200 kílómetra lagaræma

 

Eyvindur Erlendsson leikstjóri og rithöfundur var ötull baráttumaður gegn EES samningnum á sínum tíma og benti þá á að ef einhver sturtaði vörubílsfarmi af pappír í garðinn hjá þér og færi fram á að þú læsir pappírinn og tækir svo afstöðu væri aðeins til eitt heiðarlegt og skynsamlegt svar. Það er nei.

Enginn vafi er nú á því að EES reglurnar (sem enginn hjá lítilli þjóð hafði tíma til að lesa með tilliti til íslenskra hagsmuna) komu okkur í koll í bankahruninu. ESB málið er í engu frábrugðið þessu og nýleg úttekt á breska vefnum Open Europe (http://www.openeurope.org.uk/) varpar nýju ljósi á málið.

Það hefur lengi verið haft fyrir satt að lagasafn ESB (allar gerðir sambandsins) telji 80 þúsund blaðsíður. Athugun Open Europe leiðir aftur á móti í ljós að þessi tala er miklu hærri og aukningin í útgáfu hefur verið gríðarleg síðustu 10 árin.

Frá upphafi eða árinu 1957 telur allt lagasafn ESB 666.879 blaðsíður. Ef marka má gögn sambandsins sjálfs er talið að 26% af öllum gerðum gerðum ESB séu virkar á hverjum tíma, það gerir þá 170 þúsund blaðsíður eða meira en tvöfalt það sem almennt er talað um.

Ef blöðunum er raðað hverju upp af öðru meðfram vegi þá ná þau úr Árbæjarbrekkunni austur fyrir Selfoss. Í stafla verða þessar sömu gerðir meira en 11 metra hár turn.

En þó að aðeins um 26% gerða ESB séu taldar hafa gildi koma þær allar til álita þegar litið er til álitamála og þá er blaðabundinn nokkru stærri eða sem samsvarar um 200 kílómetra langri ræmu meðfram þjóðveginum og slagar í Hallgrímskirkjuturn sé öllu staflað upp. Og reglugerðunum fjölgar hratt, svo hratt að sérfræðingar reikna með að blaðsíðutala gildandi laga og reglna verði um 300 þúsund fyrir árið 2020.

Er sennilegt að slíkt reglufár verði einhverju samfélagi til framdráttar?

Athugasemdir

[Jón Frímann Jónsson, 4.10.2011 kl. 21:57]

Ef að allt bullið sem kemur frá andstæðingum væri sett á pappír og staflað. Þá værum við öll saman dauð. Bæði úr plássleysi og vegna þess að ekki væru neinir skóar til eftir á Jörðinni.

Enda er bullið í andstæðingum Evrópusambandsins endalaust og óþrjótandi uppspretta þessa dagana. Uppspretta sem er jafnt í senn skaðleg og heilsuspillandi geðheilsu og gáfnafari venjulegs fólks.

[Jón Frímann Jónsson, 4.10.2011 kl. 21:57]

Afsakið, þarna á að standa "frá andstæðingum Evrópusambandsins væri sett á ...".

[Haraldur Hansson, 4.10.2011 kl. 23:38]

Í bæklingi frá ESB Understanding Enlargement segja þeir að það sé villandi að tala um "samningaviðræður" því innganga snúist eingöngu um aðlögun og að taka upp 90.000 síðna regluverkið:

First, it is important to underline that the term “negotiation” can be misleading. Accession negotiations focus on the conditions and timing of the candidate’s adoption, implementation and application of EU rules – some 90,000 pages of them.
 

Hér eru yfir 10.000 dómar með fordæmis- og/eða lagagildi ekki meðtaldir. Þetta er á bls. 9 í bæklingnum, efst til hægri.