Er til útleið fyrir VG?

Eins og rakið var í pistli gærdagsins á Vinstri vaktinni kalla forystumenn VG í ríkisstjórninni nú eftir uppgjöri í ESB málum og það sama gera VG félagar um land allt. ESB umsóknin er nú þrevetur og ber aldurinn illa, hún á sér formælendur fáa. Meint fósturforeldri í Samtökum iðnaðarins hefur meira að segja afneitað þessu afkvæmi ríkisstjórnarflokkanna.

Og þrátt fyrir orð og upphrópanir innan ríkisstjórnarinnar ríkir nokkurt ráðleysi þegar spurt er hvað skuli við króga þennan gera. Þannig hafa þeir Ögmundur Jónasson og Steingrímur J. Sigfússon talað fyrir því að opna verði sem flesta kafla á sem skemmstum tíma til þess að sjá megi hvað sé í hinum dularfullu ESB pökkum. Utanríkisráðherra hefur svarað þessu snöfurmannlega að flas sé hér ekki til fagnaðar, vanda verði til verka og fara að öllu með gát.

Öðrum þræði er það kátleg mynd að þeir sem segjast vera hvað mest á móti ESB aðild vilji að ESB lestin fari sem hraðast. Í hinu margbrotna og flókna aðlögunarferli ESB er nefnilega ekkert sem heitir bara að kíkja og sjá, það verður að gera og græja um leið, svo notað sé götumál. Aðeins með aðlögun eins og þeirri sem farið er fram á í landbúnaði núna, fá Íslendingar að „vita" hvað er í ESB pakkanum. Reyndar er þetta með að sjá ofan í pakkana svoldið eins og að horfa ofan í pappakassa í myrkri því enginn veit hvaða áhrif hafi þau ókjör af reglufári sem við blasa.

Með óljósri kröfu frá forystu VG eru ESB sinnar komnir í óskastöðu þar sem andstæðingar ferðarinnar inn í framtíðarríkið sjá um að hotta á vagninn. Því reyndin er að það er alveg sama hvað mikið er rekið á eftir, utanríkisráðherra, ESB og hinum faglegu samningamönnum Íslands gefast óteljandi tækifæri til tafa og útúrdúra sem enginn getur rekið til baka enda er ferlið allt hluti af svo flóknu völundarhúsi að þar veit enginn einn maður leiðina út.

Og auðvitað hafa hvorki ESB sinnar né yfirvöld hjá sjálfu stórríkinu ESB áhuga á því að flýta málinu eins og nú horfir. Þvert á móti eru það mikilvægir hagsmunir Samfylkingarinnar að viðhalda umsókninni og það er þeim flokki létt verk meðan VG ekki stígur á bremsurnar. Þrátt fyrir að umsókninni fylgi aragrúi af óyfirstíganlegum fyrirvörum í langri greinargerð lætur heimsveldið Evrópa sig litlu muna að traðka þar yfir.

Forysta VG á aðeins eina leið út úr ferlinu sem er að krefjast þess að umsóknarferlið verði með einhverjum hætti stöðvað. Mildasta útgáfa þess gæti verið sú að fara að dæmi Svisslendinga og leggja umsóknina snyrtilega ofan í skúffu í Brussel með ákvæðum um að hún verði ekki tekin upp að nýju nema að tilteknum skilyrðum uppfylltum. Hreinlegri leið væri einfaldlega að VG ráðherrar legðu ríkisstjórnarsamstarfið að veði og krefðust þess að umsóknin verði skilyrðislaust dregin til baka. Það sýnir sig þá hversu heil stjórnarandstaðan verður í ESB andstöðu sinni. / -b.

Athugasemdir

[Gunnlaugur Ingvarsson (IP-tala skráð) 11.4.2012 kl. 14:16]

VG forystan situr nú uppi með spilin sem Össur hinn slóttugi og Samfylkingin plataði þá til að taka við.

Allir við spilaborðið sjá á spilin þeirra og er hlátur í huga.

Því að þó að Steingrímur og Co haldi spila hundunum sínum þétt að sér þá sjá allir þátttekendurnir og áhorfendurnir líka að þeir sitja uppi með alls 13 hunda sem eru allir "svarta Pétrar" með horn og klaufir og í ESB bláum búningum, alsettir gulum stjörnum.

Ef ég væri Steingrímur J. núna þá myndi ég hætta þessari uppgerðar sýndarmennsku "pókerfési" og leggja spilahundana alla á borðið og pakka saman, áður en hann gerir sig að enn meira viðundri en hann er þegar orðin !

