Starfsmannaleigur, slysahætta og tilskipun ESB

Vinstrivaktin vill vekja athygli á góðri grein um starfsmannaleigur á Smugunni en þar segir meðal annars:

,,Verkalýðshreyfingin í Noregi mótmælti í gær samþykkt Evróputilskipunar um starfsmannaleigur með vinnustöðvun og mótmælum í stærstu borgum Noregs"

Þetta mál ætti að vera Íslendingum umhugsunarefni. Steinar Krogstad, aðalritari í félaginu Fellesforbundetí Noregi segir um þetta mál að því er fram kemur á Smugunni: 

,,Heilsa og öryggi útlendinganna er aukaatriði hjá þessum starfsmannaleigum, sem nota upp vinnuaflið á stuttum tíma og sækja sér svo nýtt fólk.  Hætta á vinnuslysum eru tíu sinnum meiri í þessum hópi og það eru langtum fleiri vinnutengt  banaslys meðal útlendinga, en annarsstaðar á norskum vinnumarkaði,”   segir Steinar. Í fyrra létust 54 í vinnuslysum í Noregi, nærri fimmtungur var af erlendu bergi brotinn. Fellesforbundet tilheyrir stækkandi hópi stéttarfélaga sem berst nú gegn samþykkt tilskipunar um starfsmannaleigur, sem þó átti að bæta stöðu útlendinganna sem flestir eru frá austur Evrópu.

Ástæðan fyrir harðnandi andstöðu í Noregi gegn tilskipuninni er mikil fjölgun starfsmannaleiga, svo mikil, að nýleg skýrsla frá De Facto sýndi að stærstu atvinnurekendurnir í byggingariðnaði í Ósló voru starfsmannaleigur en ekki norsk fyrirtæki með fastráðna starfsmenn. ,,Þetta virðist engan enda taka og þetta leiðir til félagslegra undirboða á vinnumarkaði og kemur í veg fyrir að hægt sé að fylgja eftir réttindum verkafólks og launþega.”

Þingflokkur Sósíalíska Vinstri flokksins á norska Stórþinginu hélt í vikunni ráðstefnu um tilskipunina. Þar varaði formaður flutningaverkamanna við því að tilskipunin gæti leitt til þess að flestar hindranir gegn Starfsfólki á vegum leigumiðlanna yrðu felldar niður. Það myndi rýra gildi norskra kjarasamninga."

Tengill á greinina í heild er hér:

http://smugan.is/2012/01/motmaeli-gegn-esb-tilskipun-um-starfsmannaleigur/

Athugasemdir

[Ásmundur Harðarson (IP-tala skráð) 19.1.2012 kl. 20:21]

Til að hafa áhrif á hvernig þessum málum er háttað verðum við að ganga í ESB.

Þar eð við erum í EES verðum við hlíta tilskipunum ESB án þess að geta haft nein áhrif á þær.

Vill Vinstrivaktin að Ísland segi upp EES-samningnum?

[Ómar Bjarki Kristjánsson, 20.1.2012 kl. 00:16]

það er nú ekkert nein furða að ykkur á svokallaðri vinstrivakt þyki grein á smugu góð. Skrifuðu þið hana ekki? Kæmi eigi á óvart. þó þið hefðuð bara skrifað greinina.

þess fyrir utan er þetta slök grein. Óupplýsandi svo af ber. Er þetta ekki bara eitthvað sem ,,Nei til EU" samtökin í Norge eru að skrifa? Joú, helst á því. Mjög hrá þýðing og öll í áráðursstíl löngu liðinna tíma. Auk þess dregur það greinina stórlega niður að engar tilvísanir eru í heimildir. Ekkert. það er ekki einu sinni sagt númerið á dírektífinu. þ.a.l. er augljóslega engin grunnvinna í greininni. Bara eitthvað svona propaganda 101 og valið að yrkja kringu þetta stef þennan daginn.

