Óvissa um næstu skref VG í ESB málum

Afstaða VG til áframhaldandi ESB aðlögunar og viðræðna er næsta óljós eftir atburði helgarinnar. Ýmsir áttu von á að myndin skýrðist á flokksráðsfundi um helgina en þaðan kom engin ályktun um ESB mál. Í almennri ályktun um utanríkismál segir aðeins:

Flokksráð VG fagnar þeirri umræðu sem nú fer fram um samskipti Íslands og ESB og hvetur til að henni verði haldið áfram.

En þar með er þó ekki öll sagan sögð. Steingrímur J. Sigfússon segir í viðtali eftir fundinn (http://www.ruv.is/frett/vill-endurmeta-esb-adildarvidraedur) að hann sé sammála því mati að endurmeta eigi aðildarviðræður við ESB. Formaðurinn vísar hér í liðlega vikugamlar yfirlýsingar þeirra Katrínar Jakobsdóttur og Svandísar Svavarsdóttur en síðan þá hafa þær verulega dregið í land.

Raunar gekk Katrín býsna langt í ræðu sem hún flutti við setningu fundarins í yfirlýsingum sínum um „óbilgjarna umræðu“ og „svikabrigsl“. Hún leitaðist við að þagga niður í gagnrýni flokksmanna á ESB-viðræðurnar og beindi mjög spjótum sínum að þeim sem hafa talað gegn ESB aðlögun ríkisstjórnarinnar, sagði þá óbilgjarna einsmálsmenn sem ekki virtu lýðræði innan flokksins og ekki tækju rökum. Huginn Freyr Þorsteinsson aðstoðarmaður Steingríms J. Sigfússonar gladdist mjög yfir ræðunni og sagði á vefsíðu sinni:

"Mögnuð ræða Katrínar á flokksráðsfundi VG á Hólum. Lítið verður vart við Moggahvolpana á fundinum og ljóst að örvæntingarfull tilraun blaðsins til að hanna atburðarrás hefur mistekist. Kannski átta menn sig á því núna að aðilarnir sem blaðið talar alltaf við um innri mál flokksins eru ekki marktækir þegar kemur að þeirri umræðu. Nátttröllin verða bara sætta sig við að eftirspurnin eftir þeim er aðeins í blaði allra útvegsmanna."

Þá fer ekki lengur milli mála hvar aðstoðarmaður Steingríms stendur í ESB-málinu. En mjög er hætt við að framangreind orð verði honum ekki til mikils álitsauka.

Bjarni Harðarson bóksali og varabæjarfulltrúi VG á Selfossi sér ræðu Katrínar öðrum augum og segir m.a. um þá á bloggsíðu sinni í gær:

„Ræða Katrínar Jakobsdóttur markar tímamót. Fram að þessu hefur varaformaður flokksins talað fyrir sátt innan flokksins en nú dregur hún flokksmenn í dilka, flokkar þá í gott fólk og vont fólk. Við sem höfum gagnrýnt ESB ferli ríkisstjórnarinnar erum þar heldur ómerkilegir einsmálsmenn.

Þar er ekki mitt að dæma en frekar hefði ég kosið að Katrín svaraði þeirri málefnalegu og heiðarlegu gagnrýni sem hefur komið um ferlið heldur en að fara í dilkadrátt af þessu tagi. Ef til vill er viðkvæmni þessi tilkomin vegna þess að formaður VG í Skagafirði hafði orð á að forystan yrði að athuga sinn gang. Ekki má þá mikið í Miðengi!

... Með ræðu sinni hefur Katrín Jakobsdóttir blásið hressilega á allar hugmyndir manna um að forystan hafi í hyggju að endurmeta ESB ferlið og ESB sinnar geta andað léttar. Og Vinstri hreyfingin grænt framboð hefur hafið sinn kosningaundirbúning.“

( http://bjarnihardar.blog.is/blog/bjarnihardar/entry/1254583/ )

Athugasemdir

[Gunnlaugur I., 26.8.2012 kl. 13:38]

Leikritið norður á Hólum, fór alveg nákvæmlega eins og ég hef marg lýst bæði hér hjá ykkur hér fyrr á síðunni og annarsstaðar. En samt má eiginlega segja að það hafi farið heldur verr en illa !

