Stoltenberg jarðar nánast norska ESB-drauminn!

„Ég ætla að eyða lífi mínu til gagnlegri hluta en þá að fá evruna til Noregs" sagði forsætisráðherra Noregs í gær. Þar með jarðaði hann nánast draum norskra ESB-sinna um evru en einnig drauminn um ESB-aðild því að sérhvert land sem nú sækir um aðild er jafnframt skuldbundið til að taka upp evru ef til aðildar kemur.

Segja má að yfirlýsing Stoltenbergs marki tímamót í norskri sögu eftir 40 ára átök þar í landi um hugsanlega aðild að ESB (áður aðild að EB og EBE, fyrirrennurum ESB). Í viðtali sagði formaður Nei til EU í Noregi, Heming Olaussen, um yfirlýsingu forsætisráðherrans:

„Ég hef ekki heyrt Stoltenberg ræða áður um evruna. Þetta merkir að hann hefur gefist upp í ESB-málinu. Nú er því útlit fyrir að það sé einungis Hægriflokkurinn sem áfram vill að Noregur gangi í ESB".

Það var dagblaðið Klassekampen sem hafði þessi athyglisverðu orð eftir forsætisráðherranum í gær (15. okt.) en hann var þá að koma af fundi norska seðlabankastjórans og forstjóra fjármálaeftirlitsins þar sem rætt hafði verið um stöðu alþjóðlegra efnahagsmála. Í frétt blaðsins eru ummæli Stoltenbergs þannig orðuð:

„Det er et sammensatt bilde, men jeg kommer til å bruke mitt liv på mer fruktbare ting enn å arbeide for at Norge skal ha noe med euroen å gjøre, var Stoltenbergs tørre kommentar til Klassekampen i går."

Í fyrradag sögðum við hér á síðunni frá viðhorfum Trond Giske, efnahags- og viðskiptaráðherra Noregs, til evrunnar en hann sagðist vera því feginn að Noregur hefði ekki gengið inn í evrusamstarfið.

Jens Stoltenberg er formaður norska Verkamannaflokkins, bræðraflokks Samfylkingarinnar, og Trond Giske er ráðherra fyrir sama flokk. Verkamannaflokkurinn hefur lengi stutt ESB-aðild en þó hefur lengi verið sterkur andstöðuarmur í flokknum gegn aðild. Þessi nýju tíðindi í Noregi hljóta að vera lærdómsrík fyrir forystumenn Samfylkingarinnar sem halda áfram að berja hausum sínum við steininn og tala um evruna sem sinn æðsta draum, eins og ekkert hafi gerst eða breyst seinasta árið.

Athugasemdir

[Gunnlaugur Ingvarsson (IP-tala skráð) 16.10.2011 kl. 18:36]

En hvar er andstöðuarmur Samfylkingarinnar við ESB aðild.

Samfylkingin og þeirra einangraða ESB trúboð líkist æ meir Kommúnistaflokki Austur- Þýskalands þar sem öll andstaða við rétttrúnaðinn og forherta forystuna var rækilega haldið niðri!

[Jón Steinar Ragnarsson, 16.10.2011 kl. 20:19]

Það verður semsagt bið á því að RÚV dragi Stoltenberg í viðtal eina ferðina enn til að mæra ESB aðild. Nú eiga þeir bara Úffa Elleman eftir.

Nú fýkur í flest skjól.

Þetta er rétt hjá Gunnlaugi hér að ofan...Það er bannað að hafa aðra skoðun en forsætisráðherra í Samfylkingunni.  Hef heyrt margan vitnisburðinn um það. 

[Jón Frímann Jónsson, 16.10.2011 kl. 20:20]

Geta andstæðingar ESB á Íslandi þá bara ekki flutt til Noregs og lifað þar í einangrunni í friði. Þá í einhverjum firðinum á afskekktum stað langt frá siðmenningunni og samvinnu.

[Jón Steinar Ragnarsson, 16.10.2011 kl. 20:38]

Jón Frímann...þú býrð á Grundarfirði er það ekki?

[Jón Frímann Jónsson, 16.10.2011 kl. 20:42]

Jón Steinar, Nei. Ég bý ekki á Grundarfirði, sem betur fer. Innan nokkura mánaða mun ég ekki búa á Íslandi.

Sem betur fer.

[Jón Steinar Ragnarsson, 16.10.2011 kl. 20:48]

Jæja...Þú bjóst í ESB og flúðir heim.  Er ekki réttara að þið þessi 30% ESB trúarköltsins flytjið burt en að 70% flytji til afdala Noregs?  Hvað finnst þér?

Þú ert væntanlega að flytja aftur til ESB er það ekki? Svona til að verða vitni að nýju hruni. Alltaf í eldlínunni minn maður.

[Jón Frímann Jónsson, 16.10.2011 kl. 21:11]

Jón Steinar, Svona áður en þú ferð að væla útaf hneikslun vegna þess að ég skuli stinga upp á því að þið andstæðingar ESB á Íslandi drullið ykkur frá Íslandi. Þá skal það koma fram að þetta er nákvæmlega það sama og þið segið við stuðningsmenn ESB aðildar á Íslandi. Bara segið þeim að drulla sér til ESB lands.

Ég "flúði" ekki neitt aftur til Íslands. Það kom upp mjög erfitt fjármálavandamál sem þurfti að leysa, og eina leiðin til þess að leysa þetta vandamál almennilega og í eytt skipti fyrir öll var með því að flytja til Íslands. Vandamálið er núna í eðliegri vinnslu og verður að fullu og að eilífu leyst í Febrúar 2012. Við það hefst undirbúningur að flutningi aftur til Danmerkur til nokkura ára áður en varanleg búseta verður tekin upp í einu af sólarlöndum Evrópu (sem er í ESB og notar evru þar að auki).