[Elle_, 11.4.2012 kl. 15:51]

Fara að öllu með gát og vandað verði til verka?  Getur Össur ekki fundið upp trúlegri sögu?  Hann og hans samverkamenn vönduðu ekki til verka við að þröngva þessu í gegn?  Og ekki heldur við ICESAVE. 

Hann er útsmoginn og VG-menn ættu ekki að verja hann á nokkurn hátt og þá meina ég líka Jón.  VG var eyðilagt með Brusselumsókninni og ICESAVE sem meirihluti alþingismanna ykkar var með í.

Steingrímur getur haldið flottar ræður og talað í fjölmiðlum út í hið óendanlega en það mun ekki þýða neitt.  Vitað er að maðurinn getur ekki sagt 1 orð satt.

Ykkur sem hafið vit í flokknum væri betur stætt á að yfirgefa hin sem vinna fyrir Jóhönnu og Stefan Fule, ef þið ekki getið losað ykkur við þau.  Þau geta þá haldið sig við að horfa ein og yfirgefin ofan í pappakassa í myrkri.  Þið gerið annars það sem þið viljið en að vera með hinum í flokki er glatað.

[Sigurður H. Einarsson (IP-tala skráð) 11.4.2012 kl. 15:57]

Skil ekki þennan málflutning.

Grundvöllur af stjórnarsamstarfinu var aðildarumsóknin. Það var samþykkt af stjórnum VG.

Hefði þá ekki bara verið betra fyrir VG að fara í stjórn með íhaldinu?? En það er allveg ljóst að Samfylkingin hefði ekki farið í stjórn nema að þessi mál séu frágengin. Það mátti öllum VG liðum vera ljóst.

[Helga Kristjánsdóttir, 11.4.2012 kl. 17:19]

Formaður VG. hefði nú ekki fengið nema 1 ráðuneyti með Sjálfstæðisflokknum í stjórn,en með Samfó 3 eða 4, líklega öll nema forsætisráðuneytið.

[Elle_, 11.4.2012 kl. 17:47]

Alltaf finnst mér jafn-skrítið að heyra orðin ´grundvöllurinn að stjórnarsamstarfinu´ og ´stjórnarsáttmálinn´ sem var ekkert nema Jóhönnu-Össurar-sáttmáli.  Gegn kjósendum og yfirlýstri stefnu hins flokksins.   Hvílíkur ´sáttmáli´.  Það er ekki eðlilegur samingur eða sáttmáli og minnir mest á sáttmála sambandsríkjanna við Brussel þar sem Brussel RÆÐUR ÖLLU.

[Gunnlaugur I., 11.4.2012 kl. 21:26]

Já einmitt ELLE, BRUSSEL valdið ræður ÖLLU !

[Ásmundur Harðarson (IP-tala skráð) 12.4.2012 kl. 08:38]

Vinstrivaktin er ólýðræðisleg. Það kemur skýrast fram í því að reyna að koma　í veg fyrir að þjóðin fái að kjósa um ESB-aðild þó að meirihluti hennar sé hlynnt því　skv skoðanakönnunum. Eru það söguleg tengsl við Sovét sem valda þessari fyrirlitningu á lýðræðinu?

Vandi Vinstri grænna er að of margir spilltir karakterar vilja vera kóngar. Af einhverjum furðulegum ástæðum telja þeir sig réttbæra til þess þó að þeir hafi sáralítið fylgi. Í stað þess að sætta sig við hlutskipti sitt grafa þeir undan flokknum með lýðskrumi. Slík sundrung leiðir óhjákvæmilega alltaf til fylgishruns.

Vandi Vinstri grænna hefur sem sagt verið skortur á samheldni. ESB-umsókn hefur ekkert með fylgishrunið að gera enda vilja Vinstri grænir ekki ganga í ESB. ESB umsóknin var skilyrði Samfylkingarinnar fyrir myndun ríkisstjórnarinnar. ESB-umsóknin er í raun ekkert annað en að gefa fólki kost á að kjósa um aðild. Í lýðræðisríki hrynur ekki fylgi af flokkum með því að veita fólki þennan lýðræðislega rétt.

Eins og endranær má búast við að geðsjúklingurinn standi vaktina og verði hér í kasti von bráðar. Bendi fólki á að það getur losnað undan aumingjahrollinum með því að sleppa því að reyna að stauta sig fram úr ruglinu eins og flestir eflaust gera.　

[palli (IP-tala skráð) 12.4.2012 kl. 09:23]

"Eins og endranær má búast við að geðsjúklingurinn standi vaktina .."

Þú ert nú bara að tala um sjálfan þig. Hver er það sem ummælist aftur og aftur jafn veruleikafirrtan kjaftæðisgraut og þann sem vellur upp úr þér við hvert tækifæri?

