VG á ekki að dragnast lengur með lík í lestinni

Það hefur aldrei þótt gæfulegt að sigla lengi með lík í lestinni. Mikill meiri hluti landsmanna er andvígur ESB-aðild og sama gildir um kjósendur VG sem nú verður að slíta sig frá þessu steindauða máli áður en það dregur flokkinn með sér í gröfina.

VG hefur aldrei farið dult með þá stefnu sína í yfirlýsingum frá landsfundum og flokksráðsfundum að hagsmunum Íslands sé best borgið utan ESB. Í skugga hrunsins og þvert á sannfæringu sína og yfirlýsta stefnu féllst þó flokkurinn á þá kröfu Samfylkingarinnar að kannað yrði hvað falist gæti í hugsanlegri ESB-aðild, meðan unnið væri að því að reisa þjóðina upp úr rústum hrunsins.

Það var útbreidd skoðun fyrst eftir hrunið að Íslendingar kæmust ekki út úr þeim ógöngum, sem hrunið kom landsmönnum í, án aðstoðar ESB. Áhersla var þó á það lögð af hálfu þeirra forystumanna í VG sem studdu þennan vafasama könnunarleiðangur að VG væri ekki á nokkurn hátt skuldbundið að styðja aðild og um yrði að ræða hraðferð til könnunar á kostum og göllum ESB-aðildar.

Síðan eru bráðum liðin þrjú ár. Sem betur fer er örvænting þjóðarinnar löngu horfin. ESB hefur ekki á nokkurn hátt orðið Íslendingum til stuðnings við endurreisnina. Þvert á móti hafa aðgerðir ESB gegn Íslendingum verið mjög fjandsamlegar og nægir að minna á makrílveiðarnar og icesave.  Andstaða við ESB-aðild fer vaxandi með hverju árinu sem líður, en fylgi við ríkisstjórnina dregst saman. Nú sýna skoðanakannanir að aðeins fjórðungur þjóðarinnar er hlynntur inngöngu í ESB og fylgi við ríkisstjórnarflokkana er á svipuðum slóðum. Hraðferðin hefur breyst í langferð inn í kolsvart myrkrið. Stórt skarð hefur verið höggvið í þingmannalið VG og víðs vegar um land fer stuðningsmönnum flokksins fækkandi eins og glöggt má sjá í skoðanakönnunum. Æ stærri hluti landsmanna virðist farinn að líta á VG sem ESB-flokk. Það er að vísu rangt mat en lýsir engu að síður útbreiddu vantrausti.

Það er blindur maður sem ekki sér að fylgispektin við Samfylkinguna í ESB-málinu er hægt og bítandi að drepa VG. Samfylkingin sleppur betur því að svo á að heita að flokkurinn sé að framfylgja yfirlýstri stefnu sinni. Staða VG er önnur og verri. Flokkurinn starfar beinlínis í mótsögn við yfirlýsta stefnu sína. Þess háttar kúnstir kunna kjósendur aldrei að meta. Forystumenn flokksins verða að horfast í augu við þá staðreynd að framtíð flokksins er í húfi ef þeir láta áfram reka á reiðanum með afar ótrúverðugri framgöngu í máli sem bersýnilega verður eitt helsta umræðuefni komandi kosninga. - RA

Skila inn áætlun til ESB

Athugasemdir

[Kristján B Kristinsson (IP-tala skráð) 11.5.2012 kl. 14:07]

Það er alveg augljóst að það kaupir það enginn aftur að VG sé á móti aðild að ESB, það vill enginn skipta við kaupmanninn sem á ekkert nema maðkað mjöl og myglað korn.

[Elle_, 11.5.2012 kl. 15:10]

Hart fyrir flokksmenn sem höfðu ekkert með gólftuskuþjónustuna við Jóhönnu og co. að gera að hinir hafi eyðilagt flokkinn.  Pistillinn lýsir þessu annars vel.   

[Kristján B Kristinsson (IP-tala skráð) 11.5.2012 kl. 15:46]

það er alveg dagljóst að stór hluti þingfólks í öllum flokkum það hugsar um það eitt að hanga sem lengst því það veit sem er að það mun ekki verða kosið aftur til alþingis, og það veit líka að það á ekkert sérstaka innkomu á vinnumarkaðinn því það veit að frammistaða þess á þinginu gengur tæplega í augun á þeim sem stjórna vinnumarkaðnum.

[Ásmundur (IP-tala skráð) 11.5.2012 kl. 16:17]

Það er eins og enginn sé jafnsannfærður um að þjóðin veljii aðild í þjóðaratkvæðagreiðslunni og Vinstrivaktin. Svo mikil er örvæntingin nú þegar síga tekur á seinni hluta aðildarviðræðnanna.

