Löngu eftir öll Bakkaskip

Löngu eftir öll Bakkaskip situr Snæfríður Íslandssól rellin uppi á Íslandi yfir því að kannski eigi enn eftir að koma skip, kannski sé hennar svikuli elskhugi enn ókominn. En Snæfríður er aldrei nema hugarfóstur nóbelskálds. Forystumenn VG á þingi og í ríkisstjórn eru menn af holdi og blóði sem kjörnir voru á Alþingi fyrir meinta staðfestu í ESB andstöðu. Nú er líkt komið með því fólki og Snæfríði þar sem þeir stíga rellnir upp í ræðustóla Alþingis og segja, aðeins lengur, höldum áfram – við verðum að klára ferlið. Við verðum að ganga þessa braut til enda. Hvað sem líður Bakkaskipum og undanþágum frá regluverki þeirra stóru í Brussel.

Árni Þór Sigurðsson formaður utanríkismálanefndar og aðrir þeir VG liðar sem leiða þetta ferli fara um málið eins og köttur í kringum heitan graut og þarf þá engan smalan úr starfsliði forsætisráðherra. Fyrir réttu ári sagði Árni Þór að ekki væri fullvíst að viðræðum um aðild Íslands að Evrópusambandinu verði lokið með samningi sem borinn verður undir þjóðina. Áður en af því getur orðið kann sú staða að koma upp að Alþingi endurmeti aðildarumsóknina. „Það getur vel verið að þær aðstæður komi upp að það þurfi að ræða það í þinginu hvort við eigum að halda þessu ferli áfram. Að við þurfum á einhverjum tímapunkti að meta okkar hagsmuni upp á nýtt í ljósi þeirrar þróunar sem verður í viðræðunum. En sá tímapunktur er ekki kominn.“

Þegar sömu mál bar á góma nú á þessum vetri og þá meðal annars fyrir orðræðu Ögmundar Jónassonar taldi Árni aftur á móti að leiða þyrfti mál þetta til lykta. Það baráttumál að leiða til loka aðildarsamninga við ESB er ekki bara í ósamræmi við þá stefnu sem VG lagði upp með fyrir síðustu kosningar heldur einnig loforð formanns flokksins við umræðuna um aðildarumsókn að ESB sumarið 2009. Þá sagði Steingrímur J. Sigfússon meðal annars:

Það á ekki að geyma það þangað til síðast að fara í viðræður um sjávarútvegsmálin, um landbúnaðarmálin og matvælaiðnaðinn. Þvert á móti á að mínu mati að leggja megináherslu á að fá stærstu spurningunum svarað sem fyrst og fá það skýrt fram hvort þær væntingar sem sumir hafa um að Ísland geti fengið þarna umtalsverðar varanlegar undanþágur frá meginreglum Evrópusambandsins séu raunhæfar eða ekki. Ef þær eru ekki raunhæfar er ástæðulaust að halda viðræðum áfram.

Síðan þessi orð féllu hafa hrannast upp staðfestingar á því að það eru engar varanlegar undanþágur frá meginreglum ESB í boði. Kolbeinn Árnason sem fer með forystu í sjávarútvegshluta viðræðnanna staðfesti á fundi Viðskiptaráðs í nóvember síðastliðnum að með aðild að ESB hlytu Íslendingar að láta af samningsforræðu sínu um deili- og flökkustofna jafnframt því að opna fyrir kaup erlendra aðila á íslenskum veiðiheimildum.

Hvað þarf meira til að VG forystan kannist við eigin loforð. 

Athugasemdir

[Gunnlaugur I (IP-tala skráð) 9.3.2012 kl. 17:20]

Já satt segið þið og býsna skondinn samlýking hjá ykkur.

Forystusauðir VG létu Össur og co plata sig upp úr skónum.

