Kostnaður við ESB umsóknina og barnaskapur RÚV

Ríkisútvarpið birti í vikunni útreikninga sína á heildarkostnaði íslenska ríkisins vegna aðildarviðræðna við ESB. Niðurstaða RÚV er að 100 milljónir hafi fallið til verkefnisins fyrstu 9 mánuði ársins 2011. Þar af hefur ferlið kostað forsætisráðuneytið 18 þúsund krónur íslenskar á nefndu tímabili eða sem svarar 2000 krónum á mánuði.

Þessu fylgdi að vonum nokkur fögnuður hjá fréttalesara yfir því hvað þessi útgjöld væru nú miklu lægri en menn óttuðust. Það væri óskandi að hér væri rétt farið með en með sömu reiknikúnstum mætti komast að því að heildarkostnaður við allan rekstur ríkissjóðs næmi um 5000 milljónum króna á komandi ári. Hið rétt er um það bil 100 sinnum hærri tala eða liðlega 500.000 milljónir króna.

Fyrsta kórvilla Ríkisútvarpsins er reikna aðeins beinan og sérstaklega gjaldfærðan kostnað við ESB umsóknina sem til fellur inni á skrifstofum ráðuneytanna á Íslandi. Ef litið er á fjárlög þá sést að innan ráðuneytanna fellur til um 1% af heildarkostnaði ríkissjóðs (5014 milljónir á árinu 2012) og það er hreint ekki ósennilegt að um 1% af ESB kostnaði Íslands falli einnig til í ráðuneytunum. Raunkostnaður þjóðarinnar vegna ESB fyrstu 9 mánuðina nemur þá ekki 100 milljónum heldur óvart tíu milljörðum.

Sú tala er þó líklega vel helmingi of lág því fréttastofan gerir enga tilraun til að reikna hluta af launakostnaði ráðuneytanna til ESB málsins. Sem fyrr segir er kostnaður forsætisráðuneytisins vegna ESB talinn 18 þúsund krónur en sú tala nær ekki einu sinni yfir kaffikostnað ráðuneytisins vegna ESB! Fjölmargir rýniskýrslufundir og kurteisisfundir eru haldnir vegna ESB í öllum ráðuneytum og öll laun vegna funda eru með einum eða öðrum hætti borguð af almenningi. Útgjöldin eru ekki lægri ef fundarmenn eru opinberir starfsmenn heldur þvert á móti því það er ríkið sem kostar hina opinberu.

Sem dæmi þá er algengt að kostnaður vegna eins manns sem situr fund fyrir stofnun eða hagsmunasamtök séu um 30 - 60 þúsund krónur. Meira ef um sérfræðing er að ræða. Bara í sérstökum samningahópum vegna aðildarferlisins eru nokkur hundruð manns og þeir hópar funda nokkrum sinnum á ári þannig að bara beinn fundakostnaður hleypur á nokkur hundruð milljónum. Þar við bætist kostnaður við það sem gerist milli funda.

Þessi ólánlega reikniskekkja Ríkisútvarpsins er því klaufalegri fyrir það að fréttamanni sem vann fréttina var í Sjávarútvegs- og landbúnaðarráðuneyti bent á það að meginhluti kostnaðar lægi í launaútgjöldum og að mestur hluti félli til utan ráðuneytanna. Í tilviki sjávarútvegs- og landbúnaðarráðuneytis í undirstofnunum ráðuneytisins.

Hinn ESB sinnaði fréttamaður RÚV sem kætist yfir barnalegri niðurstöðu sinni minnir óneitanlega á kollegana í Norður Kóreu sem grétu í beinni útsendingu við fráfall hins mikla Kim Jong Il. / -b.

Athugasemdir

[Jonas kr (IP-tala skráð) 8.1.2012 kl. 16:03]

"Raunkostnaður þjóðarinnar vegna ESB fyrstu 9 mánuðina nemur þá ekki 100 milljónum heldur óvart tíu milljörðum."

Hvernig væri að sýna einhverja útreikninga í staðin fyrir að koma með svona rugl. Hafið þið enga sómatilfinningu?

[Gunnlaugur Ingvarsson (IP-tala skráð) 8.1.2012 kl. 21:14]

@ Jonas.

Mér sýnist nú greinarhöfundur einmitt sýna ágætlega fram á að þessar litlu 100 milljónir séu lítið annað en grín og yfirborðslegur og hlægilegur áróður í besta falli.

Auðvitað er kostnaðurinn við þessa ESB umsókn miklu, miklu meiri.

RUV gerir enga tilraun til þess að taka á málinu af neinni alvöru.

