Ljósglæta eða almyrkvi í baráttu formannsins

Formaður VG, Steingrímur J. Sigfússon er einn af stofnendum Heimssýnar, samtaka gegn ESB aðild og til fjölda ára öflugur baráttumaður gegn linnulausum ESB áróðri á vinstri væng íslenskra krata. Það er því eðlilegt að enn bindi þjóðlegir vinstri menn vonir við að „Eyjólfur hressist."

Við ráðherrakapal áramótanna var undirritaður þátttakandi í spjalli nokkurra kjósenda VG frá síðustu kosningum og einn okkar sem er uppgjafabóndi var innilega sannfærður um að samhliða því að setjast í stól sjávarútvegs- og landbúnaðarráðherra myndi hinn norðlenski garpur snúa við blaðinu og reka af þjóðinni ESB ógnina. Það myndi samt ekki gerast með neinum þvergirðingshætti eins og hjá forveranum í embætti eða með neinu því offorsi sem við best þekktum hjá stjórnarandstöðuþingmanninum Steingrími J. - en þess myndi smám saman sjá stað.

Nú um helgina rak sami sinn gráhærða vinstri koll inn hjá undirrituðum og baðst forláts. En hefur nokkuð skeð? Jú, hinn dyggi kjósandi formannsins hafði beðið þess að sjá þau sólarmerki, ljósglætur í verkum hins nýja sjávarútvegs-, landbúnaðar- og efnahagsráðherra sem gætu bent til þess að ESB andstaðan væri þar enn í kortunum en hér varð allt að öfugmælum. Bloggari tók upp blýant og punktaði niður hið nýja pólitíska syndaregistur:

- Tómas Heiðar aðalsamningamaður Íslands við ESB í makríl og fleiri deilumálum er látinn hætta. Skýringar utanríkisráðherra annarsvegar og sjávarútvegs- og landbúnaðarráðherra stangast á og ástæðan er greinilega sú að embættismaðurinn er ekki stimamjúkur við ESB. Innan kerfisins er alþekkt að Tómas þessi er eins og fylgir nafni mikill efasemdarmaður og hefur meðal annars haft verulegar efasemdir um gildi þess að Ísland gangi í ESB. Fyrr á kjörtímabilinu hafa ESB sinnaðir stjórnmálamenn og embættismenn borið sig upp undan víkingi þessum og nú er það Steingrímur J. sem er fenginn til að koma honum út af sviðinu. Lykilatriði í hagsmunagæslu Íslands í ESB viðræðunum er hvernig haldið er á stöðu okkar varðandi deilistofna. Þeir telja um 40% af heildarsjávarútvegi okkar og til þess að geta hávaðalaust gefið þá eftir er mikilvægt að ryðja ESB andstæðingnum Tómasi Heiðari úr vegi.

- Sem efnahagsráðherra skipar Steingrímur J. nefnd um gjaldmiðilsmál. Hver stjórnmálaflokkur tilnefnir einn fulltrúa og ráðherra formann. Steingrímur J. setur Helgu Jónsdóttur ráðuneytisstjóra sem formann en hún er sem kunnugt er félagi í Samfylkingunni. Síðan skipar flokkur formannsins sem fulltrúa VG þann þingmann sem talinn er hallastur þeirra allra undir ESB aðild, Árna Þór Sigurðsson formann utanríkismálanefndar. Síðan er tveimur ESB sinnum bætt í nefndina, þeim Gylfa Arnbjörnssyni og Vilhjálmi Egilssyni. Þannig að þegar fulltrúi Samfylkingarinnar er meðtalinn hafa gegnheilir ESB sinnar fimm sæti af átta í nefnd þessari. Vitaskuld var efnahagsráðherranum Steingrími J. í lófa lagið að velja ESB andstæðing úr hópi eigin kjósenda í að minnsta kosti eitt af þeim sætum sem var á hans könnu - en gerði ekki.

