Eistar sjá eftir því að hafa tekið upp evru

Á sama tíma og Össur og Jóhanna hamast við að koma okkur í ESB með evruna sem tálbeitu sýnir nýleg könnun að Eistlendingar, nýjustu notendur evrunnar, fúlsa við henni. Skýr meiri hluti þar í landi virðist bersýnilega sjá eftir því að hafa tekið upp evru. 55% þeirra segjast nú myndu kjósa gegn því að sameinast evrusvæðinu ef kosið væri um það. Aðeins 17% eistnesku þjóðarinnar telja að upptaka evrunnar hafi að öllu leyti verið hagkvæm.

Þessi nýjasta skoðanakönnun í Eistlandi felur ótvírætt í sér aðvörun til okkar hér á Íslandi að láta ekki glepjast af yfirborðslegum áróðri ESB-sinna sem óspart hafa reynt að nýta sér bankahrunið og áhrif þess á íslensku krónuna til að reka áróður fyrir upptöku evru.

Eistar efins um gildi evrunnar