Það er auðvitað ekkert annað en sjálfsblekking að ímynda sér að það þjóni kjósendum að slíta viðræðunum. Þvert á móti munu kjósendur taka slík svik óstinnt upp enda sýna skoðanakannanir meirihluta fyrir því meðal kjósenda Vg að halda viðræðunum áfram.

Steingrímur nýtur mun meiri stuðnings sem flokksformaður en formenn annarra flokka. Það endurspeglar vilja kjósenda Vg til að ljúka viðræðunum.

Það er greinilega ekki allt í lagi með siðferði þeirra sem vilja að Vg hætti stuðningi við aðildarviðræðurnar. Að mynda ríkisstjórn með það að markmiði að sækja um ESB-aðild en hætta svo við áður en samningur liggur fyrir eru gróf svik við samstarfsflokkinn og kjósendur. Enginn flokkur lifir af slík svik í siðuðu þjóðfélagi.

Slíkt skref myndi boða áframhald á fylgishruninu vegna ósamlyndis í flokknum. Aðeins mestu villikettirnir gætu stutt hann eftir það og aðeins í takmarkaðan tíma.

[Kolbrún Hilmars, 11.5.2012 kl. 17:32]

Það er engu líkara en Ásmundur sé núna fyrst að kynnast ESB umræðum almennings á Íslandi. Og snýr þar af leiðandi öllu á hvolf.

Gróf svik við samstarfsflokkinn eru að hans mati alvarlegri glæpur en svik við eigin flokk. Það er þá ef til vill ágætt að þann glæp hefur forysta VG ekki framið.

Villikettirnir verða þeir einu sem styðja formann VG á þessari ESB vegferð, segir maðurinn - þegar það eru einmitt innikettirnir sem styðja formanninn og villikettirnir ýmist búnir að segja skilið við flokkinn eða láta sig hafa það að þrauka og andæfa.

Svonefnd örvænting stuðningsmanna VG snýst ekki um ESB aðild nema sem afleiða af kosningasvikum forystunnar, bæði gagnvart flokksmönnum og kjósendum.

Og hafðu það, Ásmundur.

[Elle_, 11.5.2012 kl. 17:48]

Sammála Kolbrúnu.  Það var líka engin örvænting í pistlinum.  Það er engin örvænting í að neita að vera heimilisköttur einræðisherra og hafna að hafa steindautt lík í eftirdragi.

[Ásmundur (IP-tala skráð) 11.5.2012 kl. 18:22]

Kolbrún, Vg hefur ekki svikið eigin flokk. Flokkurinn berst enn gegn aðild. Hann hefur aðeins samþykkt umsókn til að leyfa þjóðinni að kjósa um aðild.´

Það er örvænting að reyna að koma í veg fyrir það núna. Sú örvænting hlýtur að stafa af hræðslu um að þjóðin samþykki aðild.  

Það er auðvitað flokknum til hróss að leyfa fólki að kjósa. Meirihluti stuðningsmanna Vg eru samþykkir því.

Það eru hins vegar gróf svik að hætta stuðningi við umsókn þegar langt er liðið á kjörtímabilið þrátt fyrir að það var skilyrði fyrir stjórnarsamstarfinu.

Það er hrein misnotkun á aðstöðu að vinna að sínum málum í ríkisstjórn en neita svo að efna sinn hluta samstarfssamningsins þegar langt er liðið á kjörtímabilið.

Skv minni orðabók eru menn sem haga sér þannig drullusokkar.

Það hefði verið mun skárra ef Vg hefði neitað að gangast inn á þetta skilyrði í upphafi. Það hefðu allavega ekki verið svik. En þá hefðu S og Vg ekki myndað ríkisstjórn.

Sem betur fer er hvorki meirihluti þingmanna Vg né meirihluti kjósenda flokksins svikarar. Þess vegna verður umsóknarferlið leitt til lykta.

[Kolbrún Hilmars, 11.5.2012 kl. 18:54]

Ásmundur, þú náðir þessu ekki alveg. Framtíð VG er í húfi en þér finnst það í góðu lagi á meðan flokkinn má nýta í þágu ESB aðildarumsóknar SF?

Ef ég man rétt, slitnaði upp úr Þingvallakossinum vegna þess að XD féllst ekki á ESB sjónarmið SF.

Ekki það að báðir þessir samstarfsflokkar SF, eða forysta þeirra, eiga það skilið að traðkað sé á þeim ef þeir gera ekki annað en velta sér á bakið og bjóða óvarða bringuna.

Við erum nefnilega að ræða grjótharða pólitík en ekki neitt heiðursmannasamkomulag...

[Ásmundur (IP-tala skráð) 11.5.2012 kl. 20:30]

Kolbrún, þetta er alrangt mat hjá þér. Flestir kjósendur Vg eru sáttir við að þjóðin fái að kjósa. Skoðanakannanir hafa sýnt að meirihluti þeirra vill ekki slíta viðræðunum.

