Mikil átök um framtíð ESB: Áfram gakk! Eða til baka snú?

Inn í hvers konar ESB er Össur að leiða okkur? Þegar eru mikil átök hafin: Merkel kanslari heimtar stóraukið fullveldisframsal aðildarríkja. En Cameron vill snúa þróuninni við, a.m.k. hvað Breta varðar, og hvetur til þess „að láta völdin renna aftur heim í stað þess að flæða á brott“ til Brussel.

 

Átökin um framtíð ESB náðu nýjum hæðum s.l. sunnudag. Angela Merkel sagði þá á þingi flokks síns, CDU að þörf væri á miklu meiri miðstýringu og samruna í valdakerfi ESB og „skapa yrði pólitíska einingu“ en með því hugtaki er almennt átt við framsal fullveldisréttinda aðildarríkja  í svo stórum stíl að lokatakmarkinu í samrunaferli ESB verði náð og myndað verði formlegt  og voldugt sambandsríki.

 

Hún rökstuddi þessa skoðun sína með því að það ástand mála  væri það versta sem skapast hefði síðan heimsstyrjöldinni síðari lauk. Þingmaður CDU, Ralph Brinkhaus, sem sæti á í fjárhagsnefnd þingsins túlkaði orð Merkel með þeim orðum að nú yrði að styrkja ESB því að annars myndi það deyja. Þess vegna væri Þýskaland nauðbeygt til að framselja fullveldisréttindi sín.

 

En sama dag hélt Cameron hátíðarræðu í veislu borgarstjóra Lundúna. Málflutningur hans gekk í þveröfuga átt. Hann boðaði minni miðstýringu frá Brussel og aukið sjálfstæði hvers aðildarríkis. Hann gagnrýndi ESB harkalega og sakaði forystumenn þess um að þá „skorti veruleikatengsl

sem birtist í því að  stofnanir þess krefðust aukinna framlaga um leið og borgurunum væri sagt að herða mittisólina. En vandi sambandsins væri einnig tækifæri til að stokka upp spilin.

 

„Hvað Bretland varðar, tækifæri til að láta völdin renna aftur heim í stað þess að flæða á brott [til Brussel] og fyrir ESB til að einbeita sér að því sem raunverulega skiptir máli. Innan Íhaldsflokksins er öflugur hópur sem vill draga úr Evrópusamstarfinu og jafnvel yfirgefa ESB. Einnig hefur Sjálfstæðisflokkur Bretlands, UKIP, sem vill úrsögn, reytt nokkurt fylgi af íhaldsmönnum.“ (Mbl. 16/11)

 

Angela Merkel og David Cameron héldu fund í Berlín í gær (föstudag 18. nóv.) um efnahagsvandann sem ógnar evru-svæðinu. Þau ræddu einkum um þá tillögu Þjóðverja að lagður verði skattur á alla fjármálastarfsemi innan ESB í því skyni að koma evrunni og skuldugum evruríkjum til bjargar. Niðurstaða fundarins var þó engin því að Cameron hélt því fram að skatturinn legðist með langmestum þunga á fjármálafyrirtæki í Bretlandi og þá einkum í London sem er ein helsta fjármálamiðstöð heimsins. Afstaða Breta er sú að þess háttar skattur verði að leggjast á fjármálastarfsemi um allan heim ef Bretar eigi að taka þátt í skattlagningunni.

 

En fyrir áróðursmeistara Samfylkingarinnar er gott að rifja það upp í leiðinni, vegna þess að þeir hafa verið iðnir við að telja þjóðinni trú um að með upptöku evru fengju Íslendingar lánveitanda til þrautavara ef íslenskir bankar lentu í vanda, að einmitt þessa dagana notar Angela Merkel hvert tækifæri til að minna á að seðlabanki ESB er ekki og má ekki verða lánveitandi til þrautavara fyrir banka ESB-ríkja. „Hún vill heldur ekki að hann fái að gefa út ríkisskuldabréf fyrir evrusvæðið til að liðsinna aðildarríkjum í vanda. Ástæðan er augljós: mikil andstaða við þessar hugmyndir meðal Þjóðverja.“ (Mbl. 16/11)

 

Eins og sjá má af ummælum þeirra Merkel og Cameron mætast hér stálin stinn. Svo gæti farið að Bretar létu sér það eitt nægja að eiga aðild að innri markaði ESB á meðan Frakkar og Þjóðverjar hefðu forgöngu um stofnun stórríkis sem bæri nafnið Bandaríki Evrópu. En í hvaða átt vísa þau Íslendingum veginn,  Jóhanna og Össur? Það veit enginn! Sennilegast er að þau viti það ekki sjálf.

Ragnar Arnalds

Athugasemdir

[Björn Emilsson, 19.11.2011 kl. 15:43]

Ragnar, Það eru ekki bara Jóhanna og Össur, Formaður þinn Steingrímur J. hefur örlög Islands sem sjálfstæðs ríkis í höndum sér.

[Elle_, 19.11.2011 kl. 18:07]

En flokkar og stjórnmálamenn ráða þessu bara ekki.  Og þar fyrir utan höfðu engir flokkar eða stjórnmálamenn neitt leyfi úr stjórnarskrá eða leyfi þjóðrinnar til að standa í þessu rugli. 

Sem hefði verið jafn hættulegt og jafn vitlaust þó miðstýringarsambandið væri enn eins og það var í júlí, 09.  Það er lykilatriði að þeir sem fara með æðsta vald mundu hafa getað gert það sem þeir vildu gegn sambandsríkjunum, ef ekki núna, þá bara seinna.  

[Þorsteinn Halldórsson (IP-tala skráð) 20.11.2011 kl. 00:19]

BLah, blah, blah......get a life and this time start thinking......

[Kristján B Kristinsson (IP-tala skráð) 20.11.2011 kl. 00:21]

David Cameron veit alveg hvað hann syngur í þessum efnum vonandi hefur hann styrk til að standa uppi í hárinu á Evro-Brussel elítunna, gleymum því ekki að orð Wolfgang Schäuble, fjármálaráðherra þýskalands í gær hljómuðu eins og dulbúin hótun í garð Breta.

[Þorsteinn Halldórsson (IP-tala skráð) 20.11.2011 kl. 00:30]

Bretar eru margir eins og bandríkjamenn og halda að það sé ekkert að hjá þeim og pundinu og dollar........en það eru erfiðleikar þar líka. Pressan er á ESB núna en hvað svo....það á eftir að skiptast á en samt er evran en á milli 130-145 á móti $.

Við erum en með virðislausa kr og hefur hún ekkert bjargað mér þar sem allt sem ég átti á banka er farið og lán komið í vitlausar hæðir....takk Verðtrygging. 

[Elle_, 20.11.2011 kl. 00:50]

Málið snýst ekki um peninga, heldur FULLVELDI, Þorsteinn. 

[Helga Kristjánsdóttir, 20.11.2011 kl. 03:06]

      Tek undir með þér Elle,FULLVELDI.