Það hefur komið fram í fréttum að meirihluti íslendinga er að flytja til annara landa er Noregs. Þó eru auðvitað margir íslendingar sem flytja til Noregs í olíugóðærið þar (eða íslendingar almennt halda að þetta sé góðæri hjá Norðmönnum sem mun halda endalaust áfram, ekkert slíkt mun gerast í raunveruleikanum).

Ég mun verða vitni að nýju hruni á Íslandi eftir næstu kosningar til Alþingis. Það hrun verður í boði ESB andstæðinga. Sem eins og fyrri dagin munu ekki hafa neinar málsmætur eða rök fyrir því sem þeir gera og segja.

[Ólafur Björn Ólafsson, 16.10.2011 kl. 22:36]

Jón Steinar Ragnarsson, þú varst að spurja Jón Frímann hvort hann byggi á Grundarfirði... Ég man ekki eftir honum þar en þó gæti hann hafa verið innilokaður í einhverju húsinu þarna án þess að ég vissi af. Tek fram að á Grundarfirði er ég alinn upp...

En við Jón Frímann get ég sagt að góðir hlutir gerast enn, sérstaklega ef hann kemst á draumastaðinn sinn í einhverjum esb-hreppnum. Vona ég þó heitt og innilega að ekki takist að breyta Íslandi í útnárahrepp í þessu ríki spillinga og hruns sem esb er orðið að...

Með kveðju

Kaldi

[Dagga (IP-tala skráð) 17.10.2011 kl. 04:50]

Yndislegt að Jón Frímann skuli vera á leiðinni út aftur. Honum líður svo illa hérna enda við ekki í ESB. Hvernig hann leysti fjárhagsvandamál með því að koma aftur heim veit ég ekki! Hélt þú værir ekki í vinnu Jón Frímann.

Það er líka gott fyrir strákinn að læra nýtt tungumál. Hann er stundum svo orðljótur á móðurtungunni. Ég ætti kannski að segja eins og Jón " Drullaðu þér til" Danmerkur. Já ég held ég láti það bara standa.

[Ómar Bjarki Kristjánsson, 17.10.2011 kl. 09:50]

Klassekampen er bara óáræðanleg heimild. Í þessu tilfelli verður að fá aðra sjálfstæða heimild um efnið. Annars er það merkingarlaust. Auk þess sem það er rangt hjá Klassekampen að segja að þar með geti ekki verið aðild að EU í kortunum fyrir Noreg. Sést best á Svíþjóð. Noregur er auðvitað í allt annarri stöðu en Íslanbd með sinn gjaldmiðil. Heill olíusjóður í bakköppi.

Almennt um þessa svokölluðu ,,vinstri vakt" - að þá er þetta nánast alveg eins og heimssýnarsíðan. Svona almennt. Einkennist af ómálefnaheitum.

Síðasti pistill Heimssýnar fjallaði um að Ísland væri ,,10%" aðili að EU í gegnum EES. Og hefur þá hækkað frá ,,6.5%" uppleggi Davíðs Oddssonar hérna um árið.

Er svokölluð ,,vinstri vakt" sammála þessu?

(Það er einfaldasti mælikvarði á málefnalegheit í samb. við EU umræðu þetta atriði. því eins og vitað er og allir sem kynna sér mál vita að þá er Ísland um 80% aðili að EU gegnum EES - án áhrifa. Formleg og full aðild snýr því að miklu leiti um að Ísland fær sæti við borðið og eykur þar með fullveldi sitt og sjálfstæði.)

[Ásthildur Cesil Þórðardóttir, 17.10.2011 kl. 10:10]

Já! Ómar eigum við nokkuð að ræða um Evrópuvaktina eða hvað sú síða nú heitir þar sem Steini Briem og Jón Frímann eru hrygglengjan í innleggjum?

Annars er strákurinn að norðan Skagaströnd minnir mig. 

[Elle_, 17.10.2011 kl. 11:05]

Við höfum nú ekki sagt neinum að ´drulla´ sér neitt, eins og Jón Frím. orðar það.  Það væri þó æskilegt að þið, MINNIHLUTINN, sem viljið draga landið eftir hafsbotninum með valdi, farið sjálf yfir hafið. 

[Ómar Bjarki Kristjánsson, 17.10.2011 kl. 11:09]

Ojæja læt eg það vera. það eru nú ýmsir sem pára á EU bloggið:

http://evropa.blog.is/blog/evropa/entry/1198305/

Dísös.

[Elle_, 17.10.2011 kl. 11:12]

Og mest af brottfluttum Íslendingum hafa flutt til Noregs þó Jón Frím. snúi þessu á haus og villi um með orðunum: - - - Það hefur komið fram í fréttum að meirihluti íslendinga er að flytja til annara landa er Noregs. - - -
Jón Frímann Jónsson, 16.10.2011 kl. 21:11

[Ómar Bjarki Kristjánsson, 17.10.2011 kl. 13:15]

Virkar í og með sem létt djók hjá Stolta. Að hann hefur áður sagt eða bent á, réttilega, að efnahagsvandamál í evrópu séu ekki bundin við evruna þar sem Bretland og US eigi líka í efnahagsvandræðum - og ekki séu þau með evruna. Hann hefur stundum nefnt Ísland líka.

Að merkingin þarna virðist vera sú, að Noregur hafi ekkert um evruna að segja eða geti ekkert haft áhrif á hana og hann ætli að sýsla við meir ávaxtaberandi hluti en að halda því fram. Skiljanlega enda Noregur ekkert með Evru.