Þolinmæði VG gagnvart ESB viðræðum er á þrotum

Það var þung undiralda á flokksráðsfundi VG og mikil pressa á forystu flokksins að gera hreint fyrir sínum dyrum sem fyrst hvað ESB-viðræður varðar og sjá til þess að þeim ljúki með góðum fyrirvara áður en undirbúningur hefst fyrir þingkosningar á komandi næsta ári.

„Við þurfum að koma þessu óþurftarmáli út úr heiminum," sagði Ögmundur Jónasson, innanríkisráðherra, í harðorðri ræðu. Hann vék m.a. að ályktun utanríkismálanefndar ESB um aðildarferli Íslands.

„Við fengum ágæta áminningu um daginn. Hún var frá utanríkismálanefnd Evrópusambandsins. Hún var með skilaboð til Íslands. Og hver voru þessi skilaboð - fyrir utan það að gefa okkur einkunn fyrir það hvernig við stæðum okkur í því almennt að markaðsvæða okkar samfélag og hvetja okkur til þess að ganga enn harðar fram í þeim efnum, meðal annars með því að opna á markaðsvæðingu orkugeirans, raforkugeirans?" spurði Ögmundur. Hann svaraði svo spurningunni og sagði að í skilaboðunum fælist „hvatning frá Brussel um að fara að drífa í þessu, að opna fyrir erlenda fjárfestingu í sjávarútvegi [og] hvatning til þess að fá okkur inn sem allra fyrst vegna þess að hagsmunum Evrópusambandsins væri þá betur gætt á norðurskautinu og á norðurslóðum".

„Það væri mikilvægt fyrir Evrópusambandið að fá Ísland undir sína regnhlíf svo hægt væri að gæta betur að hagsmunum, ekki okkar, heldur hagsmunum Evrópusambandsins, ekki náttúrunnar, nei, hagsmunum Evrópusambandsins á norðurslóðum."

„Ógeðfelldust fundust mér samt skilaboðin, sem send voru til Jóns Bjarnasonar, þar sem fagnað var að hann væri horfinn úr ríkisstjórn. Utanríkismálanefnd Evrópusambandsins nóterar að það hafi orðið ráðherraskipti 31. desember. En segir jafnframt að nú sé þess að vænta að ásetningur ríkisstjórnarinnar verði nú enn harðari að laga sig að óskum Evrópusambandsins en áður var. Þetta er ógeðfellt. En ekkert að þessu kemur mér á óvart."

„En ég segi, hvert er langlundargerð okkar í þessum efnum? Hversu lengi ætlum við að láta niðurlægja okkur með yfirlýsingum af því tagi sem ég var að vitna í hér? Og með því að láta okkur setja mikla fjármuni í þetta ferli allt saman."

„Nú legg ég til sem ég hef áður gert, margoft, að Vinstrihreyfingin - grænt framboð segi við Evrópusambandið: Við viljum fá lyktir í þessar viðræður áður en gengið verður til næstu alþingiskosninga og í síðasta lagi á þeim tímapunkti verði málið gert upp í þjóðaratkvæðagreiðslu."

„Við viljum fá niðurstöður í þessa viðræður, efnislegar niðurstöður... og kjósa síðan um málið og koma þessu óþurftarmáli út úr heiminum," sagði Ögmundur og uppskar dynjandi lófatak fundarmanna.

„Aðlögunarferlið að ESB heldur íslensku samfélagi í gíslingu," sagði Jón Bjarnason, fyrrv. ráðherra, m.a. í ræðu sinni. „Í vor eru þrjú ár frá því umsóknin var send til ESB. Á þeim tíma var lofað að samningum yrði lokið eða tekin a.m.k. afstaða til þeirra fyrir lok kjörtímabilsins. Framundan er bein aðlögun að ESB,  aðeins spurning um tíma á einstaka þáttum.  Bæði Alþingi og íslensku þjóðinni er því ekkert að vanbúnaði að taka afstöðu til málsins: Viljum við halda áfram vegferðinni  inn í ESB eða ekki? Það þing sem nú situr verður að ákveða fyrir þinglok í vor um framhaldið. Ég hef lagt til að ESB málið fari í þjóðaratkvæði í sumar, til dæmis samhliða forsetakosningum, en örugglega vel fyrir næstu alþingiskosningar."

