Þingmaður talaði fyrir stefnu VG!

Alþingi samþykkti í gær með traustum meirihluta, 30/18 að hleypa inn í landið aðlögunarfé Evrópusambandsins sem nema 4-5 milljörðum og koma til greiðslu á næstu fjórum árum. Aðeins einn þingmaður VG, Jón Bjarnason, tók til máls í lokaumræðunni og talaði fyrir stefnu VG. Hann sagði þar m.a.:

Það er verið að samþykkja að Alþingi taki við mútufé til næstu þriggja, fjögurra ára ... 4-5 milljörðum króna. Eitt er að hafa sótt um aðild að ESB þar sem Ísland væri jafngildur aðili í þeim samningum. Hitt er að gera eins og hér er verið að leggja til, að Alþingi beygi sig í duftið og þiggi mútufé til þess að greiða fyrir aðlögun og vinnu við að ganga í Evrópusambandið. Það finnst mér mjög aumt.

Ég vil minna á að flokkur minn er mjög andvígur inngöngu í Evrópusambandið. Í öðru lagi lögðum við áherslu á það að flokkurinn myndi ekki beita sér fyrir inngöngu í Evrópusambandið að kosningum loknum. Við það hef ég staðið og við stendur líka grasrót flokksins um allt land.

Og ég vil minna á það að flokksráðsfundur Vinstri hreyfingarinnar græns framboðs hafnaði því alfarið að það væri tekið við þessum aðlögunarstyrkjum frá Evrópusambandinu. Ég vil bara minna á þessar samþykktir VG og vil treysta á að aðrir þingmenn og ráðherrar standi við það sem samþykkt hefur verið og hafni því að við séum að þiggja hér mútufé til þess að greiða fyrir aðlögun og inngöngu í sambandið.

Í síðari umræðu um málið sagði Jón m.a.:

... ég vil bara ítreka það að þessir aðlögunarstyrkir Evrópusambandsins, þessir gullkálfar sem nú eru dregnir inn fyrir landamæri Íslands til þess að láta menn lúta þeim, þeir eru gegn stefnu míns flokks, þeir eru gegn sjálfsvitund Íslendinga sem þjóðar og ég ítreka það, stolts okkar vegna, þjóðar okkar vegna, þá eigum við að hafna þessum mútustyrkjum Evrópusambandsins.

Við atkvæðagreiðslu greiddi Jón atkvæði gegn styrkjum ESB og skattfríðindum þeirra vegna. Tveir þingmenn VG sátu hjá en aðrir þingmenn flokksins greiddu atkvæði í samræmi við stefnu Samfylkingarinnar og um leið ríkisstjórnarinnar. 

 

Athugasemdir

[Gunnlaugur I)ngvarsson (IP-tala skráð) 19.6.2012 kl. 14:11]

Svikaslóð VG í ESB málunum tekur sífellt á sig sorglegri myndir.

Sagt er að engir borgarmúarar eru svo öflugir að þeir standist það að asni klyfjaður gulli komist þar ekki yfir.

Þingmann VG hafa með samþykkt þessa mútufjár, sem þar að auki nýtur sérstaks tolla- og skattleysis umfram annað fjármagn, gert sjálfan sig að "ösnum" sem verðskuleda ekki lengur traust þeirra tugþúsunda sem studdu þá til þingmennsku.

Enda verður útreið þeirra og afhroð hátt og mikið í næstu kosningum.

Nú var síðasti pappasaumurinn svokallaður "IPA galvaníseraður pappasaumur" framleiddur í Brussel rekinn í líkkistu Vinstri Grænna.

Jón Bjarnason og nokkrir fyrrverandi þingmenn VG voru þeir einu sem stóðu í lappirnar og greiddu atkvæði á móti.

Meira að segja Ögmundur Jónasson var þvílík "gunga og drusla" að hann studdi beint framgöngu málsins, með aulalegri hjásetu sinni !

[Ásmundur (IP-tala skráð) 19.6.2012 kl. 14:15]

Ótrúlegt hve ruglaður Jón Bjarnason getur verið. Hann talar um aðlögunarstyrki og að alþingismenn beygi sig í duftið og þiggi mútufé. Þvílíkt endemis rugl!!!

Hér er um að ræða styrki sem allar þjóðir fá sem sækja um aðild. Þó að aðildinni sé hafnað eru þeir ekki afturkræfir. Þetta er því alls ekki mútufé enda munu þessir styrkir ekki hafa nein áhrif á atkvæði kjósenda.

Það er ekkert óeðlilegt við að ESB taki þátt í kostnaðinum við þær kröfur sem þeir gera á þessu sviði eins og öðrum.

Aðlögun er auðvitað ekki hrint í framkvæmd nema þjóðin samþykki aðild. Jón Bjarnason telur hins vegar að ekki sé seinna vænna en að slíta viðræðunum strax því annars verði ekki aftur snúið. Þvílík paranoja!!! 

Mér er ekki kunnugt um að nokkur þjóð hafi hafnað IPA-styrkjum enda hafa þær ekki haft efni á slíkum fíflagangi frekar en við. Slíkt hefði kallað á ábyrgð þeirra sem hefðu hafnað styrknum enda myndi upphæðin annars lenda að fullu á skattgreiðendum.

Við komumst nefnilega ekki hjá því að uppfylla kröfur ESB hvort sem við erum þar innan dyra eða utan. Annars erum við ekki gjaldgeng á mörkuðum þar og víðar. 

Eða vill Jón og Vinstrivaktin kannski að Ísland dragist aftur úr öðrum þjóðum?   

[palli (IP-tala skráð) 19.6.2012 kl. 16:03]

Hrokinn og heilagi rétttrúnaðurinn hreinlega lekur af þér.

Sorgleg manneskja.