Meirihluti utanríkisnefndar Alþingis krefst þjóðaratkvæðis um ESB

Þau tíðindi gerðust í utanríkismálanefnd Alþingis í morgun að Guðfríður Lilja Grétarsdóttir, þingmaður VG, lét bóka þá skoðun sína að efna þurfi til þjóðaratkvæðagreiðslu hið fyrsta, fyrir lok þess árs, um hvort þjóðin vilji ganga inn í ESB eða ekki. Formenn Sjálfstæðis- og Framsóknarflokks létu þá bóka að Alþingi beri að taka málið til umfjllunar í ljósi andstöðu meiri hluta nefndarinnar við aðildarferlið.

Það hefur lengi legið ljóst fyrir að meirihluti þjóðarinnar er algerlega andvígur inngöngu í ESB. Hins vegar tókst með klækjabrögðum að smygla þingsályktunartilögunni um aðildarumsókn í gegnum þingið sumarið eftir hrunið en fellt var að gefa þjóðinni kost á að segja til um hvort það væri raunverulegur vilji landsmanna að ganga í ESB.

Nú hafa komið fram tillögur úr ýmsum áttum um að efnt verði til þjóðaratkvæðis um ESB. Mestu skiptir að spurningin verði þá afdráttarlaus og snúist ekki um það "hvort viðræðum skuli haldið áfram" eftir að það þóf hefur nú staðið í bráðum þrjú ár heldur fái landsmenn að svara því hreint út hvort þeir vilji ganga inn í ESB eða ekki. Ef svarið er neikvætt er viðræðum sjálfhætt.

Kosið verði um ESB fyrir árslok

Athugasemdir

[Ásthildur Cesil Þórðardóttir, 22.5.2012 kl. 17:09]

Það er bara engin spurning um að þetta er orðið bráðnauðsynlegt, svo hægt sé að halda áfram uppbyggingu landsins.  Meðan þetta er sífellt yfirvofandi gerist ekki neitt í uppbyggingu, meðan ríkisstjórnin leggur allan sinn kraft í aðlögunarferlið.

[Jón Steinar Ragnarsson, 22.5.2012 kl. 17:15]

Í samfylkingarmiðlum er þessi frétt látin hljóma þannig að krafan sé um að kosið verði um samninginn og því sé þetta ekkert nýtt, því það hafi alltaf staðið til.  Það er alger afneitun á að þetta sé krafa um þjóðaratkvæði varðandi það að halda Bjarmalandsförinni áfram. Þ.e. að fá staðfestingu á því hvort þjóðin vil ganga í sambandiðyfirleitt.

Þegar umsóknin var samþykkt á naumum meirihluta á forsendum blekkinga og lyga (könnunarviðræður hét það þá) þá var raunin sú að ríflega 75% þjóðarinnar vildi þjóðaratkvæði um ákvörðunina og meirihlutinn var á móti því að sótt yrði um.

Ótrúlegur blekkingaleikur og örvænting í gangi. 

[Jón Steinar Ragnarsson, 22.5.2012 kl. 17:22]

Það var lagt fram frumvarp um þjóðaratkvæði samhliða þessu sem einnig var fellt með afar naumum meirihluta enda var hin fræga smölun á grunni hótana í gangi þá. Nokkuð sem Birgitta sagði ógeðslegt að horfa uppá.

Rökin gegn með því að neita þjóðinni um þennan lýðræðislega rétt voru helst þau að þetta yrði of kostnaðarsamt og að við hefðum ekki efni á því og að í raun væri ekki verið að sækja um heldur kíkja á hvað væri í boði. Þetta keyptu meira að segja nokkrir stjórnarandstöðuþingmenn og mega eiga eilífa skömm fyrir.

[Ásmundur (IP-tala skráð) 22.5.2012 kl. 17:38]

Eins og kemur fram í færslunni vill Guðfríður Lilja að efnt verði til þjóðaratkvæðagreiðslu um aðild áður en samningum er lokið.