Eftir kosningar 2009 var Össur eins og refurinn í Rauðhettu stimamjúkur og ekkert nema sakleysið uppmálað þegar honum tókst með látbragði, blekkingum og lygum að plata helstu forsytumenn VG til að svíkja eitt sitt stærsta kosningamál og í einfeldni sinni samþykktu þeir að skoða ESB aðild og að "kíkt yrði í pakkann".

Því að þetta væri aðeins spurningin um að þjóðin fengi að segja sína lýðræðislegu skoðun á þessu máli, sagði Össur og þið VG menn eruð svo sannarlega menn lýðræðisins veit ég smjaðraði Össur hinn fláráði og "skarpi".

Síðan laug hann og aðrir Samfylkingarspenar því blákalst að VG og þjóðinni að viðræðuferlinu við ESB yrði hespað af á 14 til 16 mánuðum og síðan yrði einfaldlega lýðræðinu fullnægt með að kosið yrði um málið.

Síðan sagði hann líka að þingmenn VG gætu haft þá skoðun sem þeir vildu á þessu, bara ef þeir samþykktu þessa "lýðræðislegu" leið sem tæki fljótt af.

Það hefði kannski verið hægt að fyrirgefa forystu VG að sveigja aðeins um skamman tíma stefnu sína að samstarfsflokknum í þessu efni.

En þegar síða kemur í ljós að þetta var auðvitað allt saman lygi og þeir létu bara plata sig upp úr skónum og viðræðuferlið klárst ekki einu sinni á 36 mánuðum kjörtímabilsins og í ofanálag að VG hafði líka látið Össur hinn "skarpa plata sig til þess að setja ekki neina haldgóða fyrirvara eða viðspyrnur við því að ESB og Samfylkingin völtuðu ekki yfir þá og þjóðina í þess máli.

Engin tímarammi var gefinn fyrir viðræðunum, enginn raunveruleg og fastmótuð samningsmarkmið voru sett, engin takmörkun á aðlögun að regluverki ESB, enginn takmörk á því hvað miklum fjármunum ESB gat fengið að ausa hér yfir þjóðina í beinan áróður. Akkúrat ekkert. 0,00

Forysta VG er brjóstumkennanleg í þessu máli.

Í þessu blindflugi til Brussel þar sem þeir ráða engu heldur eru þeir geymdir í læstum og innsigluðum búrum í sjálfri gripalestinni. Farþegarnir í þessu blindflugi voru heldur aldrei spurðir neins um hvert ferðinni væri heitið.

Þegar þeir gengu um borð var aðeins talað um stutt og þægilegt kynnisflug, með fríjum veitingum.

En nú hefur sjálfur flugstjórinn sagt að enn sé ekki vitað hvenær þessu flugi ljúki og að þetta sé nú svokallað aðlögunarflug og að endingu verði lent á Brussel völlum hvað sem hver segir.

Alveg sama þó að meirihluti farþeganna vilji snúa heim og hætta þessu blindflugi þá segir flugstjórinn að það komi ekki til greina af því að fólk geti ekkert vitað um hvernig Brussel líti út fyrr en þeir hafi séð hana og allan pakkann, það verði að fá að reyna á "lýðræðið".

Þá fyrst verði kosið um það meðal farþeganna hvort þeir vilji vera þar eða ekki, reyndar aðeins leiðbeinandi kosningu fyrir áhöfnina.

Flugstjórinn hefur reyndar líka sagt að hann hafi ekki hundsvit á flugi eða hvernig eigi að lenda svona flugvélum, en hann fái góðar leiðbeiningar um það frá Flugmalayfirvöldum í Brussel.

Eftir situr nú forysta VG rúinn öllu trausi og fylgið er hrunið af þeim og a.m.k. 3 þingmenn hafa þegar hent sér fyrir borð !

Við sem studdum VG í síðustu kosningum, einmitt í trausti þess að þeir myndu standa vörð um ESB andstöðu flokssins sitjum eftir bæði sárir og reiðir !

