Steingrímur geri hreint fyrir sínum dyrum í Nubó málinu

Grímsstaðamálið tekur sífellt á sig skrautlegri myndir og eðlilega spyrja menn nú um tengsl Nubos við fyrirhugaða olíuhreinsstöð og umskipunarhöfn í Finnafirði. En stjórnvöld hafa allt málið í sinni hendi og eðlilegt að þau geri hreint fyrir sínum dyrum. Land Grímsstaða á Fjöllum er í óskiptri sameign nokkurra einstaklinga og ríkisins. Ekki er hægt að leigja hluta óskipts  lands án samþykkis allra landeigenda.

Ríkið á um 25 % Grímsstaða jarðarinnar.  Landbúnaðarráðherra,  Steingrímur J Sigfússon,  fer með eignarhlut ríkisins hvað þessa ráðstöfun varðar.   Jón Bjarnason sem  ráðherra lýsti sig andvígan sölu jarðarinnar til kíinverjans og stóð þétt  með  Ögmundi í ríkisstjórn . Ekki  er kunnugt um að núverandi landbúnaðarráðherra hafi veitt leyfi sitt til umrædds leigusamnings.

Ögmundur Jónasson hefur lagst gegn því að kínverjanum verði veitt undanþága til að gera við hann leigusamning um landið, en málið var að hans sögn tekið úr hans höndum og sett til efnahags og viðskiptaráðherra  þrátt fyrir kröftug mótmæli hans . Ögmundur upplýsti jafnframt  í viðtali við Bylgjuna (http://www.visir.is/section/MEDIA98&fileid=CLP12618) í síðustu viku, að efnahags- og viðskiptaráðherra hefði  nú þegar veitt undanþágu frá hinni almennu reglu um bann við fjárfestingum útlendinga. Í pistli Láru Hönnu Einarsdóttur Keisarans hallir á Fjöllum (http://blog.eyjan.is/larahanna/) er greint frá að efnahags og viðskiftaráðherra hafi veitt umbeðnar undanþágur sem þyrfti til að málið fengi áframhaldandi  framgang. Sjálfur hefur Kínverjinn upplýst að aðeins sé eftir að undirrita samkomulagið en það sé að öðru leyti frá gengið.

Ekki hefur komið skýrt fram í tíð hvaða efnahags- og viðskiftaráðherra undanþágan var  veitt. Var það í tíð Árna Páls  Árnasonar eða Steingríms J. Sigfússonar? Böndin berast þó að Steingrími. Ekki leikur nokkur vafi á, að það  stríðir gegn stefnu og hugmyndum VG að selja eða leigja kínverjanum land  á Grímsstöðum. Hafi Samfylkingarráðherrann, Árni Páll  veitt umræddar undanþágur fyrir kínverjann, ætti  núverandi efnahags og viðskifta ráðherra að vera í lófa lagið að afturkalla þær og standa með Ögmundi, stefnu VG og öðrum þeim, sem vilja hafna þessum áformum.

Það má því segja að spjótin standi á Steingrími J. Sigfússyni, formanni Vg, efnahags- og viðskiptaráðherra og landbúnaðaráðherra, að hann geri hreint fyrir sínum dyrum í þessu máli.

Athugasemdir

[Ómar Bjarki Kristjánsson, 25.7.2012 kl. 12:53]

Geisp.

[Valdimar Samúelsson, 25.7.2012 kl. 15:22]

Sýnir þetta ekki ráðherravöld og svo vilja menn ekki fólk og Forseta völd. Það er eins gott að Steingrímur geri hreint fyrir sínum dyrum. 

[Birgir (IP-tala skráð) 25.7.2012 kl. 15:54]

Það er ekki hægt að segja annað en að Vinstrihreyfingin Grænt Framboð sitji svo sannarlega uppi með Svarta-Pétur þar sem Steingrímur J. er. Óvinsæll er hann og svo illa þokkaður af alþýðu að þess finnast eiginlega engin dæmi í stjórnmálasögu lýðveldisins. Afstaða hans og framganga í málum líkt og ESB, Icesave, Magma, SpKef, endurreisn bankanna, "skjaldborginni" illræmdu og nú Nubo-málinu gera það að verkum að í huga meginþorra almennings er maðurinn órjúfanlega samþáttaður spillingu og siðrofi, sérhagsmunagæslu, mistökum og vanhæfni.

Líkt og Steingrímur fékk sitt tækifæri við hrunið, en misnotaði það svo illa að það mun aldrei gleymast, þá hafði VG tækifæri til að losa sig við hann á síðasta landsfundi en bar ekki gæfu til. Nú sitjið þið uppi með Svarta-Pétur amk þangað til á næsta landsfundi ... en hann má ekki halda fyrr en 2013, eftir næstu kosningar, sem þýðir að VG mun gjalda svika Steingríms dýru verði og getur ekki búist við drjúgri uppskeru á næstu kosninganótt með þennan mann í fararbroddi.

Það er svo borin von og barnaskapur að búast við að Steingrímur "geri hreint fyrir sínum dyrum" í Nubo málinu. Það hefur hann aldrei gert: hann situr alltaf þegjandi af sér storminn og bíður bara þar til mestu hneykslunaröldurnar lægir ... og kemst upp með það! Engin ástæða til að reikna með öðru nú.

[Ásthildur Cesil Þórðardóttir, 25.7.2012 kl. 19:32]

Sammála þér með þetta Birgir.

[Erla Magna Alexandersdóttir, 25.7.2012 kl. 20:33]

Færeiingar sögðu bara  NEI  við kínverja- málið dautt-  geta Íslendingar aldrei staðið á retti sínum sem fullvalda ríki ? Eru þeir eins og Kínverjar lysa þeim- sljóir vanvitar ???

[Elle_, 25.7.2012 kl. 21:19]

Alltaf einn og einn inn í milli.  Já, hvað er málið?  Hví geta menn ekki staðið fastir á jörðinni eins og Færeyingar?  Gungur og druslur meðal þeirra sem æptu hæst um fullveldi og lýðræði og mannréttindi.  Lýðræðisbrjótar við fyrsta tækifæri.  Og svo er ég alveg sammála Birgi að ofan.

[Stefan Audunn Stefansson (IP-tala skráð) 26.7.2012 kl. 02:04]

Kommrades, félagar, hinn miklifenglegi leiðtogi vor, Steingrímur Joð Il, frelsari fósturjarðar vorrar, fósturjarðar allra fósturjarða, hefur boðað, hann hefur frelsað, hann mun verja okkur auðmjúka þegna fósturjarðarinnar fyrir hinum illu öflum. Heil þér S. Joð Il, heil þér S. Joð Il.

http://www.vg.is/frettir/eldri-frettir/nr/5378

[Ásthildur Cesil Þórðardóttir, 26.7.2012 kl. 10:15]

Maðurinn heldur greinilega að íslendingar séu fífl og sauðir sem ekkert skilja.  Við skulum vona að svo sé ekki.