Var aldrei neitt í erminni, Ögmundur!?

Ögmundur Jónasson lýsti því yfir í sumar að við óbreytt ESB ferli yrði ekki unað og krafðist niðurstöðu á þessu kjörtímabili. Helst ESB-kosninga strax þar sem beint yrði spurt um aðild! Katrín Jakobsdóttir og Svandís Svavarsdóttir tóku undir. Sama hefur Guðfríður Lilja Grétarsdóttir. Afstaða Jóns Bjarnasonar er löngu þekkt. 

Bíddu, bíddu, bloggari! Er þetta ekki tveggja mánaða gömul frétt. Jú tveggja mánaða. Og Jóhanna Sigurðardóttir svaraði þvi til að þetta fólk skorti manndóm til að sitja á ESB hraðlestinni. Og gaf ekki mikið fyrir þessar skoðanir VG liða.

Síðan hafa verið haldnir fundir á fundi ofan í báðum stjórnarflokkunum sem allir hafa staðfest að forsætisráðherrann hafi rétt fyrir sér. Við sem enn erum í VG sitjum uppi með vonina um þingmenn flokksins eigi eitthvað uppi í erminni. Eitthvert ráð, eitthvert útspil. Eitthvað það sem réttlætir stóryrðin í haust.

Getur það verið Ögmundur, að það sé ekkert í erminni! Eða stóð aldrei til að þetta væri meira en stóryrðin haustið 2010.

/-b.

Athugasemdir

[Tómas Ibsen Halldórsson, 26.10.2012 kl. 14:22]

Þingflokkur VG hefur látið gamla konu niðurlægja sig hvað eftir annað og virðist þykja það bara gott.  Það er aðeins einn þingmaður VG sem hefur ekki látið bjóða sér slíkar trakteringar, en sá þingmaður er Jón Bjarnason.  Á hann heiður skilinn.

[Erla Magna Alexandersdóttir, 26.10.2012 kl. 18:07]

Kemur ALDUR Jóhönnu þessu við ? Er þá ekki augljóst að hún er við fulla andsk... geðh. þrátt fyrir aldur að hún skuli koma öllum vinstri græningjum undir he he

[Hrólfur Þ Hraundal, 27.10.2012 kl. 11:02]

Loforð hafa aldrei tollað í ermum Vinstri grænna frekar en annarra komunista. Það eina sem Ögmundur og aðrir VG liðar hafa áhuga á er góður púði undir rassinn. 

Þó VG liðar mögli í skotum þá er formaðurinn þeirra heilög mjólkur kú og múhameð og frá honum lekur spekin sem allir VG liðar klappa fyrir þá hann krefst.  Aular eða snillingar? allvegana sniðugt!! 

Þó þekkti ég á árum áður komunista sem stóð við loforð og lifði samkvæmt kenningunni og hét hann Bjarni og var Þórðarson og var bæjarstjóri á Nesi við Norðfjörð. það var ærlegur komunisti.     

[Ásmundur (IP-tala skráð) 27.10.2012 kl. 11:04]

Ef Ögmundur hefur séð að sér, fær hann prik fyrir það. Það er auðvitað algjörlega fráleitt að kjósa um ESB-aðild áður en fyrir liggur hvað er í boði. Sérstaklega eftir allan blekkingaráróðurinn.

Það er misskilningur að Katrín og Svandís hafi tekið undir með Ögmundi. Þær vildu aðeins að staða aðildarviðræðnanna yrðu skoðuð. Þær tóku fram að slík skoðun gæti leitt til óbreytts ástands.

Þær vilja ekki að stjórnin fari frá sem er óhjákvæmileg afleiðing þess að slíta viðræðunum. Þær eru skynsamar konur sem skilja að það ber að virða gerða samninga.

Það er auðvitað engin niðurlæging fólgin í því að vilja standa við málefnasamning ríkisstjórnarinnar enda ljóst að á honum hangir samstarfið.

Niðurlæging þeirra, sem láta eins og málefnasamningurinn sé marklaust plagg óháð áframhaldi á ríkisstjórnarsamstarfinu, er hins vegar mikil. 

Það er tilræði við lýðræðið að reyna að blekkja fólk til að segja nei, áður en ljóst er hvað er í boði, til að koma í veg fyrir að það segi já þegar samningur liggur fyrir.  

Jóhanna hefur afrekað margt í þessari ríkisstjórn. Ef það telst til afreka að halda samstarfsflokknum við það efni sem samstarfið hvílir á, þá er það fyrst og fremst til vitnis um bágborið ástand innan raða VG. 

[Elle_, 27.10.2012 kl. 21:11]

Ási falski lýðræðsissinni, ekki enn búinn að læra að það er ekkert ´í boði´ þarna nema veldið sjálft?  Nýlenduveldi og ófriður. 

Jóhanna afrekað mikið??  Jóhanna er ófriðarsinni sem vinnur gegn landi, lýðræði og þjóð.  Prófaðu nú einu sinni að segja satt svona áður en ruglinu verður troðið ofan í ykkur öfugt.