Steingríms-Stalínskan átti auðvitað sviðið, réði allri dagskránni sjálf og skrifaði allt leikritið.

Engar ályktanir mátti bera fram.

Aðeins klappað fyrir formanninum/allsherjarráðherranum og varaformanninum líka sem sýndi nú sitt rétta andlit með því að ráðast að þeim stóra hópi fólks sem hefur viljað fara eftir maryfirlýstri og marg samþykktri stefnu flokksins um að berjast gegn ESB aðild.

Ég sagði hér í færslu fyrir helgina að fundurinn myndi enda svona og þá yrði það byrjunin á endalokum flokksins sem raunverulegs stjórnmálaafls.

Ég lagði það síðan til að fyrrverandi velunnarar flokksins sem fengið hefðu nóg af ESB þjónkuninni og Steingríms Stalínskunni myndum stofna til samskota og láta rita á gamlan grágrýtisstein þessa grafskrift:

"Hér hvílir VG og brostnar hugssjónir og svikin ESB andstaða þess flokks. Hvíl í friði !

Ég vildi að steininum yrði valin staður í Hólakirkjugarði ! En finnst nú eftir þennan hörmulega Flokksráðsfund það einum of mikil vanvirðikng við þá sem þar hvíla og legg því til að steininum með grafskriftinni verði fundinn staður einhversstaðar í túnfætinum að Hólum, með hjálp Jóns Bjarnasonar fyrrverandi ráðherra VG og fyrrverandi farsælum staðarhaldara að Hólum.

Jón mun síðan lesa eftirmæli um gamla flokkinn sinn.

[Ásmundur (IP-tala skráð) 26.8.2012 kl. 14:48]

Sorglegt að þurfa að eyða öllum þessum tíma og orku í vonlausa tilraun til að friða veruleikafirrtan minnihluta og sjálfstæðismenn eins og Gunnlaug ofl. Þessum tíma væri svo miklu betur varið í annað en ófrjótt karp.

Kröfurnar eru svo fáheyrðar að ég velti því fyrir mér hvort þetta séu ekki að megninu til sjálfstæðismenn sem eru tilbúnir í hvað sem er til að koma í veg fyrir aðild. Þeir hafa auðvitað engar áhyggjur af afdrifum flokksins.

Ómarktækur flokkur, sem svíkur bæði samstarfsflokk og þjóð, á sér ekki viðreisnar von. Þetta sjá Steingrímur, Katrín, Svandís og fleiri þingmenn VG. Sjálfstæðismenn gera sér hins vegar grein fyrir að fylgistap eins flokks leiðir til fylgisaukningar annarra flokka.

[Elle_, 26.8.2012 kl. 15:09]

Allt sem frá Kötu Steingríms kemur er fals, fals og aftur fals.  Ekki var við neinu öðru að búast frá henni, alls ekki.  Eins og ég vissi, og benti á fyrir skömmu, er Kata litla með sakleysissvipinn ekkert skárri en harðstjórnarforinginn og leppar hans, Árni Þór og Björn Valur, sem alltaf gelta fyrir hann.  Svo klappa þau öll fyrir alræðiherranum mikla.  Óhuggulega minnir þetta á annan FORMANN. 

Hvað ætli Kata litla muni nú eyða löngum tíma í að ljúga að öllum að málið sé í ferli, í skoðun, í umræðu, HEILDSTÆTT?  Ömurlegt er að horfa upp á þetta. 

Og svo kemur ´Ásmundur´ og segir lygasögur um Gunnlaug.

