Svíar og Danir frábiðja sér að taka upp evru

Líklega er Samfylkingin eini stjórnmálaflokkurinn í Evrópu sem hefur þvílíka ofurtrú á evrunni að hann getur ekki horfst í augu við þá staðreynd sem við blasir: evran hentar Þýskalandi vel en að sama skapi afar illa fyrir ýmis jaðarríki ESB sem búa við gjörólíkar aðstæður.

 

Þetta skilja Svíar. Einungis 12 prósent Svía myndu greiða atkvæði með upptöku evru samkvæmt nýrri könnun á vegum Háskólans í Gautaborg. Árið 2010 var þó hlutfallið 28 prósent og árið 2009 41 prósent. Danir bregðast við vandræðunum með evruna á sama hátt. Rúm 17 prósent Dana myndu greiða því atkvæði að taka upp evru samkvæmt könnun sem birtist í mars en rúm 57 prósent hafna henni.

 

Það er því ljóst að ríkin í norðvesturhorni álfunnar, Noregur, Svíþjóð, Danmörk og Stóra Bretland, munu ekki taka upp evru. Írland er hins vegar þegar með evru, en vandræðin sem hún hefur valdið þar, eru öllum kunn.

 

Paul Krugman, sem hlaut Nóbelsverðlaunin í hagfræði árið 2008, spáir „ragnarökum evrunnar" á næstu mánuðum, ekki síst vegna óumflýjanlegs falls Grikklands með tilheyrandi hliðaráhrifum á nágrannaríkin Spán og Ítalíu. Hann spáir því að þetta gerist á næstu mánuðum, ekki árum.

 

Þetta kemur fram í nýjasta pistli Krugmans sem birtur er á vefsvæði New York Times: „Grikkir munu yfirgefa evruna, mjög líklega í næsta mánuði," segir í pistli Krugmans. Hann segir að þetta muni kalla fram áhlaup á spænska og ítalska banka, sem margir hverjir muni reyna að færa peningana sína til Þýskalands. (Heimild: Vísir 15. maí s.l.)

 

Á sama tíma lætur Steingrímur Sigfússon, efnahagsráðherra, ásamt nokkrum þingmönnum VG það gott heita að Össur sé að eyða hundruðum milljóna á ári hverju í það vonlausa viðfangsefni að troða Íslendingum inn í ESB svo að þeir geti tekið upp evru, rétt eins og þingmennirnir hafi ekki hugmynd um hvað er að gerast í veröldinni.

 

Guðbjartur Hannesson, velferðarráðherra, vakti athygli á því á vef velferðarráðuneytisins (sbr. frétt mbl.is 15. maí s.l.), að staða okkar hvað atvinnuleysi varðar sé „mun sterkari en flestra annarra Evrópuþjóða þar sem atvinnuleysi er að meðaltali nálægt 11% á móti um 6,5% atvinnuleysi hér á landi, jafnframt því sem atvinnustig er hvergi hærra en hér á landi.“ „Þetta tvennt hefur gefið okkur mikilvægt forskot á leið út úr kreppunni umfram aðrar þjóðir og dregið verulega úr áhrifum kjaraskerðingar af hennar völdum.“

 

Þetta er hárrétt hjá Guðbjarti. Ísland er á uppleið en ESB er enn á niðurleið. Samt varð hér stórfelldara bankahrun en víðast annars staðar. Okkur Íslendingum gengur einfaldlega miklu betur að krafla okkur aftur upp úr kreppupyttinum vegna þess að við erum með sjálfstæðan gjaldmiðil sem aðlagaði sig skjótt að breyttum aðstæðum og stuðlaði að sparnaði í innflutningi en jafnframt að vexti útflutningsgreina og ferðamannaiðnaðar, eins og fram kemur í meðfylgjandi frétt. Þar með er ekki sagt að vandamál okkar séu úr sögunni. Öðru nær! En við erum á réttri leið - án evru og án ESB-aðildar.

Kröftugri útflutningur en spáð var

Athugasemdir

[Ásmundur (IP-tala skráð) 16.5.2012 kl. 23:51]

Skrýtin færsla. Íslendingar eru ekki að sækja um að taka upp evru.

Við erum að sækja um ESB-aðild. Bæði Danir og Svíar eru í ESB og una sér þar vel. Það eru mörg ár þangað til Íslendingar geta tekið upp evru. Den tid, den sorg. Aðstæður gætu þá hafa gjörbreyst.

