Vaxandi ótti við að evrugeddon sé í aðsigi

Erlendir fjölmiðlar voru stóryrtir í gær: Evrópa er á barmi efnahagshruns sem gæti haft víðtækar afleiðingar um allan heim, líka hér á landi. Forsætisráðherra Breta segir dómsdag nálgast; Grikkland er stjórnlaust og þar líkt og á Spáni óttast menn víðtæk áhlaup á banka næstu daga.

 

Þessa frétt mátti lesa á Pressunni í gær. Mikil ótti hefur gripið Spánverja „sem vilja fremur geyma reiðufé undir koddanum en á ótraustum bankabókum fjármálastofnana sem óvíst er hvort lifa næstu daga af.

 

Grikkir hafa tekið út gífurlegar fjárhæðir í reiðufé síðustu daga og matsfyrirtæki keppast við að lækka lánshæfiseinkunnir evrópskra banka. Skuldabréfaútboð á Spáni mistókst með öllu og þjóðstjórn hefur verið sett á til bráðabirgða í Grikklandi, þar til kosið hefur verið að nýju. Forseti landsins viðurkennir að ógnarástand ríki og óttinn sé mikill. Evrópskir fjölmiðlar vitna til evrugeddon og snúa þar út úr orðinu Harmageddon, eða ragnarökum -- heimsendi.

 

Gríðarlegur titringur er á fjármálamörkuðum og neyðarfundir eru nú haldnir hjá ríkisstjórnum margra Evrópuríkja, en Mervyn King, seðlabankastjóri Bretlands, segir að evrusvæðið sé á góðri leið með að brotna saman innan frá og gagnrýndi leiðtoga Evrópu harðlega í dag fyrir að mistakast með öllu að grípa til viðeigandi aðgerða vegna fjármálahrunsins í Grikklandi.

 

King segir að sú stefna að vinna tíma og velta vandanum á undan sér hafi beðið algjört skipbrot. Breski forsætisráðherrann David Cameron varaði í dag við dómsdegi þar sem öll Evrópa geti sogast inn í allsherjar efnahagshrun og hvatti Merkel kanslara Þýskalands til að samþykkja auknar fjárveitingar til víðtækra björgunaraðgerða.

 

„Við erum á ókunnum slóðum og það felur í sér gríðarlega áhættu fyrir okkur öll,“ sagði Cameron. Hann sagði Breta myndu gera hvað sem er til að bregðast við afleiðingum þess efnahagsstorms sem væri í aðsigi.

 

Bretar eru með sitt Sterlingspund og utan evrusvæðisins, en Cameron segir að leiðtogar í Evrópu verði að ákveða sig strax hvort þeir ætli að styrkja böndin og komast í gegnum erfiðleikana í sameiningu en skilja ella. Þá benti hann á að hagvaxtartölur í Þýskalandi séu með ágætum meðan nær öll önnur evruríki horfi upp á samdrátt og kjarni í myntsamstarfi hljóti að felast í því að sterkari ríki komi þeim veikari til aðstoðar á ögurstundu.

 

Cameron tók þátt í símafundi í dag með Mario Monti forsætisráðherra Ítalíu, Francois Hollande nýkjörnum Frakklandsforseta og Merkel. Var símafundurinn undirbúningur fyrir leiðtogafund átta helstu iðnríkja heims (G8) sem hefst annað kvöld. Er búist við að þar verði efnahagskrísan í Evrópu mál málanna.

 

Slæm staða efnahagsmála er talin vatn á myllu ýmissa róttækra öfgahópa, eins og kom í ljós í grísku þingkosningunum á dögunum þegar nýnasistar náðu umtalsverðum árangri. Alistair Darling, fyrrverandi fjármálaráðherra Breta, sagði í dag að ástandið í Evrópu sé orðið grafalvarlegt. „Þetta gæti orðið hrikalegt fyrir Evrópu,“ sagði hann og benti á að margt væri líkt með ástandinu nú og því sem ríkti í álfunni þegar nasistar náðu fótfestu í Þýskalandi á árunum eftir fyrri heimsstyrjöldina.“

Athugasemdir

[Kolbrún Hilmars, 18.5.2012 kl. 18:29]

Í gær hét þetta evrugeddon í erlendum fjölmiðlum, í dag grexit, á morgun espexit.