„Íslendingar hafa í engu slegið af kröfum sínum í samningaviðræðunum við Evrópusambandið vegna aðildarumsóknarinnar, sagði Steingrímur J. Sigfússonar, formaður VG. Hann fór í stuttu máli yfir stöðuna í viðræðunum: flestir erfiðustu kaflarnir væru eftir. Landbúnaður, heilbrigði dýra o.s.frv., sjávarútvegur (makríldeila), efnahags- og gjaldeyrismál (þrír kaflar, m.a. gjaldeyrishöft) og lagði áherslu á að enginn afsláttur yrði veittur í neinu tilviki í þeim samningsmarkmiðum sem fælust í nefndaráliti meirihluta utanríkismálanefndar.

Fjölmargir fundarmenn lögðu áherslu á að viðræðum við ESB lyki sem fyrst. Hjörleifur Guttormsson minnti á þau afdrifaríku mistök sem gerð voru af hálfu VG við myndun ríkisstjórnarinnar með því að opna fyrir aðildarumsókn að  Evrópusambandinu. Með því hafi verið sáð þeim frækornum vantrausts og úlfúðar sem stig af stigi hafa leitt til þeirrar alvarlegu stöðu sem flokkurinn hafi komið sér í. Úrslitum muni ráða hvort hann leiðrétti þau mistök og hætti að láta Samfylkinguna ráða för í viðræðum við Evrópusambandið.

„Öllum mátti vera ljóst frá byrjun að Evrópusambandið ræður för í samningaferlinu og enginn samningur mun líta dagsins ljós á þessu ári eða því næsta, jafnvel þótt einhugur væri um að keppa að slíku. Það ætti að mínu mati að vera útilokað af hálfu VG að ganga til kosninga með þetta örlagaríka mál á bakinu inn í framtíðina. Þróunin innan ESB hefur verið slík eftir að Alþingi samþykkti með naumum meirihluta að sækja um aðild, að hún gefur fullt tilefni til að draga umsóknina til baka nú þegar.  Flokkurinn verður nú að þétta raðirnar, forystan að ganga í að miðla málum og taka á sig ábyrgð af mistökum í stað þess að vísa fólki á dyr, jafnt samþingmönnum sem óbreyttum félögum. Það verður síðan að ráðast hvort Samfylkingin slítur stjórnarsamstarfinu eftir að klippt hefði verið á þennan naflastreng hennar", sagði Hjörleifur Guttormsson.

„Björguðum Íslandi“

Athugasemdir

[Gunnlaugur Ingvarsson (IP-tala skráð) 25.2.2012 kl. 16:11]

Ja ef þolinmæðin er á þrotum hjá flokkshestunum og valdaelítunni í flokknum sem situr þessar ólýðræðislegu Flokksráðsstefnur VG, þar sem grasrótin eða almennir stuðningsmenn koma hvergi nærri.

Hvað haldið þið þá að sé orðið um þá fjölmörgu almennu kjósendur sem studdu flokkinn í síðustu kosningum, ekki síst fyrir staðfestu þeirra gegn ESB aðild.

Áfram er samt haldið með alla þjóðina í glórulausu blindfluginu til Brussel með Össur Skarpa sem yfirflugstjóra og í farþegarýminu ræður yfirfreyjan Jóhanna.

Allir vita að flugstjórinn hefur ekkert hundsvit á flugvélum eða hvernig eigi að lenda þeim, enda er honum alveg sama hann ætlar bara að klessulenda vélinni á Brussel völlum svo hún eða þjóðin komist aldrei heil til baka.

Ég skal segja ykkur að hjá flestum fyrrum kjósenda VG er þolinmæðin löngu brostinn og fæstir af þeim munu geta hugsað sér að kjósa flokkinn aftur.