Skoðanakannanir um vinsældir evrunnar nú um stundir gefa enga vísbendingu um hvort Svíar og Danir muni sækja um evru þegar fram liða stundir. Miðað við aðstæður er stuðningurinn meiri en ég átti von á. 

Danir og Svíar eru svo miklu fjölmennari en Íslendingar að þeir geta haft eigin gjaldmiðil vandræðalaust. Krónan er hins vegar svo agnarsmá að hún er ónothæf í frjálsum gjaldeyrisviðskiptum.

Það er td mjög raunhæfur möguleiki að Ísland lendi í greiðsluþroti við útlönd eingöngu vegna gjaldeyrisskorts.  

[Elle_, 17.5.2012 kl. 00:38]

ÍSLENDINGAR og VIÐ erum ekki að sækja um neitt þarna.

[Jón Steinar Ragnarsson, 17.5.2012 kl. 08:22]

Ásmundur: Helstu rökin fyrir inngöngu í sambandið hafa alltaf verið upptaka Evru. Grátkór evrusinna um ömurleika krónunnar er hluti af þeim spuna, ef þú hefur ekki áttað þig á því.

Á hrunárinu 2008 þá var þetta megigin drifkrafturinn í málflutningi Samfylkingarinnar og ástæða þess að þeir hlutu fylgi yfirleytt. Þá horfði nefnilega þannig við að fólk trúði því að við værum dauðadæmd og þyrftum að taka upp nýja mynt hið snarasta. Okkur var meira að segja sagt að hægt væri að koma þessu í kring á tæpu ári.

Sagan hefur svo sýnt að þetta var hræðsluáróður og ómerkileg tækifærismennska. 

Mér kemur ekki á óvart að þú segir svart vera hvítt eins og þín er von og vísa í trúarofstækinu. Þér finnst fylgi svía og dana við evruna meira en ÞÚ áttir von á, þegar það er nánast ekkert.  Svíar og danir una sér svo ekki eins vel í ESB eins og þú segir því að á sama máta þá er fylgið við aðild hríðfallandi líka. Meira að segja Uffe Elleman er orðinn skeptískur.

En eins og áður, þá er ekki heil brú í neinu sem frá þér kemur, enda byggir sannfæring þín á trú en ekki rökum.

[Ásmundur (IP-tala skráð) 17.5.2012 kl. 09:38]

Jón Steinar, endilega upplýstu okkur um á hvern hátt sagan hafi sýnt að það hafi verið hræðsluáróður og tækifærismennska að benda á að krónan væri ónýtur gjaldmiðill.

Afleiðingarnar af völdum ónýtrar krónu hafa verið okkur mjög þungbærar öll árin eftir hrun og enn er ekkert lát á. Enn eru menn, þar á meðal þingmenn og forsetaframbjóðandi, að krefjast þess að þessar afleiðingar verði leiðréttar. Gjaldmiðill sem virkar ekki nema með geðþóttaleiðréttingum, afskriftum og tilfærslum á fé er ónýtur.

Eftir því sem árin líða frá hruni verður mönnum betur og betur ljóst hve skaðleg gjaldeyrishöftin eru og hve skelfileg áhrif þau hafa á viðskipti við útlönd og erlenda fjárfestingu. Spillingin sem fylgir tvöföldu gengi er einnig yfirgengileg. Allt rýrir þetta lífskjör almennings verulega.

Það er mikill fengur í ESB-aðild hvort sem evra verður tekin upp eða ekki. Vandræðin með krónuna munu hverfa að mestu með myntsamstarfi við ESB sem hægt er að hefja fljótlega eftir aðild. Jafnvel aðeins ákvörðunin um aðild mun hafa mjög jákvæð áhrif á krónuna.

Annars er miklu fleira sem ávinnst með ESB-aðild en nothæfur gjaldmiðill. Mikilfægt er að fá nauðsynlega bandamenn og vandaða löggjöf á því sviði sem ESB-aðildin nær yfir í stað þeirra hrákasmíðar sem sambærileg íslensk lög eru. Örþjóð eins og Ísland getur ekki staðist stærri þjóðir snúning að þessu leyti.

Krónan er allt of lítill gjaldmiðill til að geta verið á floti til frambúðar. Það er td of auðvelt fyrir vogunarsjóði að keyra hana í kaf með skortsölu.   

Sögur andsinna um lítið fylgi við aðild og evru í hinum ýmsu ESB-löndum lýsa mikilli örvæntingu enda algjörlega úr lausu lofti gripnar. Jafnvel 80% Grikkja vilja vera áfram í ESB og með evru.