Þeir sem heimta að viðræðunum sé slitið eru tiltölulega fámennur hópur í kringum Jón Bjarnason sem fór í framboð fyrir Vg eftir að honum var hafnað í prófkjöri hjá Samfylkingunni. 

Meirihluti stuðningsmanna Vg er heiðarlegt fólk sem kann ekki að meta ef flokkurinn hefur svindlað sér inn i ríkisstjórnina í stað þess að standa í lappirnar og efna sinn hluta samningsins. 

Stjórnarsáttmálinn er ekkert heiðursmannasamkonulag heldur þvert á móti undirritað plagg þar sem greint er frá skilmálum.   

[Elle_, 11.5.2012 kl. 21:00]

Enn er öllu snúið á hvolf.  Nei, heiðarlegu stuðningsmenn VG eru fólk sem vill að flokkurinn standi í lappirnar og losi sig við Brussellíkið og Steingrím og trojuhestana.

[Ásmundur (IP-tala skráð) 11.5.2012 kl. 22:38]

Siðferðið er ekki upp á marga fiska hjá Elle.

Bara í fínu lagi að gera samninga til að komast í ríkisstjórn og standa svo ekki við neitt

Það hefur verið ógæfa Vg að hafa innanborðs allt of marga sem geta ekki annað en verið til vandræða hvar í flokki sem þeir eru. 

Best er að losa sig við slika stuðningsmenn sem fyrst þó að fylgið minnki. 

[Elle_, 11.5.2012 kl. 22:58]

Nei, enn snýrðu öllu á hvolf.  Heiðarlega fólkið innan VG gerði enga gólftuskusamninga við Jóhönnu.  Og síst um að draga steindauð lík.

[Gunnlaugur Ingvarsson (IP-tala skráð) 12.5.2012 kl. 07:45]

Ásmundur Harðarson leigupenni ESB trúboðsins er ekki svaraverður !

[Ásmundur (IP-tala skráð) 12.5.2012 kl. 08:59]

Elle veit ekki hvað heiðarleiki er.

Hún heldur að heiðarleiki sé að berjast fyrir sínum vafasömu hugðarefnum með öllum tiltækum ráðum, þar á meðal að virða ekki meirihlutasamþykktir, en vera samt áfram í flokknum, og krefjast þess að samningar séu sviknir.

Fólk sem hagar sé þannig er óheiðarlegt og reyndar ekki í húsum hæft. Það þarf ekki marga slíka í flokki til að rústa fylginu.

Þetta hefur verið vandamál Vinstri grænna.

[Elle_, 12.5.2012 kl. 09:21]

Hann er ekki svaraverður, Gunnlaugur, en á ekki að fá að ljúga í friði.  Hann snýr enn öllu á hvolf.  Hvaða skrattans samningar?

ÓHEIÐARLEGA fólkið innan VG sættist á að vera gólfmotta Jóhönnu og hinir eðlilega SÆTTU SIG ALDREI VIÐ ÞAÐ fyrir sinn flokk.  Vandamál samviskulausra og siðlausra manna Samfylkingar er að þeir skilja ekki muninn. 

[Gunnar Heiðarsson, 12.5.2012 kl. 10:08]

Það er fyndið að lesa skrif Ásmundar. Hvernig hann snýr öllu á hvolf og hvernnig hann túlkar málin út frá sjónarmiði Samfylkingar. Mynni hans er þó takmarkað, þar sem honum er gjörsamlega útiloka að hugsa aftur fyrir síðustu kosningar, eins og heili hans hafi verið í dvala allt til 16. júli 2009 og starfað á hálfum afköstum síðan!!

Staðreyndirnar eru einfaldar. VG boðaði algera andstöðu við aðildarumsókn fyrir síðustu kosningar, einn flokka og varð sigurvegari þeirra kosninga. Forusta flokksins sveik þetta oforð.

Það var sagt að þingmenn VG væru ekki bundnir af þessu samkomulagi, samt var hótað stjórnarslitum ef ekki væri staðið við það, samþykkt um að sækja um aðild var fengin fram með hótunum.

Þeir sem vildu athuga vilja kjósenda um aðildarumsókn, voru samstundis skotnir í hausinn, enn er ráðist hart gegn þeim sem vilja láta slíka könnun fara fram nú. Þetta er gert í nafni lýðræðis, svo heimskulegt sem það nú er!!

Það var látið líta svo út að kanna ætti hvað hægt væri að fá út úr aðildarumsókn, "kýkja í pokann". Sumir héldu fram á þeim tíma að ekki væri hægt að fara í slíka könnun, einungis í fullar aðildarviðræður. Það hefur komið á daginn að þetta var rétt mat. Reyndar lá það fyrir þeim sem höfðu haft fyrir því að kynna sér ESB og hvernig lög þess eru, en því miður var ætt af stað í þessa vegferð á skoðunar á einu né neinu!