Margt vitlaust hefur verið sagt á þingi en ekkert vitlausara en þetta sem Guðfríður Lilja apar eftir Ögmundi eins og vanalega. Guðfríður Lilja hefur valdið gífurlegum vonbrigðum sem þingmaður.

Þetta er auðvitað allt annað en þjóðaratkvæðagreiðsla um hvort halda eigi viðræðunum áfram. Þá er ekki verið að kjósa um aðild.

Afstaða utanríkismálanefndar er því þrenns konar og engin þeirra nýtur meirihluta í nefndinni.

[Kolbrún Hilmars, 22.5.2012 kl. 18:39]

Miðað við fréttir af samþykkt utanríkismálanefndar þá mun meirihlutinn einhuga um að krefjast þjóðaratkvæðagreiðslu.

Ekki þrenns konar.

[Elle_, 22.5.2012 kl. 18:49]

Málið var pínt í gegn með blygðunarlausum blekkingum og valdníðslu og fólkið sem byggir landið ekki spurt.  Og haldið gangandi nákvæmlega eins. 

Nú á að stoppa fáráðið og koma blekkjurunum og öfgaflokkunum frá völdum.  Næst á að rukka Jóhönnu og co. fyrir eyðsluna og skaðann. 

Okkar líf snýst ekki um öfgamál Ásmundar, Jóhönnu og Össurar.  Við fólkið erum valdið.

[Ásmundur (IP-tala skráð) 22.5.2012 kl. 18:59]

Það voru einu sinnu hjón sem voru einhuga um að fara í ferðalag....hann upp á hálendið en hún til Spánar.

Meirihluti Utanríkismálanefndar er einhuga um þjóðaratkvæðagreiðslu á árinu...Guðfríður Lilja um ESB-aðild þó svo að samningum verði ekki lokið. Aðrir í  þessum meirihluta vilja halda þjóðaratkvæðagreiðslu um að slíta viðræðunum.

Það er því enginn meirihluti fyrir því hvað á að gera.

[Ásmundur (IP-tala skráð) 22.5.2012 kl. 21:46]

Með öðrum orðum þá er meirihluti fyrir því í Utanríkismálanefnd að þjóðin fái að kjósa um ESB-aðild.

Hins vegar er ágreiningur um hvenær atkvæðagreiðslan eigi að fara fram.

[Elle_, 22.5.2012 kl. 22:41]

Kemur einu sinni enn þessi eldgamla og ofnotaða samfylkingartuska um að 'fá að kjósa' um það sem fólkið bað ekkert um.  Það á að stoppa vitleysuna.  Við skulum hinsvegar 'fá að kjósa' um endalok flokks Jóhönnu og Össurar.  Það væri lýðræði.

[Ásthildur Cesil Þórðardóttir, 22.5.2012 kl. 23:21]

Nákvæmlega Elli við þurfum endilega að fá að kjósa þau út af borðinu og það sem fyrst.

[Ásthildur Cesil Þórðardóttir, 22.5.2012 kl. 23:22]

Elle vildi ég sagt hafa.

[Elle_, 22.5.2012 kl. 23:58]

Já, það er nefnilega þannig að fólkið ekki bara bað ekki um Brusselruglið, það vill það ekki, eða um 70%.  Flokkur Jóhönnu og Össurar hefur um 19% fylgi eða minna.  Við losnum við nokkrar flugur í 1 höggi með að ´fá að kjósa´ um endalok hans.

[Ásthildur Cesil Þórðardóttir, 23.5.2012 kl. 00:20]

Nákvæmlega og það  er mikið gott mál.

[Gunnar Heiðarsson, 23.5.2012 kl. 09:51]

Ásmundur, hlustar þú ekki á fréttir? Ertu svo upptekinn við að skrifa athugasemdir á bloggi Vinstivaktarinnar að þú gefur þér ekki tíma til að fylgjast með fréttum?