[Helga Kristjánsdóttir, 20.1.2012 kl. 04:35]

Lítið á tengilinn,það útilokar efið/n. Esb.er hryllingur,þjóðir engjast þar og vilja ráða sínum málum,en eru fastar í neti þess.

[Ásmundur Harðarson (IP-tala skráð) 20.1.2012 kl. 09:50]

Helga, ef þetta er einhver hryllingur þá breytir það engu fyrir okkur að ganga í ESB. Vegna EES-samningsins verðum við nú þegar að hlíta tilskipunum ESB.

EES-samningurinn hefur his vegar verið gífurlega ábatasamur eins og niðurstaða norsku sérfæðinganefndarinnar sýndi.

Staða okkar verður reyndar mun betri í ESB því að þá getum við beitt okkur gegn slíkum ákvæðum. Í dag verðum við að taka öllum tilskipunum frá ESB möglunarlaust.

[Elle_, 20.1.2012 kl. 15:00]

EES samningurinn er ekki það sama og vera í nýlenduveldabandalaginu þó Ásmundur endurtaki það þúsund sinnum.  Eitt er samningur sem við getum slitið og ættum að slíta.  Hitt er fullveldisafsal.  Og sammála Helgu.  Þið Brusselsinnar bara reitið af ykkur brandarana um galtómið. 

[Ásmundur Harðarson (IP-tala skráð) 20.1.2012 kl. 18:50]

Elle, hættu að bulla. Svona málflutningur er ekki fólki bjóðandi.

Að sjálfsögðu geta þjóðir sagt sig úr ESB ekki síður en að þær geta sagt upp EES-samningnum. Það segir hins vegar sína sögu að hvorugt hefur gerst.

Eftir tveggja ára rannsókn norskrar sérfræðinganefndar var niðurstaðan sú að mun meira fullveldissfsal fælist í EES-samningnum en ESB-aðild.

Í EES þurfum við að taka við tilskipunum frá ESB án þess að geta haft nein áhrif á þær. Í ESB tökum við fullan þátt í að móta þessar tilskipanir.

Með ESB-aðild munum við því endurheimta fullveldið að hluta.

[Elle_, 20.1.2012 kl. 19:39]

Nei, Ásmundur, þú ´hættir að bulla´.  Málflutningurinn ÞINN ´er ekki fólki bjóðandi´ og þannig verður minn á meðan þið eruð þarna skáldandi um ímyndað dýrðarveldið ykkar.  Nú dugar ekki lengur að lemja höfðinu í veggi og ætla að rökræða við þig.

[Elle_, 20.1.2012 kl. 19:47]

Og ég lofa að steinþagna ef þið hættið að troða þvættingi upp á okkur.  Við ætlum að halda fullveldinu.   Örugglega. 

[Ásmundur Harðarson (IP-tala skráð) 20.1.2012 kl. 20:37]

Elle, að sjálfsögðu veistu betur. Reglur ESB hljóta bara að hafa verið rangtúlkaðar af öllum hingað til.

Og norska sérfæðinganefndin hefur einfaldlega komist að rangri niðurstöðu eftir tveggja ára rannsókn.

[Elle_, 21.1.2012 kl. 14:19]

Hvað og hvar sagði ég nokkuð um það?   

[Ásmundur Harðarson (IP-tala skráð) 21.1.2012 kl. 22:31]

Elle, í síðustu athugasemd minni benti ég á að það væri rangt hjá þér að ekki væri hægt að ganga úr ESB.

Einnig benti ég á að tveggja ára rannsóknarstarf norskrar sérfræðinganefndar hefði leitt í ljós að fullveldisafsalið væri miklu meira með EES-samningnum en ESB-aðild og þess vegna myndum við endurheimta fullveldið að hluta með inngöngu í ESB.

Þú sagðir þetta vera þvætting. Það er ekki hægt að skilja það öðruvísi en að þú teljir þig vita betur en norska sérfræðinganefndin og að þú túlkir lög ESB um úrgöngu úr sambandunu á annan hátt en aðrir.