Það hefur komið marg oft fram af hálfu ALLRA þeirra fulltrúa ESB sem tjá sig hafa um aðildarumsókn okkar, sem og stendur það skýrt í  Lissabonsáttmálanum, að sú þjóð sem vill aðild að ESB verðu að taka upp lög sambandsins og hlýta reglum þess. Verður að aðlaga siga að ESB. Sambandið muni ekki breyta eigin lögum fyrir umsóknarríki. Þetta er ófrávikjanleg regla og marg oft verið bennt á hana. Hins vegar væri hugsanlega hægt að fá undanþágu fyrir upptöku einhverra greina lagabálksins, en einungis til skamms tíma. Varanlegar undanþágur eru ekki fyrir hendi.

Þá hefur, eins og greinarhöfundur bendir á, ekki verið beinlínis vinsamlegt hugarfar af hálfu ESB og einstakra ríkja þess í garð okkar Íslendinga. Fjandskapurinn ætið stutt undan og reynt í afli hins stóra að kúga smáþjóðina Ísland, trekk í trekk. Flestir væru staðnir upp frá samningaborðinu við slíka framkomu og farnir heim til sín. Það er ekki að sjá að neinn vilji sé til samstarfs af hálfu ESB við okkur!!

Ofaná allt þetta bætist svo það ástand sem nú er innan ESB, sér í lagi rikja evrunnar. Þar er allt að fara til fjandans og ekki að sjá að nein lausn sé í sjónmáli. Evruna má þó afskrifa, þó Ásmundur og félagar í Samfylkingunni sjá enn einhvern glans á henni. Þeir eru sennilega eini hópurinn í gervallri veröldini sem þann glans sjá, allir aðrir horfa upp á ösku evruseðlana.

Á sinn sérstæða en fátæklega hátt tekst Ásmundi að snúa þessum staðreyndum upp í andhverfu sína.

Honum þykir lýðræðinu best borgið með því að meina fólki að kjósa um ákvarðanir, heldur eigi að kjósa um orðinn hlut. Að hið sanna lýðræði felist í því að ekki skuli kosið um vegferðina, heldur einungs afleiðingar þeirrar vegferðar. Þetta rímar vissulega við það lýðræði sem kennt er við ESB!

Hann telur að samþykktir ESB, eins og Lissabonsáttmálinn sé marklaust plagg og að frekar eigi að trúa Össur Skarphéðinssyni en öllum fulltrúum sambandsins.

Hann telur vera hægt að setjast að samningaborði gegn fulltrúum ESB um aðild Íslands að sambandinu, með því hugarfari að einugis sé verið að gera könnun á því hvað við hugsanlega gætum fengið. Þannig ganga alþjóðastjórnmál ekki fyrir sig, Ásmundur!

Ásmundi finnst það fjandsamlega viðhorf ESB gegn landi okkar og þjóð vera hið besta mál, sér sennilega einhver óræðin tækifæri í þeim!

Það ástand sem ríkir innan ESB, sér í lagi ríkja evrunnar kýs Ásmundur að loka augum fyrir. Brunarústir evrunnar eru honum sem gull, atvinnuleysið sennilega einhver tækifæri og sú gjá sem myndast hefur milli íbúa landa ESB og þeirra sem hafa hrifsað til sín völd í sambnadinu, er auðvitað í anda Samfylkingar, sem hefur sundrung sem sitt hellsta markmið!!

Um sjálft bloggið hér fyrir ofan vil ég aðeins segja það að RA vanmetur vanda VG. Skaðinn er skeður og tjónið orðið óbætanlegt. VG mun aldrei ná sér á strik aftur. Þeim sem er umhugað um þá stefnu sem flokkurinn stóð eitt sinn fyrir ættu að leita sér að öðrum flokk, eða stofna nýjan. Skilja líkin eftir í lest VG og leyfa þeim flokk að sökkva í friði. 

[Gunnlaugur Ingvarsson (IP-tala skráð) 12.5.2012 kl. 10:26]

Flott innslag hér hjá Gunnari Heiðarssyni.

Algerlega sammála niðurlagi hans.

RA vanmetur greinilega vanda VG.

Eina sem fyrrum stuðningsmenn VG geta gert nú er að skilja líkin eftir í lestinni og hafa sig frá borði.

Þessi skúta VG sekkur eins og steinn með svikulann formanninn við stýrið !

[Ásmundur (IP-tala skráð) 12.5.2012 kl. 10:38]

Vinstrivaktin lætur sem fylgistap Vg sé vegna þess að flokkurinn ákvað að gefa þjóðinni kost á að kjósa um ESB-aðild svo að hægt væri að mynda vinstri stjórn.

Þetta er augljóslega rangt. Þvert á móti má rekja fylgistapið til ósamlyndis hjá Vg sem þeir sem neita að una meirihlutaákvörðunum bera ábyrgð á.