Ef VG ætlar sér ekki að þurrkast út í næstu kosningum, eða hreinlega sameinast Samfylkingunni, þá þurfa þeir nú þegar í stað að spyrna við fótum og setja hnefann í borðið. Hingað og ekki lengra. En ég held að það sé ekki einu sinni nóg því að skaðinn er þegar skeður en það myndi kannski hjálpa eitthvað líka að endurvinna traustið að jafnframt yrði núverandi forysta að viðurkenna afdrifarík mistök sín, biðjast afsökunar og segja af sér og rýma til fyrir nýrri og trúverðugri forystu.

[Ásmundur Harðarson (IP-tala skráð) 9.3.2012 kl. 18:14]

Meira ástandið á Steingrími og Árna Þór. Þeir eru svo gamaldags að þeir vilja standa við sinn hluta málefnasamnings ríkisstjórnarinnar. Það er miklu meira hipp og kúl að standa ekki við neitt og taka frjálsræði útrásarvíkinganna sér til fyrirmyndar.

Og þó að ESB sé búið að gera nýjan sáttmála sem styrkir ESB og evruna þá breytir það engu í þessu sambandi. Enginn bað þá um það. Og þó að Steingrímur hafi meirihluta þingmanna með sér og meirihluta kjósenda Vinstri grænna skv skoðanakönnunum þá viljum við þetta ekki.

Það eru okkar rök. Það er okkar lýðræðislegi réttur að farið sé að vilja okkar. Er það ekki um það bil þannig sem stuðningsmenn Vinstrivaktarinnar hugsa? Siðblindan í fyrirrúmi. Svik og prettir engin fyrirstaða.      

[Ásthildur Cesil Þórðardóttir, 9.3.2012 kl. 18:47]

Tek undir með pistlahöfundi og Gunnlaugi.

[Gunnlaugur I (IP-tala skráð) 9.3.2012 kl. 21:35]

@ Ásmundur.

Ferlið átti samkvæmt ESB lygabók Össurar og Co að taka 14 til 16 mánuði.

Þetta er allt annað og miklu verra ESB í dag en það var nokkurn tímann þá, nú jhafa þeir hengt u.þb. 2 milljónir íslenskra króna sem skuld á hvern meðlim þessa stórríkis, með trilljón Evra ábyrgð og skuldsetningu til þess að bjarga gjaldþrota fjámálakerfi þeirra og vonlausum gjaldmiðli.

Ég veit ekki betur til en svo að allar skoðanakannanir hafi sýnt það að stuðningsmenn allra flokka nema Samfylkingarinnar væru að miklum meirihluta til andvígir ESB aðild. Það hefur líka átt við um stuðningsmenn VG.

Reyndar hefur stuðningsmönnum VG fækkað svo mikið eða um næstum helming frá síðustu kosningum, ekki síst vegna þess hvernig þeir hafa látið plata sig til þess að svíkja kjósendur sína í ESB málinu, þannig að vera má að þetta hafi eitthvað aðeins breyst hjá þeim fáu sem eftir eru.

Sama má reyndar segja um Samfylkinguna hún mælist nú einungis með 18,7% fylgi samkvæmt síðustu skoðanakönnun Capcent Gallup.

Samfylkingin hefur sem sagt tapað 42% af fylgi sínu frá síðustu kosningum. ESB þráhyggjan þeirra og þau trúarbrögð öll hafa því ekki reynst flokknum til framdráttar, nema síður sé.

Þó svo að Samfylkingin sé eini stjórnmálaflokkurinn sem nú hefur fulltrúa á Alþingi sem vill ESB aðild.

Allir hinir stjórnmálaflokkarnir sem fulltrúa eiga á Alþingi telja hagsmunum þjóðarinnar betur borgið utan ESB.

Þrátt fyrir gríðarlegt fylgistap Samfylkingarinnar eru þó enginn eindreginn samhljómur í því tætings liði sem enn styður flokksforustuna því að samkvæmt könnunum eru 1/3 hluti þeirra stuðningsmannanna sem eftir eru ekki sammála flokksforystunni um ESB aðildina.