- Sem sjávarútvegs- og landbúnaðarráðherra hefur formaður VG lagt fram nýtt frumvarp til laga um stjórn fiskveiða sem ekki verður tekið til krufningar hér á Vinstri vaktinni. En hinn glöggi kjósandi VG benti á að orð formannsins frá liðinni viku að nú ætti að innleiða styrkjakerfi í sjávarútvegi til að mæta þeim sem þyldu ekki hátt veiðileyfagjald. Þar væri nýmæli á ferðinni sem tæki af öll tvímæli til hvers refirnir væru skornir. Það að gera íslenskan sjávarútveg og sjávarbyggðir að styrkþega væri hluti af því að ESB væða atvinnulíf landsbyggðarinnar. Það sem öðru fremur einkennir ESB er einmitt flókið og margslungið samspil skatta og styrkja og ekkert hefur verið eins lamandi fyrir atvinnulíf álfunnar eins og sú hugsun að best sé að treysta á og vona í styrki hins opinbera. / -b.

Athugasemdir

[Gunnlaugur Ingvarsson (IP-tala skráð) 2.4.2012 kl. 15:26]

Það er allt rétt sem þið bendið hér á, það eru enginn batamerki á formanni VG í ESB undirlægjuhættinum, nema síður sé. Þessi ósköp ágerast bara eins og ofannefnd dæmi sanna.

Ekki heyrist heldur hósti eða stuna frá honum eða þingflokki VG um að hér hafi þssari svokölluðu ESB áróðursstofu verið hleypt af stokkunum með háum fjárstyrkjum beint frá ESB apparatinu.

Þetta virðist hafa verið gert alveg án vitnesku og frmhjá Alþingi, en líklega brýtur þetta íslensk lög og alþjóðalög líka. Gott að hinn djúphugli og reyndi sendiherra og fyrrverandi ráðherra Tómas Ingi Olrich skuli nú vekja kröftuglega athygli á þessari lögleysu sem fram fer í skjóli Steingríms og VG.

Mælirinn er náttúrulega löngu fullur og meira en það !

Ég spái óg óska VG versta afhroði í næstu þingkosningum sem nokkur stjórnmálflokkur hefur fengið frá upphafi vega í íslenskri stjórnmálasögu.

Svik þeirra og "gungu og drusluháttur" í ESB málinu mun verða þeim til svo ævarandi skammar og smánar og mun verða uppi svo lengi sem land okkar byggist !

[Elle_, 2.4.2012 kl. 15:51]

DRUSLU og GUNGUHÁTTUR Steingríms hefur verið algjör síðan hann komst til valda í apríl, 09.  Og ég er fullkomlega sammála Gunnlaugi um hann og VG í heild.  Maðurinn færir almyrkva í ÖLL MÁL sem hann hefur komið nálægt síðan hann komst til valda.  Hann er ógnvekjandi og stórhættulegur. 

Það er orðið of seint núna fyrir flokkinn að losa sig við hann og hjálparmenn hans og það eina sem eftir stendur væri að stofna nýjan flokk án þeirra.

[Ásmumdur Harðarson (IP-tala skráð) 2.4.2012 kl. 16:43]

Steingrímur er raunsær. Hann vildi á sínum tíma taka upp norska krónu vegna þess að hann gerði sér grein fyrir að íslenska krónan er ónýt. 

Nei frá Stoltenberg virtist gera krónuna nothæfa á ný í augum Steingríms. Ef hann hefur aftur séð ljósið er það hið besta mál.

Steingrímur gerir sér grein fyrir af fyrri reynslu að það er tilgangslaust að skipa menn í þess nefnd ef þeir neita að horfast í augu við þörfina á nýjum gjaldmiðli. Það er nóg komið af Jóni Bjarnasyni og hans liði.

Steingrímur og Árni Þór eru heiðarlegir menn. Að þeirra hálfu kemur það auðvitað ekki til greina að svíkja stjórnarsáttmálann. Merkilegt hve mörgum finnst það sjálfsagt mál.

Slík svik myndu endanlega ganga frá Vinstri grænum.

[Elle_, 2.4.2012 kl. 17:37]

Lygarnar og svikin HÓFUST við hinn svokallaða stjórnarsáttmála. Samfylkingarsáttmálann sem VG hlýddi eins og þeir væru ekki stjórnmálaflokkur heldur vinnumenn Jóhönnu og co.

[Gunnlaugur Ingvarsson (IP-tala skráð) 2.4.2012 kl. 17:42]

Ásmubndur ESB aftaniossi nr. 1 gerist nú ábúðamikill og spekingslegur og fer strax í sínar fyrri ESB skotgrafir.

Nú við að verja sérstaklega Júdasarsvik þeirra Steingríms J. og Árna Þórs við kjósendur sína.