[Gulli (IP-tala skráð) 26.8.2012 kl. 15:15]

Takk fyrir áhugaverð skrif.

En fyrirsögnin er röng. Það er nákvæmlega engin óvissa um næstu skref VG.

VG mun áfram sækjast eftir ESB aðild með sínum samstarfsflokki og styðja yfirstandandi aðlögunarferli.

Eitthvað tal um „endurmeta“ aðlögunarferlið og að „vísa málinu til umræðu í samfélaginu öllu“ eða hvernig það var orðað er bara hlægilegt. Hrein sýndarmennska.

[Elle_, 26.8.2012 kl. 15:48]

Og ´Ásmundur´ talar um veruleikafirrtan minnihluta.  Líklega það eina sem hann hefur sagt af viti.  Hann meinar að sjálfsögðu veruleikafirrta miklu-minni-hlutann sem með ógnarvaldi stjórnar Brussel-vitleysunni.  Takk annars, Vinstrivakt.

[Ásthildur Cesil Þórðardóttir, 26.8.2012 kl. 15:51]

Og svo legg ég áherslu á að VG verði lagt niður. 

[Gunnlaugur I., 26.8.2012 kl. 16:19]

Bara Ásmundi til hugarhægðar. Sem kveinkar sér undan miklum önnum í skrifum sínum hér. Hélt reyndar að hann væri á akkorði en sjálfssagt eru þetta bara fastar sporslur sem hann fær.

Mundi heldur nwefnilega í ESB einfeldni sinni að allir sem ekki styðja ESB aðild séu annaðhvort veruleikafyrrtir vitleysingar eða þá Sjálfsstæðismenn.

Ég er hvorugt. Ég er ágætlega vel gefin og vel upplýstur og víðsýnn maður. Ég hef aldrei kosið Sjálfsstæðisflokkinn, en var reyndar einn af þeim tugum þúsunda sem studdu VG í síðustu kosningum, sérstaklega vegna ákveðinnar afstöðu þeirra gegn ESB aðild.

Nú veit ég ekki hvað ég kýs en það verður ekki VG og ekki Samfylkingin eða neinn sá flokkur sem hætta er á að haldi þessari ESB vitleysu áfram. Gæti meira að seggja hugsað mér að kjósa nýja Framsókn sem ég gerði einu sinni langt fyrir niðurlægingartímabil Halldórs heilkennisins, sem eyðilagði flokkinn á örfáum árum og endanlega nær lagði hann í rúst. Sömu hörmulegu örlögin bíða nú VG eftir ESB svikin og Staliníska herleiðingu Steingríms allsherjar.

Þjóðin mun sjá til þess að ESB málið verður tekið af dagskrá eftir næstu kosningar, með einum eða öðrum hætti. Best væri að það yrði gert með sjálfsstæðri og beinni þjóðaratkvæðagreiðslu fljótlega eftir næstu alþingiskosningar ef ekki verður hægt að gera það fyrr.

Þá getur Mundi hætt þessu stauti sínu hér.

[Pétur Örn Björnsson (IP-tala skráð) 26.8.2012 kl. 17:45]

VG er hræ. 

Sem vestur-norðlendingi, landfjórðungslega séð, að megin ættum og uppruna, finnst mér ekki koma til greina, að hræinu verði valinn grafreitur að Hólum í Hjaltadal.  Ekki að ræða það. 

Nei, langt austan Öxnadalsheiðar, í landi Gunnarsstaða í Þistilfirði, skal hræið huslað.  Þeirra í austur-norðlenska fjórðungnum tilheyrir hræið.  Í fjórðungi Vaðlaheiðanna og stein-Grímsstaða skal hræið huslað.

[Ásthildur Cesil Þórðardóttir, 26.8.2012 kl. 21:20]

Já vonandi daga þau uppi í næstu kosningum ásamt Samfylkingunni og öllu þessu landráðapakki sem vill steypa okkur inn í ESB.