Að kostnaður forsætisráðuneytisins sé t.d. aðeins 18.000 krónur eða 2000 krónur á mánuði s.l. níu mánuði, sér hver maður að er auðvitað helbert rugl. Nær ekki einu sinni kaffikostnaði yfir 1 viku vegna fundahalda um ESB hvað þá símakostnaðinum yfir einn dag.

Enginn tilraun var gerð til þess að reikna út laun samninganefndanna eða rýnifundanna fjölmörgu eða að skoða vinnustundir einstakra undirstofnaana ráðuneytanna, þar sem aðal vinnan við umsóknina og aðildarferlið hefur farið fram.

Ekki var heldur reynt á heildstæðan og gagnrýninn hátt reynt að ná utan um heildarvinnustunda fjölda og heildar launakostnað beinna starfsmanna ráðuneytanna.

Aðeins tekinn eitt eða tvö léttvæg dæmi.

Það er aukunnarvert og umhugsunarefni fyrir fólkið í landinu að hinn svo kallaði hlutlausi fjölmiðill allra landsmanna RUV skuli taka þetta mál slíkum hlægilegum lausatökum og að því er virðist helst í beinum áróðurskyni fyrir íslenska ESB Trúboðið !

Ég legg til að Alþingi feli Ríkisendurskoðun að gera alls herjar úttekt á það hvað ESB umssóknin hefur kostað okkur, hingað til og reyna að áætla kostnaðinn ef samninga- og aðlögurnarferlinu verður framhaldið.

Þá verður auðvitað aldrei hægt að reikna inn allt það gríðarlega tap sem öll þjóðin hefur orðið fyrir beint og óbeint vegna sundurlyndis Ríkisstjórnarinnar, Alþingis og þjóðarinnar allrar, vegna þessa óláns máls.

[Ásthildur Cesil Þórðardóttir, 8.1.2012 kl. 22:46]

Barnaskapur rúv??? Nei meðvirkin og undirlægjuháttur fyrir þeim sem ráða.   Ekkert flóknara en það.  Þeir vita betur.

[Ásmundur Harðarson (IP-tala skráð) 9.1.2012 kl. 10:01]

Það er greinilegt að andstæðingar ESB-aðildar vilja kostnaðinn af umsókninni sem allra hæstan.

Þeir vilja ekki að ESB greiði kostnaðinn að hluta eins og hefðbundið er auk þess sem þeim er mikið í mun að hann sé nú þegar sem allra hæstur.

Til að átta sig á þessum kostnaði þarf meðal annars að liggja fyrir hve margir hafa verið ráðnir vegna ESB-umsóknarinnar, í hve miklum mæli laus tími annarra hafi verið nýttur og að hve miklu leyti hafi verið hægt að fresta öðrum verkum til að nýta starfsfólkið sem fyrir er.

Ásamt öðru sýnir þessi kostnaður, hver sem hann er, hve fáránlegt er að hætta aðildarferlinu núna. Það væri burtkastað fé.

Með andstöðu sinni við að ESB greiði þennan kostnað að hluta sýna nei-sinnar vilja til að varpa gífurlegum kostnaði yfir á skattgreiðendur. Auk þess auka þeir líkurnar á að samningarnir sem þjóðin samþykkir að lokum verði ekki eins góðir og ella.

Hafi þeir skömm fyrir. Þjóðin ætti að muna í kosningum að hér fer lið sem fátt er heilagt. Þeir eru jafnvel tilbúnir til að auka verulega byrðar skattgreiðenda án þess að þeir fá neitt í staðinn.    

[Anna Ólafsdóttir Björnsson, 9.1.2012 kl. 11:33]

Reyndar erum það við, ESB-andstæðingar, sem viljum sem minnstan kostnað í ESB-viðræður, við viljum nefnilega hætta þeim.

[Ásthildur Cesil Þórðardóttir, 9.1.2012 kl. 11:40]

Einmitt Anna.

[Ásmundur Harðarson (IP-tala skráð) 9.1.2012 kl. 15:22]

ESB-andstæðingar vilja ekki að ESB taki þátt í hluta kostnaðarins þó viðræðurnar verði til lykta leiddar og síðan kosið eins og til stendur. Þeir vilja varpa þeim kostnaði yfir á skattgreiðendur. Þannig vilja þeir einnig stuðla að verri samningi en ella.   

Umsóknin hefur verið samþykkt á Alþingi og innan beggja ríkisstjórnarflokkanna. Næstum tveir af hverjum þrem  landsmanna vill halda viðræðunum áfram og kjósa skv nýjustu skoðanakönnun Capacent Gallup.

Það virðist því skorta verulega á virðingu fyrir lýðræði hjá þeim sem þrýsta á að hætta viðræðunum. Tilburðirnir hjá mörgum flokkast frekar undir tilraun til ofbeldis þar sem blekkingaráróðri er beitt óspart. Það á þó alls ekki við um athugasemd Önnu Ólafsdóttur Björnsson.