Þetta þykist hann nú gera undir yfirskini hinns háheilaga stjórnarsáttmála. En Össur og helstu framámenn Samfylkingarinnar sögðu í kringum kosningarnar 2009 að ísland færi í sérstaka flýtimeðferð og að ferlið yrði klárað á 10 til 16 mánuðum og lýðræðislega yrði kosið um málið af eða á árið 2010.

Sem var bara blekking eins og berlega hefur komið í ljós. Þetta var aðeins tálbeita og tækifærismennska gerð til þess að fá þá nauman stuðning á Alþingi við ESB umsóknina.

Ég er alveg 100% viss um það að þessi uppgerðar umhyggja Ásmundar fyrir VG er tóm tækifæris- og sýndarmennska, hann hefur alveg örugglega aldrei stutt þann flokk.

Hann sér aðeins eins og aðrir ESB aftaníossar að gott sé að misnota þann flokk til að helga ESB tilgangnum eiturmixtúruna sem þeir reyna nú að birla þjóðinni og síðan munu þeir glaðir kála VG þegar það hentar þeim og þeir munu þá gráta krókudílatárum.

Flokkar eru nefnilega ekki einhverjir forystusauðir heldur fólkið sem studdi þá til valda.

Bendi Ásmundi líka á að í tíð Hrun stjórnarinnar, þá var það í Stjórnarsáttmála Samfylkingar og Sjálfsstæðisflokks að ekki skildi sótt um ESB aðild á kjörtímabilinu.

SF stillti hinns vegar Sjálfsstæðisflokknum upp við vegg og hótaði að slíta stjórnarsamstarfinu strax ef þeir gengju ekki þegar í stað undir ESB stefnu Samfylkingarinnar. Sjálfsstæðisflokkurinn vildi halda sig við stjórnarsáttmálann og því sprakk ríkisstjórnin.

[Kolbrún Hilmars, 2.4.2012 kl. 17:47]

Ásmundur hefur líklega rétt fyrir sér. Heiðarlegir kratar eins og SJS og málpípur hans munu endanlega ganga frá VG.

Enn mætti þó ná sátt, án þess að stofna nýjan flokk heiðarlegra vinstri manna eins og bæði ég og Elle höfum imprað á. Með því að kratarnir sameinist allir í krataflokknum SF og eftirláti heiðarlegum vinstri sinnum VG.

Ekki má heldur gleyma því að XD glímir við sama vandamál.

En á meðan við höfum hægri þurfum við líka vinstri. Þetta lærðu allir krakkar á vegasaltinu á róló. Hvort SF er svo heppilegur "salti-pétur" læt ég öðrum eftir að dæma.

[Helgi Armannsson (IP-tala skráð) 2.4.2012 kl. 22:31]

http://www.youtube.com/watch?v=w8KQmps-Sog&ob=av2n

[Jón Steinar Ragnarsson, 3.4.2012 kl. 03:34]

Ásmundur minn...Steingrímur og Árni Þór Heiðarlegir menn???  Það þarf ekki að fjölyrða um heiðarleia Steingríms, hann er sýnilegur í hverju andartaki hans og gjörð. Ekkert hefur hann efnt fram að þessu.

Árni Þór á ekki að vera á þingi heldur í grjótinu. Allavega ætti hann að liggja á borði sérstaks fyrir innherjabrask sitt í aðdraganda hrunsins. Sama gildir raunar um utanríkisráðherrann.

Marga galna karaktera hef ég séð í bloggheimum, en þú slærð þeim öllum út.  

[Ásmundur Harðarson (IP-tala skráð) 3.4.2012 kl. 07:42]

Vinstri grænir hafa misst fylgi vegna sundrungar í flokknum. Nokkrir þingmenn ákváðu að ganga lýðskruminu á vald með því að kynda undir óánægju meðal kjósenda. Sæmilega skyni borið fólk sér þó hvers kyns er.

Þetta eru allt þingmenn sem studdu myndun ríkisstjórnarinnar. Aðalskilyrðið af hálfu Samfylkingarinnar fyrir ríkisstjórnarmyndun var ESB-umsókn.  

Það er því algjörlega fráleitt að styðja myndun ríkisstjórnar en krefjast þess svo að flokkurinn hætti stuðningi við ESB-umsóknina. Þarna skilur á milli heiðarlegra og óheiðarlegra þingmanna.