Ekkert er eins slæmt fyrir fylgi flokka og glundroði innan þeirra. Þetta vita Sjálfstæðismenn. Þess vegna er fylgi þeirra alltaf mikið.

Kjörtímabilinu 2003 til 2007 var mikið ósamlyndi í Samfylkingunni sem ekki fór leynt. Smám saman missti flokkurinn fylgi og lækkaði það um nærri helming.

En nokkrum vikum fyrir kosningar hættu bræðravígin og einhugur komst á í flokknum. Þá brá svo við að fylgið jókst um nærri 50% fram að kosningum.

Ástæðan fyrir því að Vg hafa tapað miklu meira fylgi á kjörtímabilinu en S er að í S hefur að mestu ríkt einhugur.

Þó nýtur Steingrímur meira trausts en Jóhanna. En mikið ósamlyndi í flokknum kemur í veg fyrir að flokkurinn njóti þess í miklu fylgi.

[Elle_, 12.5.2012 kl. 11:07]

Flokkurinn er að mínum dómi ónýtur, eins og Gunnar og Gunnlaugur sögðu.  Skil ekki að hann verði lífgaður við með neinu móti eftir fals og óheiðarleika fjölda manns innan hans: Álfheiðar, Árna Þórs, Björns Vals, Katrínar, Lilju R., Steingríms og man ekki í svip hvað allt það falslið heitir.

[Ásmundur (IP-tala skráð) 12.5.2012 kl. 12:21]

Ótrúleg skrif Gunnars Heiðarssonar hér fyrir ofan eru skólabókardæmi um afneitun andstæðinga ESB aðildar. Her stendur ekki steinn yfir steini.

Hvers vegna þessi afneitun? Vegna þess að sannleikurinn þolir ekki dagsins ljós fyrir andstæðinga aðildar sem þá væru í mesta basli við að verja andstöðuna við aðild?

Fyrir kosningar boðaði Vg andstöðu gegn aðild en ekki aðildarumsókn. Þeir hafa staðið við það loforð. Stuðningur við aðildarumsókn er ekkert annað en viðurkenning á að það sé réttur þjóðarinnar að kjósa um aðild. Það stangast ekki á við að vera sjálfur á móti aðild. Vg eru enn á móti aðild. 

Við stjórnarmyndun var sagt að fáeinir þingmenn Vg gætu greitt atkvæði gegn aðild ef það kæmi ekki í veg fyrir samþykkt umsóknarinnar. Það væri algjörlega galið að samþykkja í stjórnarsáttmála að sækja um ESB-aðild ef þingmenn Vg gætu síðan fellt aðildina í atkvæðagreiðslu á þingi. Það stenst enga skoðun. 

Skoðanakannanir sýna og hafa sýnt að það er meirihluti fyrir því að halda viðræðunum áfram og kjósa um aðild. Það var ákveðið með meirihluta á þingi að hafa ekki þjóðaratkvæðagreiðslu um hvort hefja ætti aðildarviðræður.

Það er því ótrúleg þráhyggja að vera enn að röfla um þetta nú þegar svo langt er liðið á ferlið ekki síst í ljósi þess að slíkar atkvæðagreiðslur hafa ekki farið fram í öðrum löndum nema í Sviss eftir að Svisslendingar höfðu hafnað EES-samningnum.

Það er með ólíkindum ef þingmenn hafa ekki kynnt sér hvað felst í aðildarumsókn. Ég er mest hissa að þeir skuli viðurkenna þá vanrækslu að hafa ekki kynnt sér það áður en þeir greiddu atkvæði með aðild. Aðildarumsóknir hafa verið með þessum hætti hátt í tuttugu ár.

Gunnar bullar um að allt sé klippt og skorið í ESB og því ekki um neitt að semja. Í samningum ríkja við ESB eru oft varanleg sérákvæði (special arrangements). Þetta er það sem samið er um og verður þá hluti af lögum og reglum ESB. Þess vegna teljast þau ekki undanþágur. Þetta hefur margoft komið fram hjá talsmönnum ESB eins og meðal annars má sjá hér:

http://www.pressan.is/pressupennar/LesaOlafArnarson/borg-blaes-a-babiljur

http://eyjan.is/2010/10/17/eva-joly-vill-ad-island-gangi-i-esb-segir-rangt-ad-esb-asaelist-audlindir-islands/  

Auk þess eru reglur ESB okkur hagfelldar. Reglan um hlutfallslegan stöðugleika þýðir að við sitjum ein að veiðum í íslenskri landhelgi. Auk þess gilda mismunandi reglur um hin ýmsu fiskimið. Sjá hér:

http://evropa.blog.is/blog/evropa/entry/1120738/

Hið svokallaða ástand í evrulöndum einskorðast við fáein ríki. Flest evruríkin eru í góðum málum. Ástandið er tvíþætt. Annars vegar alþjóðleg skuldakreppa í kjölfar mikils framboðs á ódýrum lánum. Hins vegar er um að ræða óráðsíu og spillingu í þessum löndum auk andvaraleysis gagnvart þeirri bólumyndun sem upptaka evru hafði í för með sér. Menn létu reka á reiðanum.