Ég er hræddur um að enginn sparnaður felist í að hætta núna. Hætt er við að ESB muni þá ekki vera tilbúið til að taka þátt í kostnaði vegna hringlandaháttarins  þó að það greiði fúslega stóran hluta kostnaðarins ef við ljúkum ferlinu. Engu breytir hvort svarið verður já eða nei.

[Helga Kristjánsdóttir, 9.1.2012 kl. 15:26]

Rétt stúlkur! "Fátt heilagt" Ásmundur o,jæja,það er þá mjög stórt og mikilvægt;land okkar og þjóð með fullveldi frelsi og hamigju.

[Elle_, 9.1.2012 kl. 16:38]

Ásmundur, ´blekkingarnar´, ´forherðingin´, ´ofbeldið´, ´ólýðræðið´, ´yfirgangurinn´ er YKKAR sem ´þrýstuð´ umsókn ólýðræðislega í gegn.  Kemur okkur fullveldissinnum sem viljum stoppa blekkingar og yfirgang ykkar ekki við.  Persónulega HARÐNEITA ég þessum endalausu lygaásökunum. 

Hver ert þú að skipta okkur í hópa?: Nei, Anna ekki meðtalin að þínum háa herra dómi?   Og stimpla ykkar yfirgang á nokkur okkar, líka oft á höfunda Vinstrivaktarinnar??   L

Færa má rök fyrir að hið eilífa ´paranoju´ og ´phóbíu´ og ´vanmáttarkennd gagnvart útlendingum´ - tal þitt segi allt um þig sjálfan.  Kannski þú óttist svona að búa í fullvalda landi?  Kannski þú óttist 92% heimsins sem stendur utan Brusselveldisins?  Kannski þó óttist 58% Evrópu sem stendur utan Brusselveldis Frakklands og Þýskalands?  Evrópusambandið þitt ER EKKI SAMA OG EVRÓPA.   

[Ásmundur Harðarson (IP-tala skráð) 9.1.2012 kl. 16:40]

Dæmigert fyrir ESB-andstæðinga. Almennt eru þeir í mikilli afneitun.

Nú neita þeir að horfast í augu við tilraunir sínar til að varpa kostnaði, sem ESB á að greiða, yfir á íslenska skattgreiðendur.

Fleiri dæmi eru af svipuðu tagi eins og styrkurinn til eiturefnarannsókna í matvælum að kröfu EES sem var hafnað vegna afstöðu Jóns Bjarnasonar.

[Elle_, 9.1.2012 kl. 17:07]

´Afneitun´ hvað?  Blessaður farðu nú að hætta að troða gerðum ykkar og vitleysu upp á okkur hin.  VIÐ sóttum ekki um fullveldisafsal inn í fransk/þýska veldið ykkar.   VIÐ vildum það alls ekki.  VIÐ vorum ekki spurð og viljum þ.a.l. EÐLILEGA að ruglið YKKAR verði stoppað og eyðslan í það þar með.

[Elle_, 9.1.2012 kl. 17:20]

Og loks á að færa Jóhönnu og Össur og meðhlaupara fyrir landsdóm eða sakadóm og krefja þau um fullar bætur í ríkissjóð fyrir andlega ofbeldið gegn stórum hluta landsmanna og sóunina á skattpeningum okkar í þeirra fransk/þýska-einkamál.  Guð hjálpi þeim ef ICESAVE hefði komist í gegn. 

[Ásthildur Cesil Þórðardóttir, 9.1.2012 kl. 17:45]

Heyr Heyr! Elle.

[Ásmundur Harðarson (IP-tala skráð) 9.1.2012 kl. 21:59]

Elle, að neita því augljósa án rökstuðnings er ekki málstaðnum til framdráttar.

Að varpa ásökunum yfir á andstæðinginn er ekki bara ófrumlegt heldur ótrúlega hallærislegt.

Af tillitssemi við ESB-andstæðinga með meðalgreind og þar yfir þarftu að gera betur eða hætta ella.

[Elle_, 9.1.2012 kl. 23:02]

Greyið haltu ´blekkingunum´ og ´rangfærslunum´ og ´skilningsleysinu´ fyrir þig sjálfan.  Haltu þínum blekkinga-landsölu-lygavaðli í burtu frá heiðarlega fullveldissinnuðu fólki.  Skítlegt níð kanntu vel og einn mesti orðsóði landsöluliðsins.  Skilaðu pennanum hennar Jóhönnu sem kom beint frá Stefan Fule.  Það eru ekki nein rök fyrir að við ættum að gefa okkur á vald gömlum evrópskum nýlenduveldum undir fransk/þýskri yfirstjórn.