Margir almennir kjósendur eru í sömu súpunni. Þeir studdu myndun ríkisstjórnarinnar en hafa hætt stuðningi við hana vegna skilyrðis Samfylkingarinnar um stuðning við ESB-umsókn. Hægri höndin veit ekki hvað sú vinstri gerir. 

Málefnasamningur er ekki merkingarlaust plagg sem hægt er að gleyma daginn eftir undirskrift. Það sem hinir órólegu vilja kalla "svik við kosningaloforð" var hluti af málefnasamningi ríkisstjórnarinnar sem þeir studdu.

Heiðarlegasti hluti kjósenda Vinstri grænna styður enn flokkinn. Það er sá hluti sem gerir kröfur um heiðarleg vinnubrögð. Ef þeim yrði misboðið með því að flokkurinn sviki aðalskilyrðið fyrir stjórnarmynduninni myndu þeir hætta stuðningi sínum og flokkurinn sæti eftir sem ein rjúkandi rúst.

Það er undarlegur hugsunarháttur að telja að alþingismenn megi ekki selja stofnfjárbréf í sparisjóði ef það kemur í ljós löngu síðar að það var heppilegt að vera búinn að selja.

Hér var auk þess um að ræða sölu vegna þess að bréfin voru að fara á almennan hlutabréfamarkað. Það er tvennt ólíkt að eiga stofnfjárbréf eða hlutabréf á almennum markaði.

Kjósendur flokks sem styðja myndun ríkisstjórnar en hætta svo stuðningi við flokkinn vegna aðalskilyrðisins fyrir myndun ríkisstjórnarinnar eru rugludallar. Það er eins og þetta fólk hugsi ekki. Það er því auðveld bráð lýðskrumara á borð við Lilju Mósesdóttur.

Maður dæsir af heimsku fólks. Hvernig endar þetta?

[palli (IP-tala skráð) 3.4.2012 kl. 08:16]

Þvílíkur gubb lygamöntrur í þér, Jón Ásmundur. Það er viðbjóðslegt að horfa upp á þetta. Dellan vellur upp úr þér við hvert tækifæri.

Þessi umsókn um að kíkja í pakkann var líka lygi. Það er það eina sem kemur frá þér og þínum. Lygar eftir lygar eftir lygar.

Og svo er fólk voða hissa og móðgað að fólk skuli dirfast að gagnrýna þessa ríkisstjórn.

Þú ert með hausinn svo langt upp í görn þinna dýrlinga að það er hreinn viðbjóður upp á að horfa.

Heimskari og heilaþvegnari einstaklingur en þú hefur aldrei tjáð sig opinberlega. Þú ert alveg í sérdeild, og ættir að vera á geðdeild.

[Ásmundur Harðarson (IP-tala skráð) 3.4.2012 kl. 08:48]

Það sem skilur á milli Steingríms og Árna Þórs annars vegar og sumra annarra í Vg hins vegar er að Steingrímur og Árni Þór eru klárir einstaklingar.

Þeir gera sér vel  grein fyrir því grundvallaratriði, að það ákvæði í málefnasamningi ríkisstjórnarinnar, sem samstarfið hvílir á , verður að virða.

Það er kannski frekar einfeldningsháttur en óheiðarleiki að telja að menn geti haldið áfram ríkisstjórnarsamstarfi eftir að hafa svikið það ákvæði málefnasamningsins sem samstarfið hvílir á.

Og það væri einnig einfeldningsháttur að telja að flokkur geti verið í ríkisstjórn árum saman en hætt svo til að komast hjá því að efna þann hluta samningsins sem samstarfið hvílir á.

Enginn mundi vilja vinna með slíkum flokki eftir það.

Vinstri grænir virðast sitja uppi með afskaplega slæma kjósendur í meiri mæli en aðrir flokkar. Slíkir kjósendur eru alltaf til vandræða. 

[palli (IP-tala skráð) 3.4.2012 kl. 08:55]

Já, kjósendurnir eru vandamálið.

Fokk hvað þú ert gallaður í hausnum!

Ef Ásmundur kallar einhvern kláran þá hringja viðvörunarbjöllur sjálfkrafa.

Hversu oft missti móðir þín þig í gólfið þegar þú varst lítill?