http://www.visir.is/um-hagsmuni-islands-og-meintan-tilvistarvanda-evrunnar/article/2012120328803

Gunnar heldur því blákalt fram að afskrifa megi evruna. Það er af og frá. Þvert á móti hef ég heyrt hvern sérfræðinginn á fætur öðrum halda því fram að engin hætta sé á að evran hverfi. Við þurfum hins vegar ekki að hafa áhyggjur af evru vegna umsóknarinnar enda eru nokkur ár þangað til við getum tekið hana upp.

Hugleiðingar Gunnars um þjóðatkvæðagreiðslu vegnna ESB eru stórundarlegar. Hann talar um að kjósa um orðinn hlut. Er hann virkilega þeirrar skoðunar að aðild sé orðum staðreynd áður en kosið verður óháð því hvernig atkvæðagreiðslan fer

Það er auðvitað ekki fjandsamlegt viðhorf að láta reyna á ágreining fyrir dómstólum. ESB er iðulega með slík mál í gangi gegn aðildarríkjunum. Slíkt á auðvitað einnig við um ríki sem eru að sækja um aðild. Að tala um fjandsamlegt viðhorf í þessu sambandi er barnaskapur.

[Jón Frímann Jónsson, 12.5.2012 kl. 13:03]

Það yrði mikil landshreinsun ef að ESB umsókn Íslands mundi nú taka sig til og hreinsa út hroka og þjóðrembuplágunar eins og Vinstri Græna, Framsóknarflokkin, Sjálfstæðisflokkin. Síðan mættu samtök eins og Heimssýn alveg hverfa yfir móðuna miklu í kjölfarið.

Staðreyndin er að þessi andstaða við Evrópusambandið á Íslandi er kjánaleg, og byggir ekki á neinum staðreyndum.

Ég er búsettur í Evrópusambandinu (Danmörku) og veit því fullvel hvernig staðan er hérna innan Evrópusambandsins.

[Gunnar Heiðarsson, 12.5.2012 kl. 15:35]

Ásmundur, þú svarar með útúrsnúningum og skæting. Ekkert efnisleg kemur frá þér, nú frekar enn fyrr.

Að vitna í greinar eftir yfirlýsta aðildarsinna og Evu Joly eykur ekki trúverðugleik þinn! 

Trúarbrögð geta verið sterk, einkum ef um ofsatrú er að ræða og að ætla að snúa þér af trú þinni á ESB ætla ég ekki að reyna. Það þarf meiri menn en mig til þess.

En ofsatrú og skynsemi fara sjaldan saman. Það er gömul saga og ný!

[Elle_, 12.5.2012 kl. 15:47]

´Ási´ og Jón vita víst ekki hvað dýrðlingurinn þeirra segir nú: - - -  innan Evrópu er hættan á fátækt og félagslegri einangrun minnst hér á landi. - - - 

Hvað varð af dýrðinni miklu?  Hví er konan og þeir þá að þrýsta okkur með ofbeldi þangað inn??  Óútskýranlegar hvatir sem koma okkur hinum ekki við??

[Kolbrún Hilmars, 12.5.2012 kl. 15:54]

Elle, við þurfum að líta 750 ár aftur í tímann til þess að skilja tilganginn.

Á þeim tíma voru verðlaunin Jarlstitill - hver veit hvað upphefðin kallast í dag.

[Elle_, 12.5.2012 kl. 17:40]

Ás-jarlinn er á mútufundi núna að gá hvað hann eigi að segja næst.  ´Endurheimting á fullveldinu´ í Eiríks Bergmanns stíl dugði ekki.  Evru-gróðinn og hagvöxturinn mikli dugði ekki.  Lygin um hið mikla lýðræði dugði ekki.  Lygin um samvinnuna - - -

[Ásmundur (IP-tala skráð) 12.5.2012 kl. 18:52]

Gunnar, athugasemd mín er vel rökstudd og fjarri því að vera útúrsnúningar.

Þú virðist hins vegar vera rökþrota og bregst við því á óskemmtilegan og auman hátt í stað þess að viðurkenna að fyrri athugasemd þín stóðst ekki skoðun. Það er að vísu til full mikils mælst. En þú hafðir einnig þann valkost að svara ekki.

Ef þú ert með meðalgreid eða þar yfir veistu að þetta er í aðalatriðum rétt.