Það kemur síðan greinilega í ljós í nýjustu könnun Capacent Gallup sem var stór könnun með góðu svarhlutfalli og aðeins lítill hluti eða 14% tóku ekki afstöðu að mikill meirihluti landsmanna myndi segja NEI við ESB aðild ef kosið væri núna eða 67% þjóðarinnar.

Samkvæmt sömu könnun myndu þeir flokkar sem styðja ESB aðild og kæmu mönnum á þing aðeins fá 18.7% fylgi, eða aðeins þetta fallandi litla fylgi Samfylkingarinnar.

Ég á því alltaf erfitt með að skilja yfirlætislegan hrokann og sperringinn í Ásmundi ESB aftaníossa Friðrikssyni !

Það er síminnkandi fylgi við þetta ESB trúboð hans og maðurinn sá ætti að fara með veggjum og kunna að skammast sín !

[Ásmundur Harðarson (IP-tala skráð) 9.3.2012 kl. 23:35]

Gunnlaugur telur þú málstað ykkar andsinna svo veikan að þú neyðist til að beita fyrir þig lygum og blekkingum af grófustu sort til að fá menn til að styðja málstaðinn?

Enginn ESB-þjóð þarf að greiða í björgunarsjóð frekar en hún vill. En ef hún gerir það ekki hefur hún engan rétt á aðstoð úr sjóðnum. Fé í björgunarsjóð kemur einnig frá AGS og víðar að.

Engir styrkir eru veittir úr sjóðnum aðeins lán. Þetta er því eign sem þjóðirnar hafa vaxtatekjur af. Skuldaniðurfelling til handa Grikkjum var á vegum banka og var skilyrði fyrir fyrirgreiðslu úr sjóðnum. ESB-ríkin hafa því engu tapað.

Upphæðir sem um er að ræða eru aðeins lítið brotabrot af því sem þú nefnir. Það er engu líkara en að örvænting þín fari stigmagnandi með hverjum deginum sem líður.

[Ásmundur Harðarson (IP-tala skráð) 9.3.2012 kl. 23:52]

Gunnlaugur, nýgerður sáttmáli ESB-ríkja markar þáttaskil í skuldakreppunni á Evrusvæðinu. Aðgerðir ESB hafa borið árangur þó að auðvitað muni áfram bera á fjárhagsþrengingum. En botninum er náð og nú stefna ESB-löndin upp á við.

Fyrir þrem árum vorum við á botninum en ESB-löndin miklu betur stödd. Við erum ekki Ísland sögðu Grikkir þá.

Þegar samningurinn verður tilbúinn fyrir þjóðaratkvæðagreiðslu verður aftur komin upp breytt staða. Þá er líklegt að Evrópa hafi tekið stórstígum framförum meðan aðrir heimshlutar eru á niðurleið vegna skuldakreppunnar.

[Ásmundur Harðarson (IP-tala skráð) 10.3.2012 kl. 00:11]

Gunnlaugur, Það er mikil örvænting fólgin í því að leggja aftur og aftur gríðarlega áherslu á að meirihluti sé á móti aðild skv skoðanakönnunum. Niðurstöður úr skoðanakönnunum geta breyst mikið á miklu styttri tíma en væntanlega er til kosninganna.

Þar að auki er ekkert mark takandi á afstöðu fólks til samninga sem enn hafa ekki litið dagsins ljós, sérstaklega í ljósi þess að margir hafa látið blekkjast og trúa að um ekkert sé að semja.

Morgunblaðið lét gera skoðanakönnun í fyrra sem sýndi um 70% andstöðu við aðild. Skömmu eftir að hún var birt sagði annar fjölmiðill frá því að það hefði verið aukaspurning í könnuninni, (sem mbl birti ekki), um afstöðu fólks ef viðunandi samningur fengist í sjávarútvegsmálum og að þá hefðu 70% verið fylgjandi aðild.