Lilja vill leyfa þjóðinni að kjósa um áframhald viðræðna, ekki aðild að ESB, enda enginn samingur á borðinu. Jafn þú ættir að átta þig á þessu, þó þú fylgist ekki með fréttum.

Það er einmitt þetta mál, að leifa þjóðinni að kjósa, sem skiptir svo miklu máli. Þið aðildarsinnar haldið því stíft á lofti að þjóðin eigi að fá að kjósa, en viljð þó ekki þessa kosningu, bara allt aðra!

Vilji þjóðarinnar er alltaf sá sem þarf að liggja að baki stórum ákvörðunum í pólitík og engin er jafn stór og aðild að ESB. 

Í síðustu alþingiskosningum var einn flokkur með aðild að ESB á dagskrá, einn flokkur með hreina andstöðu við slíka velferð og aðrir flokkar beggja blands. 

Svo merkilegt sem það nú er, þá hlaut sá flokkur sem var með einlæga andstöðu við aðild einhvern mesta kosningasigur sem nokkur flokkur hefur fengið í íslenskum stjórnmálum, meðan sá flokkur sem hafði aðild á dagskrá strögglaðist við að halda í horfinu. Þessi staðreynd ein átti að nægja til að ekki yrði lögð inn aðildarumsókn nema með samþykki þjóðarinnar.

Ríkisstjórnin sem nú situr ákvað engu að síður að fara þessa vegferð og kom í veg fyrir að þjóðin fengi að kjósa um það. Nú er komin fram tillaga á Alþingi um að kjósa hvort þessu skuli haldið áfram og enn vilja aðildarsinnar meina þjóðinni að kjósa. Hvar er ykkar mikli vilji til lýðræðis nú? Er hann floginn til Brussel?

Þessi klysja að verið sé að meina þjóðinni að kjósa, með því að kjósa er orðinn þreitt. Enda svo heimskuleg að engu tali tekur!

[Ásmundur (IP-tala skráð) 23.5.2012 kl. 14:31]

Gunnar, fréttir eru ekki betri heimild en bókunin sjálf sem fréttirnar fjalla um.

Eins og kemur fram í pistli Vinstrivaktarinnar þá lét Guðfríður Lilja bóka "þá skoðun sína að efna þurfi til þjóðaratkvæðagreiðslu hið fyrsta, fyrir lok þess árs, um hvort þjóðin vilji ganga inn í ESB eða ekki."

Fréttir sem ég hef lesið hafa ekki beinlínis verið rangar því að þar er aðeins talað um þjóðaratkvæði vegna ESB. En þær hafa sannarlega verið villandi eins og sjá má á því hvernig þú og fleiri hafa túlkað þær.

Það er auðvitað tvennt ólikt að hafa þjóðaratkvæðagreiðslu um að slíta viðræðunum og að hafa þjóðaratkvæðagreiðslu um aðild áður en samningum er lokið eins og Guðfríður Lilja vill.

Með öðrum orðum er enginn meirihluti fyrir því í nefndinni að slíta viðræðum. Það er hins vegar meirihluti fyrir því að þjóðin kjósi um aðild þó að ágreiningur sé um hvenær það verði gert.

Það er hins vegar afspyrnu vitlaust að kjósa án þess að samningur liggi fyrir.  

[Ásmundur (IP-tala skráð) 23.5.2012 kl. 14:43]

Við förum ekkert að kjósa um hvort við höldum áfram samningaviðræðum við ESB enda er einstakt tækifæri núna að klára aðildarferlið í eitt skipti fyrir öll.

Ekki skemmir það fyrir að líkur eru á að ESB-vænn forseti setjist á Bessastaði sem mun tryggja að það verði ekkert "vesen" að koma samningnum í gegn þótt þjóðin segi Nei í þjóðaratkvæði enda er sú niðurstaða ekki bindandi á einn eða neinn hátt.

