Haldreipi ESB umsóknarinnar farið

Fram til þessa hefur haldreipi ESB umsóknarinnar verið sú fullyrðing utanríkisráðherra og Fréttablaðsins að meirihluti þjóðarinnar vildi kíkja í pakkann. Þessi fullyrðing hefur verið studd með fremur óvönduðum skoðanakönnunum Fréttablaðsins þar sem blandað hefur verið saman tveimur ólíkum spurningum.

Nú hafa ESB sinnar Alþingis endanlega kveðið þessa goðsögn niður. Með því að fella tillögu Vigdísar Hauksdóttur um að spyrja þjóðina hvort halda ætti ferlinu áfram staðfesta þingmennirnir að ESB umsóknin er ekki í umboði íslensku þjóðarinnar.

Ef meirihlutanum væri svo áfram um að kíkja í pakkann þá hefði verið kærkomið tækifæri fyrir utanríkisráðherra að fá það staðfest í atkvæðagreiðslu. Þar með hefði hann getað farið með umsóknina á fulla ferð og í fullum rétti.

En þess í stað afhjúpaði utanríkisráðherra sjálfan sig og ríkisstjórnarmeirihlutann. Í niðurstöðu þingsins liggja mikil sóknarfæri fyrir okkur ESB andstæðinga.

Athugasemdir

[Jón Valur Jensson, 25.5.2012 kl. 22:30]

Frábærlega vel athugað: "Með því að fella tillögu Vigdísar Hauksdóttur um að spyrja þjóðina hvort halda ætti ferlinu áfram staðfesta þingmennirnir að ESB-umsóknin er ekki í umboði íslensku þjóðarinnar."

[Jón Steinar Ragnarsson, 26.5.2012 kl. 00:47]

Tímasetningin var vond hjá Vigdísi þar sem Hreyfingin vildi ekki hræra þessum málum saman. Fyrir einhverja ótrúlega blindu á samhengi hlutanna þá trúa þau virkilega að þetta stjórnarskrármál sé án huldra markmiða og tengist ekki ESB umsókn. Þessvegna höfnuðu þeir atkvæðagreiðslunni í þetta sinn þótt það sé alls ekki svo víst að þau hefðu gert það undir öðrum kringumstæðum.

Málin eru auðvitað skyld og bæði lykilatriði í framhaldi viðræðna og möguleika til innlimunnar. Stjórnarskrársirkusinn er eftir pöntun frá Brussel eins og flest það sem ríkistjórn Jóhennu leggur þráhyggjulega áherslu á.

[Jón Steinar Ragnarsson, 26.5.2012 kl. 00:50]

Þetta er einhverskonar double double whammy.

[Jón Valur Jensson, 26.5.2012 kl. 03:08]

Upphrópunin "Hræsni!" heyrðist í þingsalnum, þegar einn þingmaður var að gera grein fyrir atkvæði sínu um tillögu Vigdísar. Sá var Þór Saari, leiðtogi Hreyfingarinnar. Ástæðan var augljós þeim, sem fylgzt hafa með umræðum á Alþingi. Þór Saari sagði þar í ræðustól, að ekki ætti að "blanda saman óskyldum málum" í þjóðaratkvæðagreiðslunni í haust (þ.e. stjórnarskrár-umturnunarmálinu annars vegar og ESB-umsókn vinstri flokkanna hins vegar). En sjálfur hafði þessi sami Þór barizt fyrir því, að tveimur óskyldum málum yrði slengt saman í júlímánuði næstkomandi: forsetakosningunum og stjórnarskrármálinu! Hræsni hans með ofangreindum orðum sínum er því augljós, en svona er holur hljómurinn í forsendum hans fyrir því að hafna valdi almennings í þessu máli.

Það voru orð að sönnu hjá Einar K. Guðfinnssyni alþm., þegar hann gerði grein fyrir atkvæði sinu, að tala um "ESB-flokkana á Alþingi" og tiltók þrjá flokka: Samfylkingu, Vinstri græna og Hreyfinguna.