[Ásmundur Harðarson (IP-tala skráð) 3.4.2012 kl. 10:29]

Ég vil benda ábyrgðarmönnum þessarar síðu á að þeir bera ábyrgð á því sem hér fer fram.

Hafa þeir ekkert gert til að koma palla undir læknis hendur? Varla fer það framhjá þeim að hann þarf sárlega á því að halda. Ef hann er nú þegar á sjúkrahúsi ætti sjúkrahúsið að loka á netaðgang hans.

Það gengur ekki ef menn eru teknir úr umferð að þeir hafi frítt spil á netinu. 

Ef síðuhaldarar treysta sér ekki til að koma palla undir læknishendur geta þeir allavega lokað aðgangi hans að síðunni og stöðvað þannig sjálfsniðurlægingu hans. 

Einnig vil ég benda á að einelti eins og hann stundar hér er bannað með lögum. Hér er það auk þess óvenjugróft.

[palli (IP-tala skráð) 3.4.2012 kl. 10:53]

Hahahaha...   aumingja litli ásmundur.

Fær ekki frið til að halda uppi lygaáróðrinum sínum.

Grey kallinn.

Ég vorkenni þér voðalega mikið, og örugglega allir aðrir líka. Alir þessir sem eru haldnir vanmáttarkennd og fákunnáttu um dýrð ESB.

Þú ert haldinn þráhyggju á háu stigi.

Og hver er geðveikur? Geðveiki er að endurtaka sama hlutinn aftur og aftur, en að búast við mismunandi niðurstöðum.

Hvers vegna gargar þú eins og páfagaukur sömu hlutina aftur og aftur og aftur. Það hefur ekkert upp á sig, eins og hefur komið í ljós aftur og aftur og aftur. Það er enginn að taka mark á þér einu sinni.

Ég mun aldrei láta þig í friði. Aldrei. Þú ert landráða lygahundur.

Farðu bara á þessar vefsíður fyrir ESBsinna. Þar geturðu kyrjað þínar möntrur og fullyrðingar með hinum rollunum.

[palli (IP-tala skráð) 3.4.2012 kl. 10:56]

Hey ásmundur...

ef ég finn norska sérfræðinganefnd sem úrskurða að þú eigir við geðræn vandamál að stríða, munt þú þá leita þér hjálpar?

Hahaha...   þú ert bara svo mikil fábjáni. Ótrúlegt alveg.

[Elle_, 3.4.2012 kl. 12:10]

>Heiðarlegasti hluti kjósenda Vinstri grænna styður enn flokkinn. - - - - -  Kjósendur flokks sem styðja myndun ríkisstjórnar en hætta svo stuðningi við flokkinn vegna aðalskilyrðisins fyrir myndun ríkisstjórnarinnar eru rugludallar.<
Viltu ekki bara vera rugludallur SJÁLFUR??  Það var VIÐ hinn svokallaða ´málefnasamning´ eða ´stjórnarsáttmála´ sem svikin HÓFUST.  VG hafði ekki leyfi til að ganga svo gróflega á bak orða sinna gegn þeim sem studdu flokkinn til valda að hlýða Jóhönnu og co. í einu og öllu og ÞVERT GEGN yfirlýstri stefnu og gera SAMFYLKINGARSÁTTMÁLA eins og þeir væru ekki stjórnmálaflokkur heldur gólftuska. 

Þú kvartar yfir einelti og ljótum orðum Palla og leggur okkur hin samt sýknt og heilagt í einelti og kallað fólk öllu illu.  Það eru endalaus dæmi um persónuárásir þínar gegn öðrum undir fjölda pistla Vinstrivaktarinnar.  Þú sagðir mér síðast í gær að ég væri EKKI Í LAGI.  Ættirðu ekki að hætta sjálfur?? 

[Ásmundur Harðarson (IP-tala skráð) 3.4.2012 kl. 14:20]

Elle, ég kannast ekki við nein mótmæli að ráði við myndun ríkisstjórnarinnar vegna ákvæðisins um aðildarumsókn.

Nei, kröfurnar ganga út á að Vg svíki stjórnarsáttmálann. Menn virðast halda að svo sé hægt að halda áfram stjórnarsamstarfinu eins og ekkert hafi í skorist.

Það er auðvitað af og frá. Lítill lýðræðisþroski í Vg er að ganga að flokknum dauðum. Lýðræðisþroski felst meðal annars í að virða meirihlutaákvarðanir. 