Það eru miklar líkur á að þó nokkrir stjórnarandstöðuþingmenn muni beita bláköldu hagsmunamati og tryggja brautargengi samningsins í gegnum Alþingi, þótt þjóðin kjósi annað, og ESB-hollur forseti mun síðan skrifa undir.

Ég sé akkúrat enga ástæðu fyrir því að eyðileggja þetta einstaka tækifæri til að ganga í ESB enda eru litlar líkur á að annað tækifæri bjóðist næstu 100árin.

[Ásmundur (IP-tala skráð) 23.5.2012 kl. 15:15]

Það þarf varla að taka það fram að athugasemd #16 er ekki eftir mig. Menn vita væntanlega hver þar er á ferð.

Þegar allir eru hættir að lesa það sem maður hefur fram að færa er hægt að skrifa í nafni einhvers annars ef maður er nógu bilaður til þess. 

[Ásmundur (IP-tala skráð) 23.5.2012 kl. 15:57]

Við afturköllum ekki afsalsviðræður sem eru komnar langleiðina með að hafa af ykkur fullveldið og sjálfstæðið. Þið vitið að við ESB-menn höfum vitið fyrir ykkur ómenntuðu með hjálp há-menntaðrar Samfylkingar eins og ég hef sagt.

[Ásmundur (IP-tala skráð) 23.5.2012 kl. 16:59]

Ásmundur! þú ert ekki eini Ásmundinn á landinu, síðast þegar ég tékkaði þá eru 237 Ásmundar skráðir í þjóðskrá. Ef þú vilt ekki láta rugla þér saman við alla hina Ásmundana þá gætir þú komið fram undir fullu nafni.

Ég mótmæli því harðlega að þú hafir einkarétt á Ásmundarnafninu hér á bloginu!

[Ásmundur (IP-tala skráð) 23.5.2012 kl. 17:30]

ESB-ingar og Samfylkingin ráða hér öllu og líka hverjir skrifa og hverjir ekki undir eigin nafni eða gælunöfnum eða gæludýranöfnum. Þið vitið þetta því ég sagði að við menntaðir í Samfylkingunni höfum vitið fyrir ykkur ómenntuðum. Munið þið ekki það sem ég sagði bara í gær?

Þið verðið bara að sætta ykkur við að þið ráðið engu í þessu landi ESB-inga og Samfylkingar. Við erum búin að taka yfir allar umræður í öllu vefsíðum og meira að segja líka RÚV!

[Ásthildur Cesil Þórðardóttir, 23.5.2012 kl. 18:54]

Það eru bara þrír Ásmundar Harðarsynir og þessi Ásmundur er ekki einn af þeim, svo hann virðist vera undir fölsku flaggi hér. 

[Ásthildur (IP-tala skráð) 24.5.2012 kl. 07:16]

Ásthildur, endilega upplýstu okkur um hvernig þú fórst að því að útiloka að ég væri Harðarson. 

Það er aðeins ein Ásghildur Cesil Þórðardóttir á landinu. Mér er sagt að þú getir ekki verið hún.

Hennar skrif hafi haft innihald og verið skrifuð af ábyrgð. Hún hafi meira að segja verið virðulegur ábyrgðarmaður fyrir vinsælum spjallvef sem ég man ekki lengur hvað hét.

Sú ÁCÞ sem hér skrifar hafi hins vegar ekkert fram að færa annað en bull og vitleysu af lágkúrulegasta tagi.

#16, 18, 19 og 20 eru ekki eftir mig.  

[Ásmundur (IP-tala skráð) 24.5.2012 kl. 08:29]

Jahérna, það er svona þegar maður byrjar að skrifa án þess að vera almennilega vaknaður. 

Í síðustu athugasemd minni er ég ekki að þykjast vera Ásthildur eins og reyndar sést á innihaldinu. 

[Ásthildur Cesil Þórðardóttir, 24.5.2012 kl. 08:52]

´Velkomin í leðjuslaginn Ásthildur.  Og ég er nokkuð viss um að þú ert Harðarson, en sennilega ekki Ásmundur.