[Eyjólfur Jónsson, 17.5.2012 kl. 09:53]

Ásmundur! þú skrifar: aðstæður geta þá hafa gjörbreyst, ef ástandið hefur versnað ennþá meira er ennú minni ástæða til að taka upp evruna hvaþá að ganga i einræðissambandið. Við getum spurt okkar næsta nágranna, Færeyinga hvort við megum taka upp þeirra gjaldmiðil. En trú þín er sterk, en reyndu að ná því að við erum ennþá bara aðeins rúmlega 300.000! þetta er ein ástæðan fyrir að haldið er í krónuna elskuðu.

[Jón Steinar Ragnarsson, 17.5.2012 kl. 10:42]

Ásmundur þú endurtekur möntruna. Krónan er ekki ónýt. Kosturinn við hana er að það er hægt að fella gengi hennar í áföllum og það er það sem hefur bjargað þjóðinni frá hruni. Gengisfall er óbein leið til að greiða fyrir ósköpin. Án hennar væri hér sviðin jörð. Einhverstaðar verða peningarnir að koma frá til að jafna út skaðann. Þú heldur kannski að það sé hægt að láta skaðann hverfa fyrir einhvern hókus pókus við að taka upp aðara mynt?  Ef við værum  með Evru þá værum við í spennitreyju.

Hvað heldur þú að sé í gangi á Grikklandi, Spáni, Ítalíu og Portúgal? Þessi lönd hafa ekkert traust hjá fjármálamörkuðum og skuldatryggingarálag er margfalt miðað við hér. Af hverju heldur þú að þetta sé? 

Allt sem þú þylur hér er innihaldslaus röleysa og páfagaukalærdómur úr spunavélum Samfylkiingarinnar. Þú raunar snýrð öllu á haus eins og þín er von og vísa.  Krónan er styrkur okkar í þessum hremmingum en ekki löstur, bara svo þú hafir það á hreinu.

[Jón Steinar Ragnarsson, 17.5.2012 kl. 11:10]

Svo ferð þú að blanda gjaldeyrishöftum inn í þetta. Hvernig heldur þú að væri hér umhorfs án þeirra?  Það er nú verið að ræða það í fullri alvöru í Evrópubandalaginu að koma á slíkum höftum vegna fjármagnsflótta sem einmitt er afleiðing fjórfrelsisins. Þetta frjálsa flæði fjármagn út og inn úr löndum er einmitt ástæða kreppunnar líka. Fjármagn flætti óheft hér inn í leit að náttstað í háu vaxtaumhverfi sem endaði með sprengingu vegna ofþenslu og ábyrgðarleysis. Hér voru stýrivextir með þeim hærri í heimi og stórir erlendir bankar lánuðu fé hingað á 1% eða svo sem síðan ávaxtaðist hér á 15%. Sérðu samhengið?  Ekki var við neitt ráðið og ástæða hárra stýrivaxta hér var sú að slá á þenslu. Þetta hafði þveröfug áhrif í þessu umhverfi frjálsra fjármagnsflutninga.  Svo þegar allt hrundi þá hefði allt sogast hér út á einni nóttu ef ekki hefði verið hægt að bremsa það af með höftum.

Sama saga var t.d. uppi í Grikklandi og öðurm Evrulöndum. Óheft innstreymi í góðæri og óheft útstreymi í kreppu. Evran breytir engu þar um. Þú ættir að sjá það ef þú hefur fylgst með málum, sem ég er farinn að efast um að þú hafir nokkurntíma gert.

Hér gerðu spekúlantar áhlaup á krónuna. Það er nákvæmlega það sama uppi á teningnum í Evrulöndum í dag. Engin mynt er varin spákaupmennsku og áhlaupum í því frelsi sem gefið er í fjármálaviðskiptum. Ef menn fara að veðja á að Evran falli, þá fellur hún fyrr en seinna. Jamie Dimon hjá JP Morgan misreiknaði fallið og tapaði á því hann gerði ekki nægilega ráð fyrir gríðarlegri gervipeningaframleiðslu sambandsins og viðskipti með verðlausa ríkisskuldabréfavafninga þar sem seðlabanki evrópu hefur verið á fullu að kaupa eigin skuldir fyrir margfalt meira en hann ræður við. Heldur þú að þeir þurfi ekki að standa skil á þeirri glæframennsku áður en langt um líður?