Enda ættu viðvörunarbjöllurnar fyrir löngu átt að fara að klingja, 3 þingmenn farnir fyrir borð og fjöldi trúnaðarmanna sagt skilið við flokkinn og síðasta skoðanakönnun sýndi algert fylgishrun flokksins með aðeins 8% fylgi.

Þeir fjölmörgu nýrra fylgismanna sem VG fékk í síðustu og þarsíðustu kosningum yfirgefa nú flokkinn þúsundum saman.

Þeir fara vonandi flestir yfir til Samstöðu og eftir mun SJS sitja uppi með afdankaðan og handónýtan örflokk sérvitringa sem er öllu trausti rúinn.

Að sumu leyti sorglegt fyrir flokk sem hefur haft margt ægætis fólk innanborðs og lagði upp með hugssjónir og ýmis góð stefnumál, en samt engu að síður napur sannleikur !

En oft hefur það verið svo að leiðin til helvítis hefur verið vörðuð góðum áformum ! Það er bara ekki nóg ef efndir þeirra áforma eru jafn sorglega litlar.

[Seiken (IP-tala skráð) 25.2.2012 kl. 16:23]

"Björguðum Íslandi en drápum allt fólkið".  Nei, ég segi svona.

Fundurinn virðist benda til þess að VG sé að vakna enda ekkert framundan nema afhroð í næstu kosningum. Ja, hver hefði trúað því að það að gera smásálarhátt og sakvæðingu að heilli efnahagsstefnu, myndi ekki höfða til kjósenda?

Það er hins vegar spurning hvort það er ekki of seint að gera afnám verðtryggingar að stefnumáli núna eftir að búið er að bókfæra 350 milljarða af verðbótum á eignahlið fjármagnseiganda frá hruni. Skaðinn er skeður.

Það eru sem betur fer nokkrir VG meðlimir sem hafa haldið haus í gegnum þennan farsa. Þeirra á meðal er Hjörleifur Guttormsson og Ragnar Arnalds. Spurning hvort að slíkir menn eiga einhverja samleið með flokknum í hraðferð hans á leið til helvítis.

[Elle_, 25.2.2012 kl. 17:14]

Hjörleifur er að tala af viti en ég er hætt að skilja Ögmund.  Hvað er það sem vantar á skilning hans að það verði að draga ruglið til baka núna og jarða það?  Hví hjálpaði hann og hinir sem núna vilja enda málið og niðurlæginguna, við að koma málinu og niðurlægingunni í gegn í fyrstunni?  Og já, VG mun aldrei geta farið í kosningar með ruglið á bakinu og segjast líka ekki vilja það.  Og ekki heldur með ljúgandi menn eins og Árna Þór, Björn Val og Steingrím innan flokksins.  Maður gerir ekki það sem maður vill ekki gera.

[Kristján B Kristinsson (IP-tala skráð) 25.2.2012 kl. 17:44]

Ögmundur getur ekki fyrrt sig þeirri ábyrgð að hafa þann 16. júlí 2009 svikið grunnstefnu VG og það fólk sem kaus VG í síðustu Alþingiskosningum.

[Kristján B Kristinsson (IP-tala skráð) 25.2.2012 kl. 17:50]

það er alveg ljóst að VG fékk góða kosningu í síðustu kosninugum en mikið af því fylgi fékk flokkurinn út á einarða afstöðu gegn ESB, það má öllum vera ljóst að þessum kjósendum verður ekki seld sama gallaða varan oftar en einu sinni, það er alveg sama til hvaða bragðs VG grípur steinnin er þegar fallinn fram af bjargbrúninni.

[Gunnlaugur Ingvarsson (IP-tala skráð) 25.2.2012 kl. 18:22]

Ég heyri það allt í kringum mig og þekki ég nú marga VG stuðningsmenn og nú líka mjög marga sem kalla má fyrrum stuðningsmenn VG og var ég reyndar einn af þeim sjálfur við síðustu kosningar að heiftin og reiðin út í svik og vesældóm forystu VG í ESB málinu eykst stöðugt.