[Jón Frímann Jónsson, 12.5.2012 kl. 20:57]

Kolbrún, Fyrir rúmlega 750 árum voru tvö ríki á Íslandi. Annað þeirra hét upp á nútímaensku, Icelandic Commonwealth (Þjóðveldisöld upp á íslenskuna). Þegar þetta ríki og hið ónefnda ríki sem það hafði landamæri að. Þá tókst noregskonungi að ná völdum á Íslandi. Þetta var því eingöngu íslendingum að kenna, eins og svo margt annað í gegnum söguna.

Það að skella þessu á útlendinga, eins og er svo vinsælt á Íslandi er bara hreinræktuð sögufölsun, og vel það.

Wikifærslan um Icelandic Commonwealth.

http://en.wikipedia.org/wiki/Icelandic_Commonwealth

[Kolbrún Hilmars, 12.5.2012 kl. 21:16]

Kæri Jón. Þessi örfáu orð mín til Elle fólu ekki í sér neinar ádeilur á erlenda kónga - aðeins ádeilur á innlenda landsöluaðila.

Sem þú staðfestir réttilega "þá tókst Noregskonungi að ná völdum á Íslandi".

Hvernig gengur annars blómaræktin í Danmörku?

[Elle_, 12.5.2012 kl. 22:03]

Alveg týpískt í hugum landsölumanna eins og ´Ása´ og Jón Frím. og Ómars Kristj.  Þeir halda sífellt að andstæðingar innlendra landsölumanna og gagnrýni á þeim, sé ´útlendingahatur´ eða niðurlæging á útlendingum eða verið sé að kenna útlendingum um að ósekju. 

Stærsta vandamálið er þeir sjálfir.  Þeir blekkja og níðast á innlendum eða ætla að gera það og blekkja líka og hafa útlendinga að fíflum, eins og með fáráðsumsókninni.

[Jón Frímann Jónsson, 12.5.2012 kl. 22:59]

Kolbrún, Hérna í Danmörku eru efnahagsleg vandamál eins og annarstaðar í heiminum. Aftur á móti er þetta ekki sú mynd sem þið andstæðingar Evrópusambandsins á Íslandi teiknið upp af Evrópusambandinu á Íslandi. Staðreyndin er nefnilega sú að hvorki Evrópusambandið eða evran eru að fara neitt.

Elle, Þetta er útlendingahatur í þér og þínum líkum. Ekkert annað. Enda er það svo að ekkert af fullyrðingum um Evrópusambandið stenst nánari staðreynd og nánari skoðun. Af þeim sökum eru andstæðingar Evrópusambandsins mjög mikið á móti umræðunni um Evrópusambandið á Íslandi.

[Elle_, 12.5.2012 kl. 23:41]

Gat nú verið að þú yrðir fljótur að svara enda vissir upp á þig sökina.  Hefur logið þessu nógu oft upp á blásaklaust fólk.  Og orðið ´útlendingahatur´ eitt mest notaða orðið þitt, með engum rökum.  Haltu útlendingahatursþvælunni fyrir sjálfan þig og annars ertu ekki svaraverður.

[Ásmundur (IP-tala skráð) 12.5.2012 kl. 23:55]

Ef horfur fyrir Ísland eru betri en fyrir ESB-löndin þá verða þær ekkert síður betri eftir inngöngu í ESB.

Það er mikil fáfræði að halda að Ísland nálgist eitthvert ESB-meðaltal með því að ganga í ESB. Staða ESB-landanna er mjög mismunandi og fer hún mikið eftir því hvernig staðan var áður en þau gengu í ESB. Td var þá atvinnuleysi mjög mikið á Spáni.

Sem dæmi um þessa ójöfnu stöðu ESB-landa má nefna að atvinnuleysi er sex sinnum meira á Spáni (24%) en í Austurríki (4%) og lágmarkslaun eru tólf sinnum hærri í Danmörku en í Búlgaríu.

Annars eru horfurnar á Íslandi því miður ekki eins góðar og mætti halda í fljótu bragði. Hér er nánast engin erlend fjárfesting, þrátt fyrir brýna þörf, meðan hún er mjög mikil í Írlandi.

Vanskil lána eru miklu meiri hér en annars staðar, yfir 13%. Næstmest eru þau í Írlandi 5-6%.

Þetta eru uggvænlegar tölur. Það vill hins vegar svo vel til að þær munu batna mikið með ESB-aðild og upptöku evru.

Erlend fjárfesting eykst með því aukna trausti á Íslandi sem ESB-aðildin og síðan evran leiðir til.

Með upptöku evru hætta íslensk lán að hækka og vextir munu lækka. Þá verður mun auðveldara að standa í skilum og vanskil munu þar af leiðandi lækka mikið. 

Við inngöngu í ESB ættum við að draga lærdóm af reynslu Grikkja ofl. Ef við getum það ekki, getum við örugglega ekki staðið ein og óstudd án bandamanna með ónýta krónu.