Þetta ætti að sýna að skoðanakannanir um afstöðu til ESB-aðildar eru ómarktækar meðan samningur liggur ekki fyrir. 

[Ásmundur Harðarson (IP-tala skráð) 10.3.2012 kl. 00:30]

Gunnlaugur, fylgistap stjórnarflokkanna má rekja til þess að ríkisstjórnin hefur þurft að grípa til óvinsælla aðgerða sem njóta lítils skilnings. Hún geldur fyrir það að standa sig.

Fylgistapið hefur ekkert með ESB-umsóknina að gera enda hafa margar skoðanakannanir sýnt meirihluta fyrir því að samningaferlið verði til lykta leitt og kosið verði um aðild.

Óeining hjá Vinstri grænum hefur einnig valdið flokknum fylgistapi enda er ekkert eins slæmt fyrir fylgið og sundrung í flokknum.

Meirihluti kjósenda Vg er i andstöðu við sundrungaröflin og hefur á því fullan skilning hvers vegna flokkurinn samþykkti ESB-umsókn.

[Helga Kristjánsdóttir, 10.3.2012 kl. 02:33]

Ásmundur. Hvað hefur rík þjóð af auðlindum og mennsku viti,að gera í ríkjasamband hvað þá þessa,sem krefur aðildarþjóðir um framlög auk afskipta af viðskiptum og rýnir í efnahagsreikninga þess. Esb. á engar auðlindir,ekkert rými fyrir Rómar fólk sem þeir reyna að reka af höndum sér,ætli þeir vilji ekki skipta á okkur og þeim. Hvað kemur þessu yfirþjóðlega apparati við hvað við veiðum,eins og Makríl upp í okkar landsteinum,í þetta vill Krataflokkurinn þvinga okkur.Sjálfir hafa þeir sagt að með inngöngu Íslands opnist þeim leið í Norðurhöf,þeir fylgjast nú einnig grannt með nýjustu fréttum af líklegri olíuauðlind á Dreka svæðinu. Græðgisöfl,sem framleiða ekkert,vinna ekkert,nema ef kalla ma vinnu að plokka af framlegð ríkjanna sem álpuðust og oft þvinguð í þetta samband. Þetta er ekkert nema landráð,því í Stjórnarskrá Íslands er bannað að færa landið undir yfirráð erlends ríkis. Það ætlum við að verja,og gera það af innilegri ættjarðarást,nokkuð sem þið skynjið ekki,sem sjáið peninga og fáið peninga til að halda áróðri Esb. á lofti,hélt ekki að þannig Íslendingar væru til,en því miður.

[Rekkinn (IP-tala skráð) 10.3.2012 kl. 03:54]

Ásmundur ESB attaníossi, nei fyrirgefið, taglhnýtingur ESB. Ef Rekkinn notar hitt orðið um Ásmund ESB speking þá klagar hann og rekur raunir sýnar eins og gömul kerling til að fá menn lokaða af hér á blogginu. Er eitthvað að því að kalla menn attaníossa sem andæfa undir rassinum á ESB og lepja allt upp sem þaðan fellur til gagrýnislaust og þykja gott á bragðið. Enda er Rekkinn hættur að kalla Ásmund attaníossa og breytist Ásmundur hér með í ESB taglhnýting þó hitt rými betur. Athugið að ekki er verið að kalla Ásmund attaníossa, heldur taglhnýting ESB svo það sé nú alveg á hreinu...

[palli (IP-tala skráð) 10.3.2012 kl. 08:26]

attaníossi...  taglhnýtingur....

Hann minnir mig alltaf á brjálaðan páfagauk, gargandi og flögrandi um búrið sitt, alltaf fljúgandi á glerveggina.

Svo setur hann á sig spekingssvip og lýsir því yfir að hann hafi rétt fyrir sér, og að öll rök andstæðinga hans hafi verið hrakin, og málið sé útrætt.