Ég spái því að það komi að þeim skuldadögum áður en árið líður og þá fer illa. Ég heyri kannski í þér um það leyti þótt ég efist um að þú hafir breytt um skoðun. Hroki þinn og vitfirringsleg auðtrú og trúarleg blinda leyfa þér ekki að hafa rangt fyrir þér. Það hefur ekkert með veraldleg rök að gera heldur miklu frekar þennan andlega brest þinn. 

[Ásmundur (IP-tala skráð) 17.5.2012 kl. 13:55]

Jón Steinar, þú virðist ekki vita hvað gjaldeyrishöft eru.

Gjaldeyríshöft eru sett á til að hafa stjórn á kaupum á erlendum gjaldeyri til að koma í veg fyrir að innlendi gjaldmiðillinn lækki of mikið.

Þannig er tilgangur gjaldeyrishafta að verja gengi innlenda gjaldmiðilsins til að koma í veg fyrir að gengi hans hrynji þegar fjarmagnsflótti úr landi skellur á.

Ekkert gengishrun á sér stað í fjármagnsflutningum milli evrulanda enda öll með sama gjaldmiðilinn.

[Kolbrún Hilmars, 17.5.2012 kl. 14:41]

"Ekkert gengishrun á sér stað í fjármagnsflutningum milli evrulanda..." segir Ásmundur.

Í vikunni hefur fjármagnsflótti orðið áberandi í Grikklandi, þegar grískur almenningur er að tæma þarlenda banka með því að taka út (evru)inneignir sínar. Ýmist til þess að stinga undir koddann eða til þess að flytja á innstæðureikninga erlendis. Reyndar hefur verið sagt að hinir auðugri grikkjar hafi fyrir löngu flutt sínar evrur á "öruggan" stað.

Auðvitað veldur þetta brambolt ekki gengishruni evrunnar - bara hruni grísku bankanna, sem standa holir eftir því engum vörnum verður við komið. Fjórfrelsi fjármagnsins og allt það...

[Ásmundur (IP-tala skráð) 17.5.2012 kl. 15:12]

Kolbrún afleiðingarnar eru ekki svona alvarlegar enda eru lagaákvæði í ESB um hvernig brugðist skuli við slíkum fjármagnsflótta úr landi. 

Seðlabanki þess lands sem fjármagnið flytur til er þá skuldbundið til að lána seðlabbanka þess lands sem fjármagnið flúði frá sömu upphæð, ef ég man rétt.

Ég hef ekki haft neinar fréttir af að bankar hafi hrunið í Grikklandi af þessum ástæðum.

En hvað sem því liður þá er það auðvitað fáránlegt að leggja að jöfnu hömlur á slíka fjármagnsflutninga og íslensku gjaldeyrishöftin.

Annars vegar er um að ræða sjaldgæft neyðartilvik vegna hættu í landinu á að evru verði skipt út fyrir eigin gjaldmiðil.

Hins vegar er verið að tala um viðvarandi hættu vegna þess hve veikur gjaldmiðillinn er vegna smæðar hans.

Í um hundrað ára sögu íslensku krónunnar hefur hún aðeins í fáein ár verið án hafta. Það endaði með ósköpum eins og við vitum.   

[Kolbrún Hilmars, 17.5.2012 kl. 16:12]

Ásmundur, ég "man" eftir því að hafa lesið fyrir skömmu síðan að ESB sé að hugleiða það að skattleggja slíka fjármagnsflutninga. Hvaða aðrar reglur eru í gildi - núna?

En samkvæmt venjunni eru slík úrræði aðeins til umræðu EFTIR að þeir ríku hafa bjargað sínu og almúginn sýnir tilburði til þess að fara að fordæmi þeirra.

Grísku bankarnir falla sjálfkrafa eftir að þeir hafa verið tæmdir af innstæðum. Að öllum líkindum öðru hvoru megin við komandi helgi.

[Ásmundur (IP-tala skráð) 17.5.2012 kl. 16:16]

Jón Steinar, Það er ein blekkingin að gengishrunið hafi bjargað okkur í hruninu og að án þess væri hér sviðin jörð. Skoðum það nánar:

Ef við hefðum haft evru hefðu skuldir ekki hækkað. Sveitarfélög og mörg fyrirtæki þar á meðal opinber fyrirtæki eins og OR skulduðu í erlendum gjaldeyri. Þær skuldir tvöfölduðust í krónum vegna hrunsins. Þetta á eftir að valda okkur miklum vandræðum um langa framtíð.