[Gunnar Heiðarsson, 13.5.2012 kl. 08:16]

Það eru aum rök aðildarsinna að tala um útlendingahatur. Þetta eru öfugmæli.

Enginn sjálfstæðssinnaður Íslendingur kennir útlendingum um umsókn okkar að ESB. Þá skelfingarferð ákvað Alþingi Íslendinga að fara og var sú ákvörðun fengin með hótunum. Það kom enginn útlendingur að þeirri ákvörðun ekki frekar en íslenska þjóðin. Því er engin ástæða til að hatast við útlendinga.

Íbúar ríkja Evrópu eru hið vænsta fólk, upp til hópa. Það er hins vegar ESB og hvernig því er stjórnað, sem vekur ugg. Þann ugg er þó engin ástæða til að taka alvarlega meðan við erum ekki aðilar að þessu sambandi.

Það er ljóst að vilji landsmanna er ekki til að ganga í ESB. Lýðræðinu var gróflega nauðgað þegar sú ákvörðun var tekin um að sækja um aðild að sambandinu. Þjóðin var ekki spurð og Alþingi nauðgað!!

Útlendingar komu þar hvergi að málum, þó þeir séu farnir að skipta sér af innanríkispólitík okkar með ólöglegum hætti nú, í gegnum Evrópustofu. Það er annað mál.

En að kenna öðrum um útlendngahatur lýsir best þeim sem slíkan áróður stunda. Það er greinilega stutt í hatrið hjá slíku fólki!!

[Þórður G. Sigfriðsson (IP-tala skráð) 13.5.2012 kl. 08:55]

Ásmundi og Jóni verður tiðrætt um það að eftir hugsanlega aðild að Esb, þá muni íslendingar áfram hafa einkarétt á fiskveiðum á miðum Íslands vegna þess að engar aðrar þjóðir hafi veitt hér áður.

Þannig að ég vonast til að þeir geti sannfært mig um það að erlendir aðilar geti ekki keypt eða stofnað utgerðarfyrirtæki á Íslandi.

Geti þeir gengið í ábyrgð fyrir því, þá getur vel farið svo að mér snúist hugur um aðild

Svona aðeins um annað, þá bý ég í Svíþjóð og vinn í Danmörku, en hef ekki enn hitt nokkurn sem er ánægður með veru sína í Esb.

Vonast eftir fljótu svari frá þessum "upplýsingafulltrúum" Esb.

[Ásmundur (IP-tala skráð) 13.5.2012 kl. 11:25]

Þórður, endilega upplýstu okkur um hvers vegna Svíar og Danir eru ekki ánægðir með veru sína í ESB. Á hvern hátt hefur ESB-aðildin slæm áhrif á líf þeirra?

Sumir virðast hafa tilhneigingu til að kenna ESB um þegar efnahagslegur samdráttur verður þó að einnig verði efnahagslegur samdráttur utan ESB eins og við ættum að vita manna best.

Til að erlendir aðilar geti keypt íslensk sjávarútvegsfyrirtæki þurfa þau að hafa efnahagleg tengsl við landið eins og hér má sjá:

"Margir spyrja: Hvað verður því til fyrirstöðu að þegnar annarra ESB-ríkja kaupi íslensk sjávarútvegsfyrirtæki og þar með kvóta í íslenskri lögsögu og sigli svo burt með aflann til síns heima? Því er til að svara að þetta hefur gerst innan ESB og valdið miklum óróa. Frægt er að Spánverjar keyptu veiðiheimildir í Bretlandi og sigldu svo með fiskinn heim. Þetta var og er kallað kvótahopp.

Deilur sem af þessu spruttu komu til kasta Evrópudómstólsins. Niðurstaða hans varð sú að ekki væri hægt að banna að útlendingar keyptu skip og veiðiheimildir í öðrum aðildarríkjum en hins vegar mætti krefja viðkomandi útgerð um sannanir fyrir því að hún hefði raunveruleg efnahagsleg tengsl við landið eða landsvæðið sem kvótinn tilheyrði.

Bretar hafa útfært þetta þannig að krafist er eins af þremur skilyrðum; að 50% aflans sé landað í heimahöfn, að 50% áhafnarinnar séu búsett á viðkomandi landssvæði eða að 50% aflaverðmæta sé varið í viðkomandi landi. Einnig er mögulegt að sanna með blöndu af þessum skilyrðum að efnahagslegur ábati af veiðunum komi fram í viðkomandi landi. Bretar telja að eftir að þessi dómur var felldur fyrir 8-9 árum hafi kvótahopp ekki verið teljandi vandamál þótt það lifi áfram í pólitískri umræðu, en það þarf að fara vel ofan í saumana á þessum lið í samningaviðræðunum,” sagði Aðalsteinn.""

http://evropa.blog.is/blog/evropa/entry/1065818/