Því má spá hér, að þetta verði uppreisnarefni í grasrót Vinstri grænna og upphafið að endalokum Hreyfingarinnar. Við þetta má þó bæta, að Guðfríður Lilja Grétarsdóttir, fyrrum þingflokksformaður VG, greiddi atkvæði með tillögu Vigdísar, og ennfemur Jón Bjarnason, fyrrv. ráðherra. Heiður sé þeim að standa með sannfæringu sinni og eigin kjósendum.

[Jón Steinar Ragnarsson, 26.5.2012 kl. 03:32]

...að hefnist þeim sem svíkur sína huldumey. Honum verður erviður dauðinn...Sungu þessir líka dáyndismenn og konur forðum. Hverjir skyldu hafa búist við að þeir kvæðu um eigin örlög þegar öllu var á botninn hvolft?

[Jón Steinar Ragnarsson, 26.5.2012 kl. 03:35]

Erfiður...átti að standa þarna.

[Ásmundur (IP-tala skráð) 26.5.2012 kl. 07:24]

Ef það er ástæða til að hætta aðildarviðræðum ef einhver vísbending er um að meirihluti þjóðarinnar vilji það hugsanlega á ákveðnum tíma þá er auðvitað ástæða til að taka viðræðurnar upp aftur þegar vísbendingar eru um að það sé meirihluti fyrir aðildarviðræðum.

Þetta myndi þýða þjóðarakvæðagreiðslur á örfárra mánaða fresti ef ekki oftar og aðildarferli sem stæði í mjög mörg ár ef ekki áratugi.

Þetta ætti að nægja til að sýna fram á hve arfavitlaust það er að hætta viðræðum núna. 

[GB (IP-tala skráð) 26.5.2012 kl. 10:33]

http://bylgjan.visir.is/kannanir/

[Ásmundur (IP-tala skráð) 26.5.2012 kl. 10:58]

Þú veist það GB að það er ekkert að marka skoðannakannanir þegar niðustaðan er ekki rétt. Við munum bara setja meiri peninga í kynningarátak og fá rétta niðurstöðu á endanum. Það er staðreynd að það er bara illa menntað og illa upplýst fólk sem er á móti ESB, mitt hlutverk er að segja fólki hvað því er raunverulega fyrir bestu.

[Ásmundur (IP-tala skráð) 26.5.2012 kl. 17:23]

#9 er ekki eftir mig.

Þeir sem hagnast á gengissveiflum krónunnar eru kannski ekki mjög fjölmennur hópur. En gróði þeirra er svo gífurlegur að tjónið er mikið af þeirra völdum. Almenningur borgar.

Ég held að flestir andstæðingar ESB séu bæði þjóðrembingar og með vanmáttarkennd fyrir hönd þjóðarinnar. Stórmennskuæði og vanmáttarkennd eru oftast sitt hvor hliðin á sama hlutnum. Hreinir rasistar eru einnig þarna.

Einnig eru skoðanalausir sjálfstæðismenn fjölmennir. Eins og Hannes Hólmsteinn upplýsti í sjónvarpsviðtali rétt fyrir hrun þú hugsa flestir sjálfstæðismenn ekki um pólitík.

Þeir vilja fá aðra til að hugsa um þau mál fyrir sig. Þeir vilja bara græða á daginn og grilla á kvöldin. Þeim er meira í mun að skríða fyrir yfirvaldinu en að gæta eigin hagsmuna. 

Fyrir síðustu kosningar voru bæði núverandi formaður og varaformaður Sjálfstæðisflokksins veik fyrir ESB-aðild. Þau fengu þó engu ráðið um stefnu flokksins eftir kosningar. Aðildarumsókn var hafnað. Skrýtinn flokkur! 

Hver skyldi hafa kippt í spottann? Sá ræður yfir þúsundum atkvæða ef ekki tugþúsundum sem geta hæglega ráðið úrslitum um aðild.   

[Ásmundur (IP-tala skráð) 26.5.2012 kl. 17:49]

Ég er rasisti og ESB-þjóðrembingur með stórmennskuæði og vanmáttarkennd. Ég þoli enga útlendinga nema frá ESB, ESB, ESB. ESB er máttur lífsins og ég og Samfylkingin krefjumst þess að fá að einangra ykkur ómenntuðu þar. Þið vitið ekki hvað er gott fyrir ykkur. Vér ein vitum. #10 er ekki eftir mig.