Hækkun skulda hefur kostað okkur gífurlega fjármuni í afskriftum og skuldalækkunum sem hefðu ekki komið til nema vegna gengishruns krónunnar.

Með evru hefði skuldir aldrei orðið svona miklar. Erlend lán lokkuðu vegna hás gengis krónunnar. Menn ætluðu á græða á genginu eins og útlendingarnir með jöklabréfin.

Hrunið hafði engin umtalsverð áhrif á magn útflutnings né heldur verð talið í erlenda gjaldmiðlinum nema kannski í ferðaþjónustu. Með evru hefðu kjör fólks verið betri en hagnaður útgerðarinnar minni. Þannig hefði féð dreifst á réttlátari hátt.

Með evru hefðu vextir lækkað mikið vegna hrunsins. Þannig hefði ríkið getað bætt hag sinn með hagstæðum lánum (eins og reyndar núna). Einnig hefði verið hægt að bæta hag ríkisins með því að hækka skatta.

Kollsteypan sem varð vegna gengishrunsins hefur haft gífurlega alvarlegar afleiðingar. Það þurfti í raun að stokka kerfið upp á nýtt og  og er ekki enn séð fyrir endann á því. Flestir virðast vera þeirrar skoðunar að illa hafi tekist til með uppstokkunina og er óánægjan gríðarleg.

Margir sáu fyrir að gengishrun væri í vændum enda var gengi krónunnar í hæstu hæðum. Þeir komu auðævum sínum úr landi og tvöfölduðu þau þannig á kostnað almennings.

Gengishrun er gríðarleg tilfærsla á fé oftast til sérhagsmunahópa frá almenningi. Það ætti því ekki að líðast. Það eru til aðrar réttlátari leiðir til að bregðast við vandanum.

[Ásmundur (IP-tala skráð) 17.5.2012 kl. 16:33]

Kolbrún ég las einhvers staðar nýlega um þessi ákvæði sem ég held örugglega að hafi gengið út á að seðlabanki þess lands sem féð fer til lánar álíka upphæð til seðlabanka þess lands sem féð kemur frá. Ég reyndi að finna þetta til að staðfesta það en án árangurs.

Þannig er samtryggingin mikil í ESB þó að hún sé ekki ótakmörkuð sem betur fer. Utan ESB verðum við hins vegar ein á báti utan bandamanna ef illilega bjátar á sem hæglega getur gerst með krónu. Okkar athvarf verður þá Parísarklúbburinn. Þær þjóðir sem þar lenda bíða þess seint eða aldrei bætur.

[Kolbrún Hilmars, 17.5.2012 kl. 17:06]

Ásmundur, ef til er eitthvað slíkt seðlabankaákvæði, þá má telja víst að það nái ekki til Sviss eða City.

Því hefur nú verið hvíslað að Parísarklúbburinn eigi sín ítök í ESB. Sel það ekki dýrara en ég keypti. En í öllu falli þá á enginn "athvarf" neins staðar þegar fjármálaheimurinn á í hlut.

[Jón Steinar Ragnarsson, 17.5.2012 kl. 20:07]

Lestu þetta Ásmundur.

[Elle_, 17.5.2012 kl. 21:04]

Við eigum við ekkert erindi inn í bandalag sem kúgar þjóðir.  ÞÓ þar væri ekki logandi bál og verðandi styrjöld á götum úti.  Og ´Ásmundur´, slepptu FÁRÁÐLINGS stimplinum hvað sem ´PARANOJAN og MINNIMÁTTARKENNDIN og ÖRVÆNTINGIN´ heltekur þig við lesturinn.

[Elle_, 18.5.2012 kl. 00:50]

Almenningur skrifar í Telegraph:

Tony_n

Yesterday 01:50 PM

Europe has never been about democracy.  Like other (let's recognise the way it is going) totalitarian systems, it is about giving people what the European Elite think the people OUGHT to want.  That is why referendums are either avoided or ignored until they produce the "right" result.
Unfortunately, the architects of Europe have been very clever in their long-term strategy of progressing towards Euro-integration in a series of short steps that are small enough to disguise the real objective.  You might call it "Euro Creep".  In most countries, most people (including me at the tender age of 20 in 1975) have fallen for the trick.

anneallan

Yesterday 08:22 AM

"Will Eurosceptics be blamed for eurogeddon?"   Yes, and we don't care.  
All empires wither and die - this one was built on sand and deserved its short life.    The damage it has caused will take far longer to repair than the time it existed.

jinglebalix

Yesterday 04:21 AM

Fantastic piece - right on the money.