"Þeim var ég verst er ég unni mest"

Sumir stuðningsmenn VG voru svo sem tilbúnir til að þurfa kingja því með óbragð í munni að stjórnarsáttmálin kvæði á um það að athugað yrði hvað ESB umsókn fæli í sér og það síðan borið lýðræðislega undir vilja þjóðarinnar. Ekki hvað síst vegna þess að fólk vildi trúa því að forysta VG hefði tryggt það í samningum að varðstaða þeirra gegn ESB aðild hefði þau áhrif að hlutunum yrði haldið á jafnræðisgrundvelli og í sanngjörnu og eðlilegu horfi.

En svo kemur það bara alltaf betur og betur í ljós að forysta VG lét Samfylkinguna hreint og beint plata sig sundur og saman í þessu máli.

Össur Skarpi og co sögðu að það myndi einungis taka þetta 12 til 16 mánuði til að fá niðurstöðu í þessu máli og nokkrum mánuðum seinna yrði þetta svo borið undir þjóðina í almennri þjóðaratkvæðagreiðslu.

Það reyndist auðvitað allt saman tóm haugalygi, því að Ísland hefur aldrei ráðið einu eða neinu um það hvernig þessar viðræður og svo niðurlægjandi og kostnaðarsöm aðlögun að regluverki ESB færi fram og hvernig fyrirkomulaginu og dagskránni þar um yrði almennt háttað, þar hefur allt verið á forsendum ESB og Samfylkingarinnar.

Síðan hefur það einnig komið svo berlega í ljós að VG hefur lítil sem enginn áhrif í Ríkisstjórninni á þetta mál.

Allir sem nálægt ESB viðræðunum og þeim nefndum öllum koma hafa verið handvaldir af Össuri Skarpa af því að þeir eru þægir og meðfærilegir ESB aftaníossar og reyna bara á lymskulegan hátt að haga seglum eftir vindi til að reyna með einhverju mögulegum eða ómögulegu móti að sigla Íslandi þarna inn. Samningsmarkmiðin eru enginn eða þá mjög óljós og meira og minna er allt ferlið í pukri og leynd og falið almenningi.

Síðan í ofanálag við allt sleifaralagið sá VG forystan ekki svo um hnútana að hér hefði flokkurinn einhverjar varnir gegn því að ESB fengi að ganga hér algerlega taumlaust fram í áróðri og dæla hér ómældu fé í auglýsingar og hreinan áróður eins og með opnun sérstaks sendiráðs og einnig sérstakrar ESB stofu og auk þess milljörðum í svokallaða IPA styrki sem eru ekkert annað en grímulausar og forstokkaðar mútur.

VG virðist algerlega hafa samið þetta allt af sér og ESB trúboðið heldur þjóðinni í gíslingu á meðan ESB sjálft niðurlægir þjóðina ítrekað með tilskipunum og beinum inngripum í innanríkismál þjóðarinnar, án þess að VG og þeir þar sem þó segjast enn andsnúnir ESB geti rönd við reist.

En nú eftir allt þetta og eftir að hafa flæmt fjölda fólks úr flokknum í burtu þar á meðal hugssjónafólk sem sat á þingi fyrir flokkinn og svo rekið einn af ráðherrum flokksins úr embætti að kröfu ESB og Samfylkingarinnar af því að hann sýndi aðeins mótstöðu gegn þessum yfirgangi, þá spyrnir flokksforystan enn ekki við fótum, þess í stað lippast hún enn og aftur niður gagnvart ESB og Samfylkingunni.

Forystusauðurinn sjálfur forherðist bara í meðvirkninni og svikseminni og segir bara fullum fetum að aðildarviðræðurnar og aðlögunin sé bara í fínum gangi.

Þetta er náttúrulega hámark veruleika firringarinnar.

Honum myndi kannski fyrirgefast af einhverjum ef hann sæi að sér og viðurkenndi auðmjúklega sannleikann um þeta rugl og segði bara hreinskilnislega eins og nafni hans heitinn Hermannson sem sagði eitt sinn þegar hann var forsætisráðherra.