Er vinstrivaktin ólýðræðisleg?  ...uhh... okei.. whatever

Ekki mátti leyfa þjóðinni að ráða um hvort yrði yfirleitt sótt um eða ekki. Það var gert með lygaáróðri um að "kíkja í pakkann" og eitthvað álíka mikið bull.

Nú er komið í ljós að ALLT sem Samspillingin hefur sagt um þetta ferli er í raun lygar. Endalausar lygar.

Samkvæmt sjálfu ESB er þetta aðlögunarferli að óumsemjanlegu regluverki ESB.

Og er ekki jafn mikill lýðræðislegur réttur að þjóðin fái að ákveða sjálf hvort þessu aðlögunarferli verði haldi áfram eða ekki. Eða virkar lýðræðið bara þegar það hentar þínum trúarboðskap.

Þú ert skrækjandi páfagaukur, Ásmundur, og hefur alltaf verið. Lítur á rökræður og skoðanaskipti sem endutekningar á möntrum og fullyrðingum, enda hefurðu hvorki vit né þroska fyrir rökræður.

Og auðvitað máttu búast við að ég standi vaktina og sparki í þig og þinn trúarofstækisáróður. Ég er búinn að segja þetta við þig. Ég mun aldrei láta þig í friði.

Fyndið hvað þú kemur alltaf með fullyrðingar út í loftið.   "...eins og flestir eflaust gera".

Flestir á þessari vefsíðu eru búnir að segja þér að troða þínu kjaftæði í eigið kok, aftur og aftur og aftur.

Veruleikinn skiptir þig ekki miklu máli, frekar en fyrr.

Þú ert lítill heilaþveginn og heimskur páfagaukur sem hefur nákvæmlega ekkert vitrænt fram að færa. Nákvæmlega ekki neitt.

En það hefur nú verið augljóst öllum hérna inni í langan tíma.

[palli (IP-tala skráð) 12.4.2012 kl. 09:31]

Dálítið fyndið að þessir ESBsinnar halda uppi þessum trúaráróðri og berjast fyrir aðild á allan mögulegan hátt, lofa ESB við hvert tækifæri, og þeir verstu eins og Ásmundur orðnir gjörsamlega sturlaðir og vitstola af aðdáun á ESB.

....en síðan eiga andstæðingar aðildar að vera með bull, því að þessi samningur liggur ekki fyrir. Þeir geti ekki vitað neitt fyrr en hann liggur fyrir (sem er auðvitað lygi).

Þannig að hvernig eiga ESBsinnar að vita hvað ESB er guðdómlegt ef, skv. þeirra eigin blaðri, þeir hafa ekki séð þennan aðlögunarsamning?

Bara gott dæmi um allan þennan landráða lygaáróður Samspillingarinnar.

[Gunnlaugur I (IP-tala skráð) 12.4.2012 kl. 09:40]

Ég vil benda á að stuðningur VG við aðildarumsóknina var alltaf bundinn því að þeir áskildu sér allan rétt til þess að vera á móti aðild og berjast gegn aðild og jafnframt að þeir myndu hætta stuðningi sínum við umsóknina og slíta viðræðunum hvenær þeir teldu mál þróast til verri vegar.

Þetta tók SJS sjálfur skýrt fram við atkvæðagreiðsluna.

Nú hafa mál fyrir löngu síðan þróast til mjög svo verri vegar.

1. Ekki síst innan Bandalagsins sjálfs, þar sem nú ríkir glundroðaástand og skuldakreppa og Evran sýnt sig í að vera haldlaust skjól jaðarríkja. Jafnvel banvæn efnahagi sumra aðildarrríkjanna.

2. Makríl málið er í algerum hnút. ESB hótar okkur ólöglegum viðskiptalegum refsiaðgerðum ef við göngumst ekki undir þeirra afarkosti.

3. Nú krefst framkvæmdastjórn ESB að gerast beinn málsaðili að EFTA dómsstólnum, til þess að vinna gegn hagsmunum okkar þar og til að klekkja þar á röksemdum okkar í ICESAVE deilunni.

Teningnum hefur svo sannarlega verið kastað og nú í þriðja og síðasta sinn og VG eiga næsta leik. Það getur ekki verið biðleikur eina ferðina enn !

Ef þeir nota ekki tækifærið nú til þess að segja hingað og ekki lengra, þá lýsi ég hér með þingflokkinn allan og ekki síst formann þeirra bæði sem "gungur og druslur"

Svo notuð séu beint hans eigin orð úr þingsal Alþingis !