It's a bit like a man wanting to be friendly with a woman - as and when he is rejected he can't understand why the woman would be immune to his advances - 'he would be so good for her' - so he rapes her, and then blames her for not realising what's best.

In the same vein, these people are politicians and demagogues, creating what they think is a benign and harmonious society - and complaining because the 'people' don't realise what's good for them.

Thus the more they feel the need to ignore peoples' feelings and force them to accept what has been deemed as necessary, and to feel grateful and loyal towards their 'benefactors'.......it's called fascism.

The other poignant characteristics of demagogues are incompetence, egotism and dishonesty.......these clowns will never be wrong.

But we know the score. We want to be friends but we don't want to be brothers, and we know that that this whole pan-European project is plain WRONG.

[Ásmundur (IP-tala skráð) 18.5.2012 kl. 07:24]

Jón Steinar, vandamálið er Grikkland en ekki ESB og evra. Yfir 80% Grikkja og stærstu stjórnmálaflokkarnir í Grikklandi vilja áfram vera í ESB með evru enda liggja ástæður vandans annars staðar að þeirra mati.

Það byrjaði heimskreppa 2008 sem er langt frá því að vera lokið. Undirliggjandi vandi er enn til staðar. Hann felst í of miklum skuldum, bæði ríkja og einkaaðila. Mörg ríki hafa verið að ýta vandanum á undan sér með því að auka enn frekar skuldir.

Það kemur að skuldadögunum. Hvort upphafið verði  í Grikklandi er aukaatriði. Orsakir skuldavanda heimsins  liggja ekki þar. Orsakir vanda Grikkja liggja ekki hjá ESB og evru. Hann er sjálfsskaparvíti óstjórnar, spillingar og óráðsíu innanlands.

Ef ESB og evra hefur haft áhrif þá er það vegna ofurtrúar Grikkja á að ESB og evra myndu leysa þeirra vanda sem var mjög alvarlegur fyrir. ESB og evra eru auðvitað engin varanleg töfralausn á hvers kyns efnahagsvanda.

[Elle_, 18.5.2012 kl. 11:11]

Portugal and Spain appear to be the next fatalities.  The end-result may be the rise, once again, of German hegemony.  Germany, hedged in since the end of World War II, has only to re-militarize in order to achieve dominance over Western and even Eastern Europe -- even though presently, as Europe's banker, she is utilizing mostly economic means to increase her power.  The prospect of a revitalized and militarized Germany is not necessarily the horrid vision it was in the 1930s and '40s, but European nations should be aware that the death of sovereign European nation-states and the rise of any single power could result in an unimaginable tragedy.  
Amercan Thinker

[Ásmundur (IP-tala skráð) 18.5.2012 kl. 13:38]

Elle, heimskulegt bull af þessu tagi verður ekkert skárra þó að það komi frá útlöndum og sé á ensku.

Þessi sérkennilega örvænting þín hlýtur að eiga sér sérstakar skýringar. Ertu kannski gyðingur? Eða ertu bandarísk að uppruna? Bandríkjamenn sjá ofsjónum yfir uppgangi ESB og evru og óttast afdrif síns eigin gjaldmiðils.

Þú ættir að tala meira frá eigin brjósti og taka þátt í rökræðum í stað þess að stunda copy/paste með í meira lagi vafasöm skrif. 

[Elle_, 18.5.2012 kl. 14:27]

Hollt lesefni fyrir alræðisflokk Íslands og aðra blekkjendur um Brusselveldið:

- - - the regulation-driven, powerful, and controlling EU may be putting the very existence of Europe's nation-states at risk.  For example, the impoverishment of Greece and its consignment by the EU to the rump-end of Europe, though hastened by Greece's own feckless governmental policies, means in reality that that nation has been conquered by EU economic means as surely as if an army had marched through its borders and taken over its government.  Greece is now in thrall to the EU, as Mr. Farage has tirelessly pointed out.

Portugal and Spain appear to be the next fatalities.  The end-result may be the rise, once again, of German hegemony.  Germany, hedged in since the end of World War II, has only to re-militarize in order to achieve dominance over Western and even Eastern Europe -- even though presently, as Europe's banker, she is utilizing mostly economic means to increase her power.  The prospect of a revitalized and militarized Germany is not necessarily the horrid vision it was in the 1930s and '40s, but European nations should be aware that the death of sovereign European nation-states and the rise of any single power could result in an unimaginable tragedy. 
American Thinker