Fitch setti í dag gríska banka í ruslflokk.  Líklega fara spönsku bankarnir sömu leið á mánudag.

Það lítur ekki út fyrir að evruhruninu verði forðað - úr því sem komið er. 

En engum þarf að koma á óvart að Össur, Jóhanna og Steingrímur vilji taka upp þann gjaldmiðil sem allra fyrst...

[Kristján B Kristinsson (IP-tala skráð) 18.5.2012 kl. 20:48]

Efir að maður las viðtalið við þennan sænska (man ekki hvað hann heitir) sem skammaðist sín fyrir að hafa verið fylgjandi Evrunni og blindur á hvað vakti fyrir teknokrötunum í Brussel þá gerðu þeir ráð fyrir að það kæmi kreppa og hún myndi virka sme hvati á þjappa saman Evrópuríkjum á kostnað lýðræðisins, en sá sænski sagði að núna væri þetta að springa í andlitin á þeim.

[Ásmundur (IP-tala skráð) 19.5.2012 kl. 11:05]

Fyrir 1 1/2 mánuði hefði það boðað mikla hættu fyrir evrulöndin ef Grikkir hefðu neyðst til að gefa evruna upp á bátinn. Nú telur ESB hins vegar að þessi hætta sé ekki lengur til staðar. Gripið hafi verið til varúðarráðstafana til að koma í veg fyrir hrun annars staðar á evrusvæðinu.

Það er styrkur ESB að geta þannig styrkt innviði sína þegar hætta steðjar að í stað þess að þurfa að láta allt reka á reiðanum vegna tortryggni landa á milli.

80% Grikkja vilja vera áfram í ESB og með evru. Helstu stjórnmálaflokkarnir einnig. Grikkir neyðast hins vegar til að kasta evrunni ef þeir neita að fara að gerðum samningum nema þeir geti samið upp á nýtt.

Ljóst er að litið svigrúm er til að semja um betri kjör. En kannski duga minniháttar tilfærslur í samningum til að Grikkir haldi andlitinu og samþykki skilmálana. Að öðrum kosti verða þeir að prenta eigin gjaldmiðil til að geta greitt ríkisstarfsmönnum og lífeyrisþegum laun og bætur.

Það er auðvelt að gera sér í hugarlund hvað þá gerist. Óðverðbólga skellur á og greiðsluþrot blasir við. Parísarklúbburinn mun þá taka við skuldamálum Grikkja og semja við lánardrottna. Þjóðir sem hafa lent hjá Parísarklúbbnum bíða þess seint eða aldrei bætur.

Grikkir hafa fyrir milligöngu ESB fengið meira en helming sinna skulda felldar niður. Auk þess fá þeir lán á lágum vöxtum eftir þörfum frá AGS og björgunarsjóði ESB. Það sýnir ótrúlega slæma fjárhagsstöðu Grikkja ef þetta dugar ekki til enda er aðstoðin einsdæmi.

Það er erfitt að átta sig á stöðu Grikkja. En mig grunar að niðurskurðurinn sé ekki alltaf á réttum stöðum. Ég hef heldur ekki heyrt um neitt sérstakt átak til að stemma stigu við svartri atvinnustarfsemi.

[Elle_, 19.5.2012 kl. 11:19]

>Nú telur ESB hins vegar að þessi hætta sé ekki lengur til staðar.<
Segir fulltrúi þeirra.

[Ásmundur (IP-tala skráð) 19.5.2012 kl. 15:03]

Ég er ESB-ingur og ég svara fyrir ESB-valdið. Ísland verður að lúta vönduðum lögum þess. Nú er ég orðinn örvæntingarfullur.

[Ásmundur (IP-tala skráð) 19.5.2012 kl. 15:05]

Elle fylgist ekki með fréttum. Kannski hún lesi ekki annað en Vinstrivaktina og American Thinker.

Það hljóta að vera meðmæli með ESB-aðild og evru að 80% Grikkja vilja áfram aðild og evru. Samt er Grikkland notað sem grýla gegn aðild.