"Ég biðst bara afsökunar því að ég hef bara verið plataður í þessu máli"

[Elle_, 25.2.2012 kl. 18:36]

Steingrími yrði samt ekki fyrirgefið neitt, Gunnlaugur, hann var nefnilega jafn lyginn og óheiðarlegur í hinni svokölluðu ´endurreisn bankanna´ og seldi þar íslenska skuldara og að ÓGLEYMDU ICESAVE.  Og ég endurtek það sem ég hef oft sagt: Maðurinn á að vera rekinn úr flokknum (ef þeir ætla ekki bara að leggja flokkinn niður vegna eyðileggingar hans) með skömm ásamt nokkrum hjálparmönnum hans og farið með hann fyrir dómstóla með Jóhönnu og Össuri og co.

[Helga Kristjánsdóttir, 25.2.2012 kl. 20:43]

Hverjum er ekki sama um stjórnmál hvort A eða Z vinnur næstu kosningar,verandi orðin motta Evrópusambandsins. Er að skrifa með dynjandi hávaða frá "Superman" því ég er að passa einn þeirra sem ættu að erfa landið. Gjóa augum á ofurmennið,um leið og ég óska að við ættum einn slíkan,með göfugt hjarta,afl og vald,til að yfirbuga þessar forynjur,í stjórnarráðinu. MbKv.

[palli (IP-tala skráð) 26.2.2012 kl. 09:13]

VG fékk mitt atkvæði (í fyrsta sinn) í síðustu kosningum, eingöngu vegna andstöðu þeirra (haha) við ESB aðild.

Það mun aldrei gerast aftur. Steingrímur er lygari og svikari, og sidekick-gimpin hans ekki skárri.

Hver mun trúa einu orði sem vellur upp úr Steingrími hér eftir?? Maður þarf að vera alvarlega heilaskertu til að trúa þessum manni. Aldrei hafa jafnstór kosningaloforð verið svikin jafnfljótt.

Megi fjórflokkurinn drepast sem fyrst.

[Ásmundur Harðarson (IP-tala skráð) 26.2.2012 kl. 10:58]

Hvað vakir fyrir Ögmundi og öðrum órólegum Vinstri gærum að vilja ljúka viðræðunum fyrir lok kjörtímabilsins eftir að hafa tafið þær af fremsta megni?

Vilja þeir ekki góðan samning? Vilja þeir frekar að þjóðin sitji uppi með vondan samning? Varla eru þeir svo vitgrannir að halda að þeir geti þannig komið í veg fyrir aðild.

Samningurinn verður góður í augum almennings þó að honum ljúki fyrir lok kjörtímabilsins. Það eru hins vegar ástæða til að nostra við smáatriðin sem færir samningamenn hafa vit á. Það gæti orðið okkur dýrkeypt að gera það ekki.  

Svo óttast þeir auðviðað að kolfalla í prófkjöri fyrir að vilja slíta aðildarviðræðum sem er að ljúka.

[palli (IP-tala skráð) 26.2.2012 kl. 12:21]

Hey, Ásmundur. Troddu þessari lygaþvælu þinni þar sem sólin skín ekki.

Það eru allir búnir að sjá í gegnum þessar lygar ykkar. Þetta er aðlögunarferli. ESB segir það sjálft.

Þvílíkur andskotans hroki í þér og þínum.

Gott merki um þessa geðveilu í hausnum á þér er að þú heldur áfram og áfram og áfram að ummælast hérna, þótt það skili engum árangri. Þráhyggja á háu stigi. Stafar að nokkur vegna fullkomins greindarskorts.

Þú ert hálfviti með geðveilu. Til hamingju. Og hættu þessum lygaáróðri. Það er sorglegt til þess að vita að til séu jafn óhugnarlega heimskir einstaklingar og þú. Það er enginn að hlusta á þig. Enginn. Ekki einu sinni ESB aðildarsinnar. Þú ert einn á kassa æpandi áróðursorð og lygar.

Get ... a .... life!