Þeir sem geta það ekki eiga ekki að efna til innanflokksilldeilna. Það rústar fylginu.

Ertu að líkja því, að ég hef örfáum sinnum látið í mér heyra þegar þú hefur gengið fram af mér, við brjálæði eða siðblindu palla sem svarar með grófum prsónulegum árásum nánast hverrieinustu athugasemd frá mér?

Geðveiki palla gengur meðal annars út á að reyna að stoppa mig eftir að það var fullreynt að hann gat það ekki. Það er vel hægt að lifa við svona bilun með því að sleppa því að lesa skrifin. 

Svo er það auðvitað snarbilað að einstaklingur skuli eyða löngum tímum dags og nætur til þess eins að stöðva skrif annars án þess að hafa neitt til málanna að leggja að öðru leyti 

Slikur einstaklingur hlýtur að vera alvarlega veikur á geði  með engan tilgang í lifinu.

[Elle_, 3.4.2012 kl. 15:01]

Nei, ég var ekki að líkja þér við neinn en benti á hvað þú hefur sjálfur verið lengi að ráðast persónulega á og niðurlægja þá sem hér skrifa.  Og hefur gert fjölda manns reiðan.  Geturðu ekki hætt að gera það?  Ekki lagði ég þig í einelti.  Enginn og ekki þú heldur, ætti að dæma fólk BILAÐ eða EKKI Í LAGI eða RUGLAÐ eða e-ð enn verra.  Lærðir læknar vinna við að greina fólk, andlega eða líkamlega, og gera það EKKI OPINBERLEGA. 

Og enginn og ekki þú heldur, hefur leyfi til að vinna með blekkingum eða lygum eða öðrum leiðum gegn fullveldi og sjálfstæði landsins sem er varið í stjórnarskrá.

Við megum samt gagnrýna stjórnmálamenn og stjórnmálaflokka harkalega.  Þó við köllum þá ekki geðbilaða geta þeir samt verið hættulegir og stórskaðlegir stórnmálamenn.

[Ásmundur Harðarson (IP-tala skráð) 3.4.2012 kl. 15:46]

Elle, ég hef ekki verið með neinar lygar hérna.

Hvernig væri að þú greindir frá því í hverju þessar meintu lygar eru fólgnar? Það er ómerkilegt að ásaka menn um lygar og koma í veg fyrir að þeir svari fyrir sig með því að að gefa ekki upp hverjar meintar lygar eru.

Ég legg ekki í vana minn að segja fólk vera geðveikt. Svei mér ef palli er ekki sá fyrsti. Hann er hins vegar óteljandi sinnum búinn að gefa slíkan höggstað á sér að það er tilgangslaust að svara nema leggja spilin á borðið og segja sína meiningu undanbragðalaust. 

Ég hef aldrei áður fyrirhitt svona fyrirbæri eins og palla og geri mér því góðar vonir um að ég eigi ekki eftir að gera það.

[palli (IP-tala skráð) 4.4.2012 kl. 07:21]

Ási minn.

Þú þarft að átta þig á því, undanbragðalaust, að það eru lygar fólgnar í þínum málstað. Þú virðist e.t.v. ekki átta þig á því sjálfur, en engu að síður mun ég bögga þig svo lengi sem þú heldur lygum uppi. Að norskir "sérfræðingar" hafi einhverja skoðun, er ekki sönnun á að þeir hafi rétt fyrir sér, en samt segir þú að þetta komið fram og óvéfengjanlegt. Þetta er lygi.

Að halda því fram að Ísland geti haft árhrif á jafnréttisgrundvelli í Brussel, ef að aðild yrði, og fullveldi  muni m.a.s. aukast, Ísland með sitt 0,8% vægi. Þetta er líka lygi.

Þetta eru mjög augljós ósannindi. Mjög. Bara tvö dæmi.

Mig grunar sterklega að þar sem þú sérð ekki jafn augljósan hlut, þá hafi það eitthvað að gera með hvernig þú sérð heiminn. Það virðist ekki vera önnur skýring.

Og ég bölva þér í sand og ösku því þú ert hrokafullur, og heldur uppi lygaáróðri sem varðar landráð.

Hvort sem þú hafri skilningsgáfu til að átta þig á því eða ekki.