Jón Ásmundur Frímann er álíka gáfaður og truflaður einstaklingur.

Merki um geðveilu er að endurtaka sama hlutinn aftur og aftur, en búast við mismunandi niðurstöðu. (svona eins og tilgangur áróðursins hjá honum)

Annað merki er að efast aldrei um eigið ágæti.

Páfagaukurinn okkar er illa haldið grey. Ég hef mestar áhyggjur af honum þegar hans heimsmynd hrynur, þ.e. þegar þjóðin treður þessum áróðri. Hann á eftir að gjörsamlega tjúllast. Vonandi fer hann sér ekki að voða.

Mundu, Jón Ásmundur Frímann, að það er ekkert að því að leita til sérfræðinga um geðheilsu þegar þörf er á þeim.

[Elle_, 10.3.2012 kl. 11:28]

>Í þessu blindflugi til Brussel þar sem þeir ráða engu heldur eru þeir geymdir í læstum og innsigluðum búrum í sjálfri gripalestinni. Farþegarnir í þessu blindflugi voru heldur aldrei spurðir neins um hvert ferðinni væri heitið.

Þegar þeir gengu um borð var aðeins talað um stutt og þægilegt kynnisflug, með fríjum veitingum.

En nú hefur sjálfur flugstjórinn sagt að enn sé ekki vitað hvenær þessu flugi ljúki og að þetta sé nú svokallað aðlögunarflug og að endingu verði lent á Brussel völlum hvað sem hver segir.

Alveg sama þó að meirihluti farþeganna vilji snúa heim og hætta þessu blindflugi þá segir flugstjórinn að það komi ekki til greina af því að fólk geti ekkert vitað um hvernig Brussel líti út fyrr en þeir hafi séð hana og allan pakkann, það verði að fá að reyna á "lýðræðið".

Þá fyrst verði kosið um það meðal farþeganna hvort þeir vilji vera þar eða ekki, reyndar aðeins leiðbeinandi kosningu fyrir áhöfnina.

Flugstjórinn hefur reyndar líka sagt að hann hafi ekki hundsvit á flugi eða hvernig eigi að lenda svona flugvélum, en hann fái góðar leiðbeiningar um það frá Flugmalayfirvöldum í Brussel.

Eftir situr nú forysta VG rúinn öllu trausi og fylgið er hrunið af þeim og a.m.k. 3 þingmenn hafa þegar hent sér fyrir borð !

Við sem studdum VG í síðustu kosningum, einmitt í trausti þess að þeir myndu standa vörð um ESB andstöðu flokssins sitjum eftir bæði sárir og reiðir !

Ef VG ætlar sér ekki að þurrkast út í næstu kosningum, eða hreinlega sameinast Samfylkingunni, þá þurfa þeir nú þegar í stað að spyrna við fótum og setja hnefann í borðið. Hingað og ekki lengra. En ég held að það sé ekki einu sinni nóg því að skaðinn er þegar skeður en það myndi kannski hjálpa eitthvað líka að endurvinna traustið að jafnframt yrði núverandi forysta að viðurkenna afdrifarík mistök sín, biðjast afsökunar og segja af sér og rýma til fyrir nýrri og trúverðugri forystu.<

Gunnlaugur I (IP-tala skráð) 9.3.2012 kl. 17:20

Ofanvert segir næstum allt sem segja þarf.

[Birgir (IP-tala skráð) 10.3.2012 kl. 11:59]

Hef fylgst með þessu bloggi af og til síðastliðin eitt-tvö ár. Er yfirleitt sammála því sem hér kemur fram, enda er ég einn af þeim sem lét blekkjast til að kjósa VG síðast, en svik Steingríms og hans hyskis hefur séð til þess að það mun ég aldrei framar gera.

