta eða hitt gerist, ef hlutir þróast áfram niður á við. Hversu nákvæmlega þyrfti ástandið að verða slæmt til að þú endurskoðir örlítið þennan trúarboðskap þinn?

Hver eru takmörkin?

(Ekkert svar þýðir engin takmörk = heilaþvottur og bókstafstrú, by the way)

[Ásmundur (IP-tala skráð) 19.9.2012 kl. 14:55]

Ásthildur, þá tjáðir okkur að í ESB-málum hlustaðirðu á Björn Bjarnason (auk Jóns Bjarnasonar).

Nú hefur Björn sagt að hann vilji freista þess að semja við ESB um upptöku evru. Hann hefur því enga trú á krónunni. Ertu sammála honum?

Ef ekki, hvernig á að koma í veg fyrir að krónan haldi áfram að hrynja? Eða eigum við bara að kyngja afleiðingunum? Krónan er orðin að nánast engu miðað við verðgildi hennar í upphafi sjálfstæðrar gengisskráningar 1922.

Verðgildi gömlu krónunnar hefur lækkað um 99,99%. Við 100% lækkun er hún orðin að engu.

[Ásthildur Cesil Þórðardóttir, 19.9.2012 kl. 16:03]

Ég hlustaði á þau rök sem hann kom með eftir að hafa rætt við mann og annan í Brussel og Berlín, en ég trúi ekki öllu sem þessum manni dettur í hug.  Ég veg og met það sem mér sjálfri finnst rétt og ég hef fulla trú á krónunni, hef aftur á móti enga trú á hagstjórn hvorki fyrri ráðamanna né þeirra núverandi.  Þau kunna ekkert í hagstjórn.

[Ásmundur (IP-tala skráð) 19.9.2012 kl. 16:21]

Ásthildur, ef slæmt gengi krónunnar í nítíu ár var slæmri hagstjórn að kenna var þá hagstjórnin svona miklu betri í öðrum löndum? Erum við við bara svona miklir aular?

Ef nútíu ára slæm reynsla nægir ekki hve lengi eigum við enn að láta á þetta reyna? Eigum við kannski bara að bíða þangað til við fáum hrun sem við rísum ekki upp úr?

Í aðeins nokkur ár af þessum nítíu árum var krónan á floti. Samt varð hún næstum að engu á nítíu árum. Hættan á hruni er eðlilega miklu meiri þegar engin höft eru.

Skv EES-samningnum verður krónan að vera á floti. Undanþága vegna hrunsins varir ekki til eilífðar. Með úrsögn úr EES blasir við lífskjaraskerðing og einangrun. Hvernig eigum við þá að fara að því að greiða himinháar erlendar skuldir?

[Ásthildur Cesil Þórðardóttir, 19.9.2012 kl. 17:12]

Með því að láta af Steingrímskri og Jóhönnskri ofurstjórnun að halda öllum í höftum, það má enginn græða, ekki er hægt að stofna fyrirtæki vegna ofsköttunar og allt er drepið í dróma af stjórnvöldum.  Hér syndir fiskur í sjónum nóg fyrir alla landsbyggðina til að rísa upp, en það má ekki veiða hann vegna þess að nokkrir einstaklingar hafa fengið fiskinn á silfurfati.  Þetta til dæmis bara hefur kostað okkur fleiri milljarða á ári, sem annars hefði verið hægt að nota til að greiða niður skuldir.  Höft bænda, í stað þess að leyfa þeim að ala upp fé til útslutnings án þess að það komi niður á íslenskum neytendum.  Allskonar smáiðnaður og tölvuver sem geta framfleitt okkur afskaplega vel, við höfum sýnt að við erum dugmikil þjóð með mikla menntun en ekki síður afar framarlega í öllu sem viðkemur tölvum til dæmis tölvuleikjum og slíku.  Með sinni haftastefnu hafa stjórnvöld drepið allt svona niður og náð að njörva dugandi fólk í fjötra atvinnuleysis eða flótta frá landinu bláa. 

[Ásmundur (IP-tala skráð) 19.9.2012 kl. 19:23]

Ásthildur, þvílík firra. Skattar á fyrirtæki eru með því lægsta sem gerist í heiminum, aðeins 20%.

60% einstaklinga borga lægri skatta en fyrir hrun. Flestir hinna greiða lítið hærri skatta. Það er aðeins hlutfallslega fámennur hópur hinna tekju- og eignahæstu sem greiða mun hærri skatta en áður.

Þetta fyrirkomulag hefur reynst mjög vel og á sinn þátt í hve vel hefur gengið að hreinsa til eftir frjálshyggjuöflin.

Til að greiða erlend lán verðum við að auka gjaldeyristekjur vegna þess að við megum ekki auka frekar erlend lán. Það gerum við helst með erlendri fjárfestingu. Hún lætur hins vegar á sér standa með krónu í höftum.

Ég tala nú ekki um ef við neyðumst til að fara úr EES.