Munurinn er sá að Grikkir gera sér grein fyrir að vandi þeirra hefur ekkert með ESB-aðild og evru að gera og að þvert á móti sé vandinn til kominn þrátt fyrir ESB-aðild og evru.

[Ásmundur (IP-tala skráð) 19.5.2012 kl. 15:15]

Það er greinilegt að hér eru menn logandi hræddir við málflutning minn.

Það kemur fram í því að öðruhvoru er verið að gera hann toryggilegan með því að falsa athugasemdir í mínu nafni. #5 hér er fjarri því að vera eina dæmið.

Trúlega er geðsjúklingurinn palli sökudólgurinn nú sem fyrr.

[Kolbrún Hilmars, 19.5.2012 kl. 15:22]

En hvað þetta er heimilislegt!

Nú hafa allir þrír Ásmundarnir tjáð sig á einu bretti.

#5 Ásmundur annar, #6 Ásmundur fyrsti, #7 Ásmundur þriðji.

Held ég ávarpi "Ásmund" framvegis sem "Allir Ásmundar"...

[Elle_, 19.5.2012 kl. 15:50]

Kallarðu það rök, &#39;Ásmundur&#39;, að blekkja og brengla og fara með rangfærslur?  Kallarðu það rök að segja mann ekki lesa fréttir ef maður ekki dásamar dýrðarveldi Brusselvina þinna? 

Kallarðu það rök að ýja að því að maður hafi endilega visst þjóðerni/ætterni ef maður bendir á viss skrif, bandarískur ef maður vísar í bandarísk skrif, gyðingur ef maður vísar í skrif sem lýsa stórhættunni af endurteknu ofurvaldi Stór-Þýskalands, rússneskur vísi maður í skrif rússnesks andófsmanns??

Það eru ekki rök, það er þvæla.







Og Ási, ættirðu ekki bara að kæra alla Ásmundana sem voga sér að nota sama nafn og þú notar?  Í hverra nafni ætlarðu þá að kæra???

[Ásmundur (IP-tala skráð) 19.5.2012 kl. 17:25]

Elle, vertu ekki að bulla. Ég minntist ekki á rök, ég fór ekki með rangfærslur og sagði ekki að þú læsir ekki fréttir.

Hér er bara eínn Ásmundur. Hinn (ekki útilokað hinir) falsar nafn mitt. Það er augljóst af innihaldi athugasemda hans.

[Elle_, 19.5.2012 kl. 19:02]

Megum við ekki BULLA eins og þú?  Kannski ERTU örvæntingarfullur?

[Elle_, 19.5.2012 kl. 19:28]

>Elle fylgist ekki með fréttum. Kannski hún lesi ekki annað en Vinstrivaktina og American Thinker.<

Nei, ég býst ekki við að ofanvert þýði að ég lesi ekki fréttir??  Hvað þýðir það þá??  Þetta er nú öfugt við það sem þú hefur kallað skrif American Thinker og Vinstrivaktarinnar að þú farir núna fyrst að kalla þau fréttamiðla bara svona til að geta kaffært mig.

Þetta er farið að vera voða spooky.

[Ásmundur (IP-tala skráð) 19.5.2012 kl. 19:38]

Elle, þú virðist ekki hafa vald á blæbrigðum íslenskunnar, kannski vegna erlends uppruna.

Að fylgjast með fréttum er annað en að lesa fréttir. Það kom einmitt fram í athugasemd minni að þú læsir Vinstrivaktina og American Thinker sem birta fréttir.

Að fylgjast með fréttum þýðir að hafa yfirsýn yfir hið helsta sem er í fréttum. 

[Elle_, 19.5.2012 kl. 19:55]

Og ef ég les bara American Thinker og Vinstrivaktina þá les ég víst ekki fréttir, samkvæmt þér í no. 6 að ofanverðu.  Nema eins og ég benti á að þú værir fyrst núna farin að kalla þau fréttamiðla.

[Elle_, 19.5.2012 kl. 19:56]

- - - farinn að kalla þau fréttamiðla.