Ég er hinsvegar ekki flokksbundinn í VG og get því ekkert annað gert en að neita flokknum um atkvæði mitt héreftir, en hérna er skrifað ár eftir ár að grasrótin sé "reið" og "svekkt" vegna svika Steingríms og æ ofan í æ eru menn eggjaðir til að "stinga við fótunum" og "grípa í taumana" áður en fylgishrun flokksins verður algert.

Samt gerist aldrei neitt. Steingrímur og hans skósveinar fara sínu fram sem aldrei fyrr.

Hefur þessi óánægða grasrót VG virkilega engin úrræði önnur en að blogga gremjulega? Eða er kanski verið að bíða eftir að Steingrímur reki augun í bloggið, lesi það og það hreyfi við samvisku hans? Þá megið þið sjálfsagt lengi bíða ...

Er ekki kominn tími til að spyrja sig hvort óánægða grasrótin sé í svo miklum minnihluta innan VG að þorri flokksmanna sé hreinlega hæstánægður með stefnu Steingríms og sjái ekkert athugavert við að svíkja kjósendur vegna stundarsetu við háborðið?

En ef svo er ekki, er þá ekki líka kominn tími til að spyrja sig hvað hin óánægða grasrót getur gert í málinu? Það styttist óðum í kosningar og allar bloggsíður heimsins munu ekki bjarga VG ef Steingrímur stendur ennþá í brúnni þegar sú stund rennur upp.

[Ásmundur Harðarson (IP-tala skráð) 10.3.2012 kl. 12:41]

Ég hef aldrei kosið Vinstri græna og geri ekki ráð fyrir að ég eigi það eftir.

Ég þarf því ekki að verja Steingrím. Ég er hins vegar alveg dolfallinn á viðbrögðunum við því að hann skuli vilja efna sinn hluta stjórnarsáttmálans. Að sjálfsögðu verður hann að gera það. Annars verður hann stimplaður ómerkingur um alla framtíð.

Steingrímur hefur ekki svikið kosningaloforð með því að samþykkja umsókn vegna þess að með því er hann aðeins að gefa fólki kost á að kjósa um aðild. Hann og flokkurinn eru á móti aðild og munu kjósa gegn henni.

Samfylkingin setti ESB-umsókn sem algjört skilyrði fyrir stjórnarmyndun. Án þess kom stjórnarsamstarf ekki til greina við nokkurn flokk enda hafði flokkurinn sætt ámæli fyrir að hafa gefið eftir þetta stefnumál sitt við ríkisstjórnarmyndun 2007.

Ef þessi stjórn hefði ekki verið mynduð hefði Sjálfstæðisflokkurinn haldið áfram að stjórna landinu. Að mati Steingríms var greinilega minni fórn fólgin í því að samþykkja ESB-umsókn en að afhenda Sjálfstæðisflokknum stjórnartauminn svo skömmu eftir hrun.

Í ljósi þessara staðreynda er ljóst að ákvörðun Steingríms var mjög skiljanleg.

[Elle_, 10.3.2012 kl. 12:50]

Steingrímur hefur fyrir löngu verið ´stimplaður ómerkingur´ vegna nokkurra mála sem voru: Hin svokallaða ´endurreisn bankanna´, EU fáráðið og ICESAVE.  Og eg er sammála Birgi að ofan.  Steingrímur ætti að hafa verið rekinn úr VG með minnst 2 hjálparmönnum sínum fyrir löngu.

[Ásmundur Harðarson (IP-tala skráð) 11.3.2012 kl. 13:50]

Elle, upplýstu okkur um afglöp Steingríms varðandi "endurreisn bankanna". Ég kannast ekki við nein slík afglöp. Áttu við að Steingrimur hefði átt að taka lögvarðar eignir kröfuhafa og nota þær til almennra niðurfellinga skulda?

Það voru mistök hjá Steingrími að skipa Svavar Gestsson sem formann samninganefndar Icesave. En annars er ekkert upp á hann klaga vegna Icesave.